ໜອງບົກ ສອບເສັງຈົບຊັ້ນມັດທະຍົມຕອນຕົ້ນ ມ4

 ເມື່ອອາທິດຜ່ານມາທີ່ໂຮງຮຽນ ມ ຕົ້ນໜອງບົກ ໄດ້ມີການຈັດພິທີເປີດບັ້ນສອບເສັງຈົບຊັ້ນມັດທະຍົມ ມ4 ປະຈຳສົກຮຽນ 2019-2020 ພາຍໃຕ້ການເປັນປະທານຂອງ ທ່ານ ອຸທອນຖະຫວິນ ວໍລະຈັກ ຮອງເຈົ້າເມືອງໆ ໜອງບົກ ທັງເປັນປະທານຄະນະກຳມະການສອບເສັງຈົບຊັ້ນມັດທະຍົມຕອນຕົ້ນພາຍໃນເມືອງ, ທ່ານ ສີສົມພູ ຄຳໄຂ ຮອງຫົວໜ້າຫ້ອງການສຶກສາທິການ  ແລະກີລາເມືອງພ້ອມບັນດາຄູ-ອາຈານຄະນະກຳມະການຍາມຫ້ອງສອບເສັງ, ນັກຮຽນເຂົ້າຮ່ວມຢ່າງພ້ອມພຽງ.

  ຈຸດປະສົງຄັ້ງນີ້ກໍ່ເພື່ອເຮັດໃຫ້ການຈັດບັ້ນສອບເສັງຈົບຊັ້ນມັດທະຍົມຕົ້ນໃຫ້ມີຄວາມເປັນລະບຽບຮຽບຮ້ອຍພ້ອມທັງມີການຮັບປະກັນທາງດ້ານປະລິມານ ແລະຄຸນນະພາບຊຶ່ງໃນພິທີທ່ານ ສີສົມພູ ຄຳໄຂ ຮອງຫົວໜ້າຫ້ອງການສຶກສາທິການ ແລະກີລາເມືອງໄດ້ຂຶ້ນຜ່ານບົດລາຍງານການກະກຽມຄວາມພ້ອມໃນການສອບເສັງໃນຄັ້ງນີ້ໃນທົ່ວເມືອງໜອງບົກມີໂຮງຮຽນມັດທະຍົມສຶກສາທັງໝົດ 11 ແຫ່ງໃນນັ້ນມີໂຮງຮຽນມັດທະຍົມສຶກສາຕອນຕົ້ນ 5 ແຫ່ງ, ມັດທະຍົມສົມບູນ 5 ແຫ່ງ, ມີຈຳນວນ ຫ້ອງສອບຊັ້ນ ມ4 ທັງໝົດພາຍໃນເມືອງມີ 19 ຫ້ອງ, ມີນັກຮຽນຊັ້ນ ມ4 ຕົ້ນປີມີທັງໝົດ 508 ຄົນ, ຍິງ 260 ຄົນ, ປະລະໃນການຮຽນ 23 ຄົນ, ຍິງ 8 ຄົນ, ມີໜ້າສອບທັງໝົດ 485 ຄົນ, ຍິງ 252 ຄົນ, ແບ່ງອອກເປັນ 3 ສູນ, ສອບເສັງມີ 26 ຫ້ອງສອບແຕ່ລະຫ້ອງສະເລ່ຍ 19 ຄົນຕໍ່ຫ້ອງ ແລະແບ່ງອອກເປັນ 3 ສູນສອບເສັງຄື: ສູນສອບເສັງ ມຕ ໜອງບົກ ມີ 12 ຫ້ອງສອບ, ມີ 3 ໂຮງຮຽນຄື: ໂຮງຮຽນ ມຕ ໜອງບົກ, ມຕ ຫາດຊຽງດີ ແລະໂຮຽຮຽນ ມສ ສອງເໝືອງ, ມີນັກ ຮຽນສອບເສັງ 220 ຄົນ, ຍິງ 105 ຄົນ, ມີນັກຮຽນສອບສະເລ່ຍ 18-19 ຄົນ ຕໍ່ຫ້ອງ, ສູນສອບເສັງໜອງຜໍາມີ 6 ຫ້ອງສອບເສັງ, ມີ 3 ໂຮງຮຽນຄື: ໂຮງຮຽນໜອງຜຳ, ມຕ ດົງບູນ  ແລະມຕ  ນາຈໍາປາ, ມີນັກຮຽນສອບທັງໜົດ 111 ຄົນ, ຍິງ 61  ຄົນ, ມີນັກຮຽນສອບເສັງສະເລ່ຍ  18 ຄົນຕໍ່ຫ້ອງ, ສູນສອບເສັງຕານເທິງ, ມີ 8 ຫ້ອງສອບ, ມີໂຮງ ຮຽນຄື: ມສ ດອນຂຽວ, ມຕ ໜອງຫຼຸົ່ມ ແລະ ມສ ນາວາງ, ມີນັກຮຽນ ສອບເສັງທັງໝົດ 154 ຄົນ, ຍິງ 86 ຄົນ, ມີນັກສອບເສັງສະເລ່ຍ 19-20 ຄົນຕໍ່ຫ້ອງ.

 ໃນຕອນທ້າຍຂອງພິທີຍັງໄດ້ມີການຕັດຫົວບົດສອບເສັງໂດຍເປັນກຽດຕັດຂອງ ທ່ານ ອຸຖອນທະຫວິນ ວໍລະຈັກ ຮອງເຈົ້າເມືອງໆໜອງບົກພ້ອມດ້ວຍບັນດາຄູ-ອາຈານເປັນສັກຂີພິຍານ.

แชร์