ໂຮງຮຽນ ປກສ ຊັ້ນສູງ ເລກ 3 ສອບເສັງຈົບຊັ້ນ ຮຸ່ນທີ 1

  ໃນວັນທີ 28-30 ກໍລະກົດ 2020 ໂຮງຮຽນ ປກສ ຊັ້ນສູງເລກ 3 ກອງບັນຊາການ ປກສ ແຂວງ ສະຫວັນນະເຂດ, ໄດ້ຈັດພິທີສອບເສັງຈົບຊັ້ນໃຫ້ແກ່ນັກຮຽນຮຸ່ນທີ 1, ໂດຍການໃຫ້ກຽດເຂົ້າຮ່ວມຂອງ ທ່ານ ພັທ ຄອນສະຫວັນ ເຄນສຸວັນ ຮອງກົມກໍ່ສ້າງກຳລັງ ກົມໃຫຍ່ການເມືອງກະຊວງປ້ອງ ກັນຄວາມສະຫງົບ, ທ່ານ ພັັທ ດາວວອນ ຄົມທິລາດ ຮອງຫົວໜ້າຫ້ອງການເມືອງ ປກສ ແຂວງ, ທ່ານ ພັທ ບຸນອວນ ພານຸວົງ ຮອງອຳນວຍການໂຮງຮຽນ ປກສ ຊັ້ນສູງ ເລກ 3, ມີຄະນະກຳມະການສອບ ເສັງ, ຄູ-ອາຈານ ແລະນັກຮຽນ ລະບົບກໍ່ສ້າງ ຮຸ່ນທີ 1 ເຂົ້າຮ່ວມ.

ໃນພິທີ ພັຕ ສິດທິເດດ ເຄນນາ ວົງ ຫົວໜ້າພະແນກຄຸ້ມຄອງນັກສຶກສາໄດ້ຂຶ້ນຜ່ານຂໍ້ຕົກລົງຂອງກົມໃຫຍ່ການເມືອງກະຊວງປ້ອງກັນຄວາມສະຫງົບສະບັບເລກທີ 2322/ກມປສ ລົງວັນທີ 7 ກໍລະ ກົດ 2020 ວ່າດ້ວຍການອະນຸມັດ ຈັດຕັ້ງສອບເສັງຈົບຊັ້ນໃຫ້ແກ່ນັກຮຽນຮຸ່ນທີ 1 ໂຮງຮຽນ ປກສ ຊັ້ນສູງເລກ 3 ກອງບັນຊາການ ປກສ ແຂວງສະຫວັນນະເຂດ,ຊຶ່ງ ມີນັກຮຽນເຂົ້າສອບເສັງທັງໝົດ 301 ສະຫາຍ, ຍິງ 41 ສະຫາຍ, ທີ່ມາຈາກ ປກສ ແຂວງວຽງຈັນ, ນະຄອນຫຼວງ ກົມກອງອ້ອມຂ້າງກະຊວງ, ບໍລິຄຳໄຊ, ຄຳມ່ວນ ແລະປກສ ແຂວງສະຫວັນນະເຂດ ເຈົ້າພາບ, ຊຶ່ງການສອບເສັງໃນເທື່ອນີ້ແມ່ນສອບເສັງວິຊາຫຼັກ 3 ວິຊາຄື: ວິຊາການເມືອງ, ວິຊາກົດໝາຍ ແລະວິຊາສະເພາະສັນຕິບານ ແລະຕຳຫຼວດ, ການສອບເສັງແຕ່ລະວິຊາໃຊ້ເວລາ 180 ນາທີ ມື້ລະ ວິຊາ.

ພ້ອມດຽວກັນນີ້ ທ່ານ ພັທ ຄອນສະຫວັນ ເຄນສຸວັນ, ໄດ້ໂອ້ລົມ ແລະເນັ້ນໃຫ້ນັກຮຽນຮຸ່ນ 1 ທີ່ກຳລັງສອບເສັງ, ເອົາໃຈໃສ່ຄົ້ນຄວ້າເບິ່ງບົດຮຽນ ແລະປະຕິບັດຕາມລະບຽບຂອງການສອບເສັງຢ່າງເຂັ້ມງວດຍາດເອົາຄະແນນໃຫ້ໄດ້ຕາມລະດັບຄາດໝາຍ.

--------

ໜັງສືພິມເສດຖະກິດ-ສັງຄົມ

แชร์