ຖໍ້າອົງແກ້ວ ເມືອງລະມາມ ແຂວງເຊກອງ

  ເມືອງລະມາມ ແມ່ນອີກເມືອງໜຶ່ງຂອງແຂວງເຊກອງຊຶ່ງນອກຈາກອຸດົມສົມບູນໄປດ້ວຍວັດວາອາຮາມ, ປູລິຍະນິສະຖານອັນສັກສິດ ແລະສັກກາລະບູຊາທາງດ້ານປະຫວັດສາດ ແລະວັດທະນະທໍາອັນດີງາມແລ້ວຍັງມີພູຜາປ່າໄມ້ ແລະທໍາມະຊາດອັນຂຽວ ງາມດົກໜາ, ປະກອບມີແຫຼ່ງທ່ອງທ່ຽວຖໍ້າອົງແກ້ວ ຊຶ່ງເປັນຖໍ້າຈາກທໍາມະຊາດທີ່ກໍາລັງໄດ້ຮັບຄວາມນິຍົມຈາກບັນດານັກທ່ອງທ່ຽວທັງພາຍໃນ ແລະຕ່າງປະເທດທີ່ເຂົ້າມາທ່ຽວຊົມຢ່າຫຼວງຫຼາຍ.

 ຖໍ້າອົງແກ້ວ ແມ່ນອີກສະຖານທີ່ທ່ອງທ່ຽວໜຶ່ງທີ່ມີຄວາມສວຍສົດງົດງາມ ແລະໂດດເດັ່ນຖໍ້າອົງແກ້ວ ຫ່າງຈາກເທສະບານເມືອງ ລະມາມ 40 ກິໂລແມັດ, ຕັ້ງຢູ່ ພາກຕາເວັນອອກສຽ່ງໃຕ້ຂອງພູ,ໃນສະໄໜຕໍ່ສູ້ກັບຈັກກະພັດອາເມລິກາຖໍ້າດັ່ງກ່າວເປັນເຂດທີ່ໝັ້ນຂອງແນວລາວອິດສະລະ ຫຼືຂອງການປະຕິວັດ ແລະເປັນສຳນັກງານແຂວງເກົ່າ, ຜູ້ນຳໄດ້ໃຊ້ເປັນບ່ອນລີ້ຊ້ອນຕົວໃນການເຄື່ອນໄຫວຕໍ່ສູ້,ເຊື່ອມຕໍ່ໃສ່ຖໍ້າຈະກຳເມືອງ ກະລືມ,ຕໍ່ມາໃນສະໄໝຈັກກະພັດອາເມລິກາປົກຄອງຖໍ້າອົງແກ້ວ ເປັນສາງອາວຸດຍຸດໂທປະກອນຂອງແນວລາວອິດສະລະ, ກໍ່ຄືແນວ ລາວຮັກຊາດໃນເມື່ອກ່ອນ.

 ເຖິງຢ່າງໃດກໍຕາມ, ຖໍ້າອົງ ແກ້ວ ແຫ່ງນີ້ກໍຍັງຄົງຮັກສາໄວ້ໄດ້ຄວາມສວຍສົດງົດງາມອັນເປັນເອກກະລັສະເພາະທາງດ້ານທໍາມະຊາດທີ່ອຸດົມສົມບູນໄປດ້ວຍຊີວະນາໆພັນ ແລະສັດສາວາສິ່ງຕະຫຼອດຮອດວັດຖຸສິ່ງຂອງທີ່ມີຄ່າດັ່ງ ນັ້ນກໍຄວນມີການປົກປັກຮັກສາພ້ອມທັງປັບປຸງປົວແປງແລະຟື້ນຟູສະຖານທີ່ທ່ອງທ່ຽວໃຫ້ມີຄວາມຈົບງາມ,ສ້າງສິ່ງເອື້ອອໍານວຍ ແລະເສັ້ນທາງເຂົ້າສູ່ແຫຼ່ງທ່ອງທ່ຽວໃຫ້ມີຄວາມສະດວກເພື່ອຮອງຮັບນັກທ່ອງທ່ຽວເຂົ້າມາທ່ຽວຊົມມີຄວາມປະທັບໃຈ, ເພື່ອເປັນທ່າແຮງໃຫ້ແກ່ການສ້າງເສດຖະກິດຂອງທ້ອງຖິ່ນໃຫ້ມີຄວາມເຂັ້ມແຂງ ຂຶ້ນເລື້ອຍໆ.

--------

ໜັງສືພິມເສດຖະກິດ-ສັງຄົມ

• 31/07/2020