ທະນາຄານເອຊີລີດາ ເຊັນສັນຍາຮ່ວມມືກັບລ້ານຊ້າງປະກັນໄພ

  ໃນວັນທີ 24 ກໍລະກົດ2020, ທີ່ບໍລິສັດ ລ້ານຊ້າງປະກັນໄພ ມະຫາຊົນ, ສໍານັກງານໃຫຍ່ໄດ້ຈັດພິທີເຊັນສັນຍາວ່າ ດ້ວຍການຮ່ວມມືລະຫວ່າງທະນາຄານເອຊີລີດາ ລາວ ຈຳກັດ ແລະບໍລິສັດ ລ້ານຊ້າງປະກັນໄພ ມະຫາຊົນ, ຈຸດປະສົງເພື່ອເພີ່ມການພົວພັນ ແລະຮ່ວມມືສົ່ງເສີມໃຫ້ເກີດຜົນປະໂຫຍດສູງສຸດໂດຍການນຳສະເໜີຜະລິດ ຕະພັນ ແລະການບໍລິການທາງດ້ານການເງິນທີ່ດີທີ່ສຸດໃຫ້ແກ່ລູກຄ້າ.


  ເປັນກຽດໃນພິທີເຊັນສັນຍາໂດຍທ່ານ ດຣ ຮາຍ ສະວາຍ ຜູ້ອຳນວຍການໃຫຍ່ທະນາຄານ ເອຊີລີດາ ລາວ ຈຳກັດ ແລະທ່ານ ໂດດັງ ຄາງ ຜູ້ອຳນວຍການໃຫຍ່ບໍລິສັດ ລ້ານຊ້າງ ປະກັນໄພ ມະຫາຊົນ ຄະນະຜູ້ບໍລິຫານຂອງທັງສອງຝ່າຍໄດ້ເຂົ້າຮ່ວມເປັນສັກຄີພິຍານໃນຄັ້ງນີ້.


  ໂດຍທັງສອງຝ່າຍໄດ້ໃຫ້ຄຳໝັ້ນ ແລະບູລິມະສິດໃນການນຳໃຊ້ຜະລິດຕະພັນຕ່າງໆຂອງແຕ່ລະຝ່າຍເພື່ອເພີ່ມທະວີການຂາຍຜະລິດຕະພັນ, ການບໍລິການຄູ່ຮ່ວມທຸລະ ກິດ ແລະຮັບປະກັນໃນການຮັກສາຂໍ້ມູນເອກະສານລູກຄ້າໃນການດຳເນີນທຸລະກິດຂອງທັງສອງຝ່າຍ.


  ທະນາຄານເອຊີລີດາລາວຈຳກັດເປັນທະນາຄານລູກຂອງທະນາຄານເອຊີລີດາມະຫາຊົນເຊິ່ງເປັນທະນາຄານທີ່ນຳໜ້າໃນປະເທດກຳປູເຈຍປະຈຸບັນ, ທະນາຄານເອຊີລີດາລາວມີພະນັກງານຫຼາຍກວ່າ 1.000 ຄົນ ທີ່ໃຫ້ບໍລິການລູກຄ້າໃນ 38 ສຳນັກງານທົ່ວປະເທດ,ມີຕູ້ເອທີເອັມ 56 ໜ່ວຍໃຫ້ບໍລິການ 24 ຊົ່ວໂມງ ແລະ mobile banking “ACLEDA ToanChet (ທັນໃຈ) ທີ່ລູກຄ້າສາມາດເຮັດທຸລະກຳໄດ້ທຸກວັນທຸກທີ່ທຸກເວລາທະນາຄານ ເອຊີລີດາ ລາວ ຈຳກັດ ຂໍຖືໂອກາດນີ້ສະແດງຄວາມຂອບໃຈເປັນຢ່າງສູງມາຍັງລູກຄ້າທຸກໆ ທ່ານທີ່ໃຊ້ຜະລິດຕະພັນແລະການບໍລິການຂອງທະນາຄານຂອງພວກເຮົາທະນາຄານເອຊີລີດາຈະສືບຕໍ່ພັດທະນາລະບົບການບໍລິການ ແລະຜະລິດຕະພັນທີ່ທັນສະໄໝເພື່ອຕອບສະໜອງຕາມຄວາມຕ້ອງການຂອງລູກຄ້າ.

--------------

------------

ໜັງສືພິມເສດຖະກິດ-ສັງຄົມ

แชร์