ຄັ້ງໜຶ່ງຕ້ອງໄດ້ໄປ ຖໍ້າພະແກ້ວ ເມືອງບຸນໃຕ້

    ເມືອງບຸນໃຕ້ເປັນເມືອງໜຶ່ງທີ່ຂຶ້ນຊື່ທາງດ້ານຄວາມສວຍສົດງົດງາມຂອງທໍາມະຊາດ, ປະຫວັດສາດ ແລະ ວັດທະນະທໍາທີ່ອ້ອມ ກອດໄປດ້ວຍພູຜາປ່າໄມ້  ແລະ ສາຍ ນໍ້າທີ່ຍັງຄົງຄວາມອຸດົມສົມບູນຢູ່ ນອກຈາກນັ້ນ ຍັງມີສະຖານທີ່ທ່ອງ ທ່ຽວທາງທໍາມະຊາດໄວ້ໃຫ້ນັກທ່ອງທ່ຽວໄດ້ສໍາພັດຄວາມງົດງາມອີກຫຼາຍແຫ່ງບໍ່ວ່າຈະເປັນການຢ່າງຊົມຕາດ, ທ່ຽວຊົມຖໍ້າ, ລອງເຮືອ, ປິນຜາເພື່ອຊົມວິວທໍາມະຊາດ ແລະ ອື່ນໆ.

“ຖໍ້າພະແກ້ວ” ຖືເປັນອີກສະ ຖານທີ່ທ່ອງທ່ຽວທາງທໍາມະຊາດທີ່ສວຍງາມອີກແຫ່ງໜຶ່ງຂອງເມືອງບຸນໃຕ້ ທັງນີ້ກໍເນື່ອງຈາກວ່າຍັງຄົງ ມີຄວາມອຸດົມສົມບູນແບບທຳມະ ຊາດເປັນຢ່າງດີ, ບໍ່ວ່າຈະເປັນພູຜາປ່າໄມ້, ຫ້ວຍນ້ຳລຳທານ ແລະ ໂງ່ນ ຫີນທີ່ຢູ່ຕາມຕາດກໍຍັງຄົງມີສະພາບ ເດີມໂດຍບໍ່ໄດ້ມີການດັດສ້າງ ຫຼື ຕົບແຕ່ງແຕ່ຢ່າງໃດເວົ້າໄດ້ວ່າ: ຍັງ ງົດງາມດ້ວຍທຳມະຊາດໂດຍແທ້ ”ຊຶ່ງການເປັນມົນສະເໜດຶງດູດຈິດໃຈຜູ້ທີ່ໄດ້ພົບເຫັນໃຫ້ຄິດຮອດຈົນຍາກທີ່ຈະລືມ. ຖໍ້າທີ່ວ່າຕັ້ງຢູ່ໃນປ່າ ສະຫງວນນ້ຳລານຂອງເມືອງບຸນໃຕ້, ເປັນສະຖານທີ່ອາໄສຂອງເຈຍ ທີ່ມີຈຳນວນຫຼວງຫຼາຍ. ມີໄລຍະທາ ຫ່າງຈາກເທສະບານແຂວງ 123 ກິ ໂລແມັດ.

  ນອກນັ້ນໃນແຂວງຜົ້ງສາລີ ກໍ່ຍັງມີຫຼາຍສະຖານທີ່ໆຍັງບໍ່ທັນໄດ້ນໍາສະເໜີຕໍ່ສາຍຕາຂອງຜູ້ອ່ານ, ຜົ້ງສາລີ ເປັນແຂວງທີ່ອຸດົມສົມບູນໄປ ດ້ວຍຊັບໃນດິນສິນໃນນໍ້າ, ມີແຫຼ່ງ ທ່ອງທ່ຽວທີ່ໜ້າສົນໃຈຫຼາຍແຫ່ງ ເຊັ່ນ: ຖໍ້ານໍ້າແອງ, ໜອງກິນນາລີ, ສວນຊາ 400 ປີ, ນໍ້າຕົກຕາດມັດ ທິງ, ທາດກິວແອກ, ປ່າສະຫງວນ ພູຕາສານ ເພື່ອຮອງຮັບນັກທ່ອງ ທ່ຽວພາຍໃນແຂວງກໍ່ໄດ້ມີການຈັດ ສັນ ແລະ ປັບປຸງສະຖານທີ່ທ່ອງທ່ຽວຕ່າງໆ ເປັນຕົ້ນແມ່ນເສັ້ນທາງເຂົ້າ ຫາແຫຼ່ງທ່ອງທ່ຽວ, ຮ່ອງນໍ້າ,  ລະບົບ ໄຟຟ້າ,  ລະບົບຫ້ອງນໍ້າສາທາລະນະ, ເດີ່ນຈອດລົດສະຖານທີ່ການສະແດງ ແລະອື່ນໆເພື່ອຍົກສູງຄຸນນະພາບ ການບໍລິການໃຫ້ນັບມື້ສູງຂຶ້ນ.

• 14/02/2019