ຊັນສັນຍາໂຄງການກໍ່ສ້າງໂຮງຮຽນມິດຕະພາບລາວ-ຈີນ

  ເພື່ອຈັດຕັ້ງປະຕິບັດຕາມແຜນການເຄື່ອນໄຫວຮ່ວມສ້າງຄູ່ຮ່ວມຊາຕາກໍາລາວ-ຈີນ ລະຫວ່າງພັກຄອມມູນິດຈີນ ແລະ ພັກປະຊາຊົນປະຕິວັດລາວທີ່ເລຂາທິການໃຫຍ່ທັງສອງພັກສອງລັດລາວ-ຈີນ ໄດ້ຮ່ວມກັນລົງນາມໃນຄັ້ງວັນທີ 30 ເມສາ 2009 ທີ່ຜ່ານມາບົນພື້ນຖານຈິດໃຈ ແລະຫຼັກການຮ່ວມກັນປຶກສາ, ຮ່ວມກັນກໍ່ສ້າງ ແລະຮ່ວມກັນຊົມໃຊ້, ບໍລິສັດຕາຂ່າຍໄຟຟ້າພາກໃຕ້ຈີນຈໍາກັດຈະຊ່ວຍເຫຼືອກໍ່ສ້າງໂຮງຮຽນຢູ່ບ້ານວັງເຫຼັກ ແລະ ບ້ານຫາດໜາມເມືອງຜາອຸດົມ ແຂວງບໍ່ແກ້ວ ຊຶ່ງຢູ່ໃກ້ກັບໂຄງການເຂື່ອນໄຟຟ້ານໍ້າທາ 1 ແລະໄດ້ຕົກລົງເຫັນດີມອບສິດໃຫ້ບໍລິສັດໄຟຟ້ານໍ້າທາລາວຈຳກັດເປັນຜູ້ຮັບຜິດຊອບການຈັດຕັ້ງປະຕິບັດວຽກດັ່ງກ່າວ, ມາໃນວັນທີ 21 ກໍລະກົດ ຢູ່ທີໂຮງແຮມໝອນ ທອງ ຊຶ່ງໄດ້ມີພິທີເຊັນສັນຍາໂຄງການຊ່ວຍເຫຼືອໃນການກໍ່ສ້າງໂຮງຮຽນມິດຕະພາບລາວ-ຈີນບ້ານວັງ ເຫຼັກ ແລະບ້ານຫາດໜາມ ເມືອງ ຜາອຸດົມ ແຂວງບໍ່ແກ້ວ ລວມມູນຄ່າຊ່ວຍເຫຼືອທັງໝົດ: 5 ແສນໂດລາສະຫະລັດ ເພື່ອນໍາໃຊ້ເຂົ້າໃນການກໍ່ສ້າງຄື: ໂຮງຮຽນປະຖົມສົມບູນວັງເຫຼັກປູກສ້າງອາຄານຮຽນ ປະຖົມ 1 ຫຼັງ 4 ຫ້ອງຮຽນ, ອາຄານຮຽນອະນຸບານ 1 ຫຼັງ 2 ຫ້ອງຮຽນ, ປັບປຸງເດີ່ນກີລາ ແລະສະໜອງອຸປະກອນການຮຽນ-ການສອນ) ຊຶ່ງຕັ້ງຢູ່ບ້ານວັງເຫຼັກ (ເຂດລະອ່າງ), ເມືອງຜາອຸດົມ, ແຂວງບໍ່ແກ້ວໂຮງຮຽນປະຖົມສົມບູນຫາດໜາມປູກສ້າງອາຄານຮຽນອະນຸບານ 1 ຫຼັງ 1 ຫ້ອງຮຽນ,ສະໜອງອຸປະກອນການຮຽນ-ການສອນ) ຊຶ່ງຕັ້ງຢູ່ບ້ານຫາດໜາມ, ເມືອງຜາອຸດົມ, ແຂວງບໍ່ແກ້ວ, ໂຮງຮຽນມັດທະຍົມຕອນຕົ້ນຫາດໜາມ (ປູກສ້າງອາຄານຮຽນ 1 ຫຼັງ 6 ຫ້ອງຮຽນ ແລະ  ສະໜອງອຸປະກອນການຮຽນ-ການສອນ) ທີ່ບ້ານຫາດໜາມ, ເມືອງຜາອຸດົມ, ແຂວງບໍ່ແກ້ວ.

  ພິທີເຊັນສັນຍາມອບ-ຮັບໂຄງການຊ່ວຍເຫຼືອດັ່ງກ່າວທ່ານ ຫລິວຈ້ຽນ (Mr LIU JIAN) ຜູ້ອໍານວຍບໍລິສັດໄຟຟ້ານໍ້າທາ 1 ຂຶ້ນເຊັນມອບໂຄງການຊ່ວຍເຫຼືອ, ທ່ານຈອມສີ ລັດຕະນະປັນ ຮອງເຈົ້າແຂວງໆບໍ່ແກ້ວຕາງໜ້າອົງການປົກຄອງແຂວງບໍ່ແກ້ວຂຶ້ນເຊັນຮັບໂຄງການຊ່ວຍເຫຼືອດັ່ງກ່າວ, ທ່ານ ຄຳມະນີ ອິນທິລາດ ໃນນາມປະ ທານສະມາຄົມມິດຕະພາບລາວ-ຈີນ ຂຶ້ນເຊັນເປັນພະຍານຝ່າຍຜູ້ມອບໂຄງການຊ່ວຍເຫຼືອ, ທ່ານ ວິລະວັດ ເທບພິທັກ ຮອງຫົວໜ້າຫ້ອງການກະຊວງສຶກສາຂຶ້ນເຊັ່ນເປັນພະຍານຝ່າຍຜູ້ຮັບໂຄງການຊ່ວຍເຫຼືອ.

_________

ຂຽນໂດຍ:ຄຳພັນ ແກ້ວມະນີ

ພາບ ແລະຂ່າວ: ໜັງສືພິມເສດຖະກິດ-ສັງຄົມ

 

แชร์