ເສດຖະກິດອັງກິດເຕີບໂຕຕໍ່າສຸດໃນຮອບ 6 ປີ

  ຂໍ້ມູນທາງການລະບຸວ່າ ເສດຖະກິດອັງກິດໃນປີ 2018 ເຕີບໂຕຕໍ່າສຸດໃນຮອບ 6 ປີ ໂດຍ ຂະແໜງການຜະລິດເກືອບບໍ່ເຕີບ ໂຕເລີຍໃນໄຕມາດສຸດທ້າຍ ຂະ ນະທີ່ເບຣັກຊິດຍັງບໍ່ແນ່ນອນ ແລະການເຕີບໂຕຂອງເສດຖະກິດ ໂລກລໍຕົວລົງ.

      ຕາມຂ່າວຕ່າງປະເທດລາຍ ງານວ່າ ຂໍ້ມູນເສດຖະກິດຢ່າງເປັນ ທາງການນີ້ມີຂຶ້ນໃນຂະນະທີ່ລັດຖະບານອັງກິດຈະຕ້ອງເຮັດໃຫ້ຄະນະເຈົ້າໜ້າທີ່ຝ່າຍສະຫະພາບ ເອີຣົບ (ອີຢູ) ເຫັນດີຕາມຂະບວນ ການທີ່ອັງກິດອອກຈາກການ ເປັນສະມາຊິກອີຢູ (ເບຣັກຊິດ) ໂດຍຈະຕ້ອງຜ່ານຄວາມເຫັນດີ ຈາກສະພາ ແລະເຮັດຕາມຂໍ້ກຳ ນົດໃນວັນທີ 29  ມີນາທີ່ຈະມາ ເຖິງນີ້ ຂະນະທີ່ຍັງບໍ່ມີທິດທາງ ຈະແຈ້ງວ່າຈະເປັນໄປໃນຮູບແບບ ໃດກ່ອນໜ້ານີ້ລັດຖະສະພາອັງ ກິດລົງມະຕິບໍ່ຮັບຮອງຂໍ້ຕົກລົງ ເບຣັກຊິດທີ່ນາຍົກລັດຖະມົນຕີ ເທເຣຊາເມ ນຳສະເໜີ ທັງທີ່ໄດ້ ຕົກລົງກັບຜູ້ນໍາປະເທດສະມາຊິກ ອີຢູໄປແລ້ວ.

  ສຳນັກງານສະຖິຕິແຫ່ງຊາດ ລາຍງານໃນວັນທີ 11 ກຸມພາຜ່ານ ມາວ່າ ຕົວເລກລວມຍອດຜະລິດ ຕະພັນພາຍໃນ (ຈີດີພີ) ເຕີບໂຕ ທີ່ 1,4% ໃນປີທີ່ຜ່ານມາ ຈາກ 1,8% ໃນປີ 2017 ແລະຕົວເລກ ການເຕີບໂຕເມື່ອສາມເດືອນທີ່ ຜ່ານມາຂອງປີ 2018 ຢູ່ທີ່ 0,2% ເທົ່ານັ້ນ.

แชร์