ຄາຣສເບີກ ຈັດກິດຈະກຳສະຫຼອງແຊ້ມລີເວີພູ

   ວັນທີ 26 ກໍລະກົດຜ່ານມາທີ່ຮ້ານອາຫານຊັນທາຣາ ນະຄອນຫຼວງວຽງຈັນ ຄາຣສເບີກ (Carlsberg) ໄດ້ຈັດງານສະເຫຼີມສະຫຼອງໃຫ້ກັບສະໂມສອນລີເວີພູ (Liverpool) ທີ່ໄດ້ແຊ້ມການແຂ່ງຂັນເຕະບານພຣີເມຍລີກອັງກິດລະດູການ 2019 (Premier League 2019) ແລະເປັນຄັ້ງທຳອິດໃນຮອບ 30ປີ ໂດຍມີຄະນະຮັບຜິດຊອບຈັດງານ ແລະແຟນບານລີເວີພູ ສປປ ລາວ ເຂົ້າຮ່ວມຢ່າງຫຼວງຫຼາຍ.

   ສໍາລັບຄາຣສເບີກ ໄດ້ເປັນຜູ້ສະໜັບສະໜູນ ແລະຄູ່ຮ່ວມງານຕັ້ງແຕ່ປີ 1992 ຈົນເຖິງປະຈຸບັນສະນັ້ນໃນການໄດ້ແຊ້ມໃນເທື່ອນີ້ Carlsberg ຈຶ່ງໄດ້ຜະລິດເບຍ Carlsbergກະປ໋ອງແດງອອກມາເພື່ອເປັນການສະຫຼອງແຊ້ມໃຫ້ກັບສະໂມສອນລີເວີພູໃນຄັ້ງນີ້ຢ່າງຍິ່ງໃຫຍ່ຊຶ່ງການຜະລິດເບຍແມ່ນຜະລິດຢູ່ 27 ປະເທດດ້ວຍກັນ.

   ສ່ວນກິດຈະກໍາໃນການສະເຫຼີມສະຫຼອງແຊ້ມຄັ້ງນີ້ປະກອບມີ: ການຖ່າຍຮູບ ແລະຫຼິ້ນເກມເພື່ອລຸ້ນຮັບລາງວັນຈາກສະໂມສອນລີເວີພູ, ຊົມການແຂ່ງຂັນນັດສົ່ງທ້າຍລະດູການລະຫວ່າງສະໂມສອນລີເວີພູ (Liverpool) ກັບສະໂມສອນນິວຄາດເຊິນ (New casatle) ແລະກິດຈະກຳອື່ນໆອີກຢ່າງຫຼວງຫຼາຍ.

 

แชร์