ເປີດງານວຽງຈັນເຊັນເຕີມໍເຕີໂຊ

  ງານວຽງຈັນເຊັນເຕີ ມໍເຕີໂຊ 2020 Vientaine Center Motor show 2020 ໄດ້ເປີດຂຶ້ນໃນວັນທີ 25 ກໍລະກົດ 2020 ທີ່ສູນການຄ້າວຽງຈັນເຊັນເຕີ ເປັນກຽດເຂົ້າຮ່ວມເປີດງານໂດຍ ທ່ານ ວຽງມະນີ ຢົງລໍ້ຢ່າງ ຮອງຫົວໜ້າພະແນກສົ່ງເສີມການຕະຫຼາດ, ກົມສົ່ງເສີມການຄ້າ, ທ່ານ ວົງພູທອນ ສີຈັນທະລາດ ຄະນະບໍລິຫານສະຖານີໂທລະພາບນະຄອນຫຼວງ, ທ່ານ ແປງແຕງ ຫົວໜ້າຄະນະບໍລິຫານງານສູນການຄ້າວຽງຈັນເຊັນເຕີ ແລະ ຕຶກສໍານັກງານບັນດາຜູ້ບໍລິຫານບໍລິສັດຕົວ ແທນຈໍາໜ່າຍພາຫະນະຕ່າງໆ ແລະພາກສ່ວນກ່ຽວຂ້ອງເຂົ້າຮ່ວມ.


 ທ່ານ ນາງ ສີນວນ ມະຫັດທະນະວີໂຣດ ຮອງຜູ້ອໍານວຍການສູນການຄ້າວຽງຈັນເຊັນເຕີໄດ້ກ່າວໃຫ້ຮູ້ວ່າ: ງານວຽງຈັນໂມເຕີໂຊເປັນງານປະຈໍາປີຂອງສູນການຄ້າວຽງ ຈັນເຊັນເຕີຄັ້ງນີ້ແມ່ນຈັດຂຶ້ນເປັນປີທີ 4 ຊຶ່ງຈະໄດ້ເປີດຢູ່ເປັນເວລາ 9 ວັນເລີ່ມແຕ່ວັນທີ 25 ກໍລະກົດ ຫາວັນທີ 2 ສິງຫາ 2020 ໂດຍພາຍໃຕ້ຄໍາຂວັນທີ່ວ່າ: ທ່ອງ ທ່ຽວປອດໄພໃສ່ໃຈສິ່ງແວດລ້ອມການຈັດງານນີ້ຂຶ້ນມາກໍເພື່ອເປັນການວາງສະແດງລົດ, ອຸປະກອນຕົບແຕ່ງລົດ, ຄວາມຮູ້ກ່ຽວກັບປະກັນໄພ ແລະການຂັບຂີ່ອີກຢ່າງຍັງເປັນການຕອບສະໜອງຄວາມຮຽກຮ້ອງຕ້ອງການໃນການຊົມໃຊ້ລົດໃຫ້ແກ່ລູກຄ້າເຊິ່ງເປັນອີກທາງເລືອກໜຶ່ງໃນການຕັດສິນໃຈຊື້ພາຫະນະທີ່ມີຄຸນນະພາບ ແລະ

ເໝາະສົມຕາມຄວາມຕ້ອງການນອກນັ້ນພາຍໃນງານແມ່ນຈະໄດ້ພົບກັບຫຼາກຫຼາຍກິດຈະກໍາແຈກຂອງແຖມຫຼາກຫຼາຍຢ່າງຈາກບໍລິສັດຕົວແທນຈໍາໜ່າຍລົດລະດັບແຖວໜ້າ ແລະຜູ້ໃຫ້ການສະໜັບສະໜູນເຊັ່ນ: ບີວາຍດີ, ບີບີໂອໂຕຊ໊ອບ, ອີລິດມໍເຕີສະປອດສ໌, ລາວຟອດຊີຕີ, ຈີເອຊີມໍເຕີ, ຮອນດາ, ໂຄລາວ, ມັສດາ, ເອັມຈີ, ນິສສັນຕັນຈົງມໍເຕີ, ສະຕາສອງພັນໜຶ່ງ ແລະອື່ນໆ, ບໍລິສັດປານຄໍາຈໍາປາ, ໂຮງຮຽນສອນຂັບລົດທົ່ງສາງນາງ, ເອັສທີ-ເມືອງປະກັນໄພ, ເມເຈີແພັດຕີນໍ້າຊີນີເພັກ, ໂທລະ ພາບນະຄອນລວງ, ສຸກເມັກອັບ, ບີວິເສີ້ນ ແລະຊິວໂຣດມີເດຍ.

-------------

____________

ຂຽນໂດຍ: ແພງຕາ              

ພາບ ແລະຂ່າວ: ໜັງສືພິມເສດຖະກິດ-ສັງຄົມ

แชร์