ຖະແຫຼງຂ່າວ ໂຄງການຮ່ວມປັນຮັກ ຊ່ວຍສ້າງໂຮງຮຽນບ້ານຕັ້ງນາຍ ແຂວງວຽງຈັນ

  ວັນທີ 29 ກໍລະກົດຜ່ານມາ ທີ່ນະຄອນຫຼວງວຽງຈັນ ໂຮງແຮມລາວເທວ ຈັດພິທີຖະແຫຼງຂ່າວໂຄງການຮ່ວມປັນຮັກ Better Together ໂດຍໃຫ້ກຽດເຂົ້າຮ່ວມ ນາງ ຈັນວົງ ບົວແພງ ປະທານໂຄງການເປັນທັງທີ່ປຶກສາສະມາຄົມອາສາກູ້ໄພນະຄອນຫຼວງວຽງຈັນ 1624 ທ່ານ ນາງ ພອນວິໄລ ແສນປະເສີດ ປະທານທີ່ປຶກສາໂຄງ ການພ້ອມດ້ວຍແຂກຖືເຊີນພາກສ່ວນກ່ຽວຂ້ອງເຂົ້າຮ່ວມ.


    ຊຶ່ງພາຍໃນງານຖະແຫຼງຂ່າວໄດ້ມີການຮ່ວມໃຈຈາກໃຈທາງນາງແບບນາຍແບບພ້ອມເຈົ້າຂອງເຄື່ອງປະດັບ ແລະແບຣນເສື້ອຜ້າທີ່ມີຊື່ສຽງລະດັບແຖວໜ້າຂອງລາວ ເພື່ອເປັນສວນໜຶ່ງຈັດແຟຊັ້ນໂຊການກຸສົນເພື່ອໃຫ້ແຂກມາຮ່ວມຮັບຊົມ ແລະຊື້ບັດເພື່ອຮ່ວມເປັນການສົມທົບທຶນສ້າງໂຮງຮຽນ.


 ໂຄງການດັ່ງກ່າວແມ່ນການເກີດຂຶ້ນຈາກການຕົກລົງເຫັນດີຮ່ວມໃຈຈາກສະມາຄົມນະຄອນຫຼວງວຽງຈັນ 1624 ນ່ວມໂຮງແຮມລາວເທວວຽງຈັນ, ບໍລິສັດກ້າວໜ້າລາວເອັນເຕີ ເທັນເມັນ ຈຳກັດ ແລະ ຫ້ອງເສື້ອຄຳເພົ້າສັ່ງໄດ້ຮ່ວມກັນເພື່ອລະດົມທຶນຊ່ວຍເຫຼືອນ້ອງນັກຮຽນຢູ່ເຂດຫ່າງໄກຊອກຫຼີກ ບ້ານຫ້ວຍຕັ້ງນາຍ ເມືອງກາສີ ແຂວງວຽງຈັນ ເພື່ອໃຫ້ເດັກນ້ອຍໄດ້ຮັບສະພາບອາຄານຮຽນທີ່ດີ ແລະພັດທະນາສືບຕໍ່ສອນນ້ອງນັກຮຽນຕໍ່ໆໄປ.

----------------

_____________

ຂຽນໂດຍ: ບຸນນິກ,  ໜັງສືພິມເສດຖະກິດ-ສັງຄົມ

แชร์