ການນຳກະຊວງ ຖວທ ເຂົ້າຮ່ວມເຜີຍແຜ່ວຽກປົກປ້ອງເດັກທີ່ຫຼວງພະບາງ

  ທ່ານ ສະຫວັນຄອນ ຣາຊມຸນຕຣີ ຮອງລັດຖະມົນຕີກະຊວງຖະແຫຼງຂ່າວວັດທະນະທຳ ແລະທ່ອງທ່ຽວພ້ອມຄະນະໄດ້ເຂົ້າກອງປະຊຸມເຜີຍແຜ່ວຽກງານປົກປ້ອງເດັກຈາກພະຍາດໂຄວິດ-19 ສໍາລັບຂະແໜງຖະແຫຼງຂ່າວທົ່ວປະເທດໃນວັນທີ 27 ກໍລະກົດ 2020 ນີ້ຢູ່ຫ້ອງປະຊຸມຫ້ອງການພະແນກຖະແຫຼງຂ່າວ, ວັດທະນະທໍາ ແລະທ່ອງທ່ຽວແຂວງຫຼວງພະບາງໂດຍໃຫ້ກຽດກ່າວຕ້ອນຮັບຂອງທ່ານ ຈັນສະໝອນ ທິບພາວັນ ຮອງຫົວຫນ້າພະແນກຖະແຫຼງຂ່າວ, ວັດທະນະທໍາ ແລະທ່ອງທ່ຽວແຂວງຫຼວງພະບາງ, ມີຕາງໜ້າພະແນກ ຖວທ 8 ແຂວງພາກເໜືອເຂົ້າຮ່ວມ.
  ໃນພິທີຮອງລັດຖະມົນຕີກະຊວງຖະແຫຼງຂ່າວ, ວັດທະນະທໍາ ແລະ ທ່ອງທ່ຽວໃຫ້ກຽດເຜີຍແຜ່ວຽກງານປົກປ້ອງເດັກ ແລະ ປົກປ້ອງພະຍາດໂຄວິດ-19 ສໍາລັບຂະ ແໜງຖະແຫຼງຂ່າວທົ່ວປະເທດວ່າ: ຈຸດປະສົງໃນການເຜີຍແຜ່ຄັ້ງນີ້ກໍເພື່ອເປັນການຊຸກຍຸ້ໂຄສະນາໃຫ້ແກ່ວຽກງານປົກປ້ອງເດັກໃຫ້ກວ້າງຂວາງ ແລະ ເລິກເຊິ່ງ, ກະ ຊວງ ຖວທ ໄດ້ຮ່ວມກັບຄະນະກໍາມະການແຫ່ງຊາດເພື່ອຄວາມກ້າວໜ້າຂອງແມ່ຍິງ ແລະ ແມ່-ເດັກ ໂດຍການສະໜັບສະໜູນຈາກອົງການຍູນິເຊັບໄດ້ຜະລິດສື່ໂຄສະ ນາຈໍານວນໜຶ່ງກ່ຽວກັບວຽກງານປົກປ້ອງເດັກ ໂດຍສະເພາະ ແມ່ນເນັ້ນໃສ່ໄລຍະເກີດມີການລະບາດຂອງພະຍາດໂຄວິດ-19 ຢູ່ປະເທດລາວ ທັງເປັນການກຽມຄວາມພ້ອມເພື່ອຮັບມືໃນກໍລະນີເກີດມີການລະບາດຮອບໃໝ່.ຊຶ່ງຜ່ານມາລັດຖະບານແຫ່ງ ສປປ ລາວ ໄດ້ປະຕິບັດສິດທິພື້ນຖານຄື: 4 ສິດ ຊຶ່ງສົນທິສັນຍາໄດ້ກໍານົດ, 1991 ສິດທິໃນ ການຢູ່ຕະຫຼອດ, ສິດໃນການພັດທະນາ, ສິດໃນການໄດ້ຮັບການປົກປ້ອງ ແລະສິດໃນການມີສ່ວນຮ່ວມກົດໝາຍພາຍໃນປະເທດຂອງລາວເຮົາໄດ້ຫັນເອົາເນື້ອໃນຂອງສົນທິສັນຍາສະບັບນີ້ເຂົ້າໃນກົດໝາຍວ່າດ້ວຍການປົກປ້ອງ 3 ມາດຕາ ແລະການລະບາດພະຍາດໂຄວິດ-19 ມັນເປັນວິກິດການດ້ານສິດທິເດັກເຊັ່ນ: ການປິດໂຮງຮຽນ,ການຈໍາກັດການເດີນທາງອາກາດ ແລະປະຕິບັດປິດການເຂົ້າ-ອອກເມືອງກໍາລັງມີຜົນກະທົບໂດຍກົງຕໍ່ຊີວິດ,ການຢູ່ດີກິນດີຂອງເດັກໃນ ສປປ ລາວ ເດັກນ້ອຍຫຼາຍກວ່າ 1,4 ລ້ານ ຄົນຖືກໃຫ້ຢູ່ແຕ່ບໍລິເວນເຮືອນຂອງຕົນ, ປິດການເຂົ້າ-ອອກເມືອງ, ຄວາມຢ້ານ ກວາ ແລະຄວາມກົດດັນ ເພີ່ມຂຶ້ນ, ການສູນ ເສຍວຽກເຮັດງານທໍາ,ເສດຖະກິດຕົກຕໍ່າ ແລະບໍລິເວນທາງສັງຄົມທີ່ຈໍາກັດອາດຈະເຮັດໃຫ້ເກີດຄວາມຮຸນແຮງໃນຄອບຄົວ, ການທໍາຮ້າຍຮ່າງກາຍ, ທາງເພດ ແລະທາງຈິດໃຈ.
  ສະນັ້ນກະຊວງຖະແຫລງຂ່າວ, ວັດທະນະທໍາ ແລະທ່ອງທ່ຽວໄດ້ຮ່ວມກັບຄະນະກໍາມະການແຫ່ງຊາດເພື່ອຄວາມກ້າວໜ້າຂອງແມ່ຍິງ ແລະແມ່-ເດັກ ໂດຍການສະ ໜັບສະໜູນຈາກອົງການຍູນິເຊັບໄດ້ຜະລິດສື່ໂຄສະນາຈໍານວນໜຶ່ງໂຄສະນາອອກທາງວິທະຍຸ ແລະໂທລະພາບ ແລະການອັດສຽງເພື່ອກະຈາຍທາງໂທລະໂຄງໃນແຕ່ລະບ້ານເພື່ອຊ່ວຍໃຫ້ປະຊາຊົນລາວລວມທັງເດັກໄດ້ຮັບຮູ້ວິທີການປ້ອງກັນຕົວເອງ ແລະຮູ້ວ່າຈະຂໍຄວາມຊ່ວຍເຫຼືອແນວໃດ, ຈາກໃຜໃນເວລາພົບບັນຫາທາງດ້ານຈິດໃຈ.

_____________

ຂຽນໂດຍ: ສີສຸວັນ       

ພາບ ແລະຂ່າວ: ໜັງສືພິມເສດຖະກິດ-ສັງຄົມ

แชร์