ປີແລ້ວສະຫາກອນຜູ້ຜະລິດກາເຟພູພຽງບໍລິເວນສົ່ງອອກ 71 ຕູ້

  ສະຫະກອນຜູ້ຜະລິດກາເຟພູພຽງບໍລະເວນເປັນອົງການຈັດຕັ້ງຊາວສວນທີ່ເປັນສະມາຊິກສະຫະກອນ 100% ເພື່ອກະຊຸກຍູ້ໃຫ້ຊາວສວນຜະລິດກະເຟທີ່ມີຄຸນນະ ພາບເພື່ອສົ່ງອອກ ແລະທັງເປັນຜູ້ຊອກຕະຫຼາດຂາຍກາເຟໃນລາຄາສູງໃຫ້ກັບຊາວສວນຊຶ່ງໃນປີ 2019 ຜ່ານມາສາມາດສົ່ງອອກກາເຟຄຸນນະພາບໄປຕະຫຼາດປະເທດເປົ້າໝາຍໄດ້ 71 ຕູ້ຄອນເທນເນີ ແລະສາມາດສ້າງຮອຍຍິມໃຫ້ກັບປະຊາຊົນພາຍຫຼັງໄດ້ຂາຍກາເຟໃນລາຄາທີ່ຕົນປາດຖະໜາ.

  ສະຫະກອນຜູ້ຜະລິດກາເຟພູພຽງບໍລະເວນ ແຂວງຈໍາປາສັກ ເປັນອົງການຈັດຕັ້ງຊາວສວນທີ່ເປັນສະມາຊິກສະຫະກອນ100%, ມີໂຄງປະກອບການຈັດຕັ້ງຄົບຊຸດເປັນລະບົບໃນການຂັບເຄຶ່ອນໃນອົງກອນຄື: ມີຄະນະບໍລິຫານງານ 8 ທ່ານ, ມີພະນັກງານ 35 ທ່ານ, ໄດ້ທຸ້ມ ເທເຮື່ອແຮງສະຕິປັນຍາເຂົ້າໃນການຊຸກຍູ້ສົ່ງເສີມໃຫ້ກັບສາມາຊິກຂອງສະຫະກອນຢ່າງເຕັມສ່ວນ ແລະ ມີສະມາຊິກສະຫະກອນທັງໝົດ 1.066 ຄອບຄົວ, ເປັນຊາວສວນກາເຟຂະໜາດນ້ອຍມີເນື້ອທີ່ການຜະລິດທັງ ໝົດ 2.985 ເຮັກຕາ, ສະເລ່ຍ 4 ເຮັກຕາຕໍ່ຄອບຄົວ, ມີ 49 ກຸ່ມຜູ້ຜະລິດຍ່ອຍທີ່ນອນໃນ 47 ບ້ານ, ຂອງ 3 ເມືອງໃນເຂດພູພຽງບໍລະເວນເຊັ່ນ: ເມືອງປາກຊ່ອງແຂວງຈໍາປາສັກ, ເມືອງທ່າແຕງແຂວງເຊກອງ ແລະເມືອງເລົ່າງາມແຂວງສາລະວັນ,ຊຶ່ງມີສໍານັກງານໃຫຍ່ຕັ້ງຢູ່ບ້ານທ່າຫຼວງນະຄອນປາກເຊ ແຂວງຈຳປາສັກ, ສະຫະກອນມີໂຮງງານ ແລະຫ້ອງທົດລອງ 1 ແຫ່ງ, ມີສູນອິ້ວກາເຟ 36 ສູນ, ມີໂຮງ ງານຝຸ່ນ 1 ແຫ່ງ, ທີ່ຜະລິດຝຸ່ນບົ່ມ ແລະຝຸ່ນຂີ້ກະເດືອນເພື່ອຕອບສະໜອງຝຸ່ນອໍການິກທີ່ມີຄຸນນະພາບສູງໃຫ້ແກ່ສະມາຊິກແລະເປັນການຫຼຸດຜ່ອນຕົ້ນທຶນການຜະລິດ ແລະຮັກສາຄວາມອຸດົມສົມບູນຂອງດິນ.

 ສໍາລັບໃນລະດູການເກັບກ່ຽວສົກປີ 2019-2020 ທົ່ວສະຫະກອນຜະລິດກາເຟໝາກແດງໄດ້ 9.070 ໂຕນ, ໃນນັ້ນກາເຟນ້ອຍ 8.010 ໂຕນ, ກາເຟກາງໝາກແດງ 1.060 ໂຕນ, ລາຄາກາເຟອາລາບີກາ ຫຼືກາເຟນ້ອຍໝາຍຂາວລະດັບສະຫະກອນ21 ພັນກີບຕໍ່ກິໂລ, ລາຄາສະເລ່ຍກາເຟນ້ອຍໝາກແດງ 4.150 ກີບຕໍ່ກິໂລ ແລະໃນສົກປີ 2019-2020 ສະຫະກອນສາມາດສົ່ງກາເຟອອກໄປຍັງຫຼາຍປະເທດໄດ້ຈໍານວນທັງໝົດ 71 ຕູ້ຄອນເທນເນີ,ໂດຍແມ່ນບໍລິສັດກາເຟມາຂອງສະວິດເຊີ ແລນເປັນຜູ້ຮັບຊື້ເພື່ອສົ່ງໃຫ້ບໍລິສັດຂົ້ວກາເຟໃນຫຼາຍປະເທດທີ່ມີຄວາມຕ້ອງການສູງໃນປະຈຸບັນນອກຈາກນີ້ຍັງໄດ້ສົ່ງຂາຍພາຍໃນປະເທດອີກ 6 ກວ່າໂຕນ.

 ກອງປະຊຸມສະໄໝສາມັນຄັ້ງທີ 13 ຂອງສະຫະກອນຜູ້ຜະລິດກາເຟພູພຽງບໍລິເວນຈັດຂຶ້ນໃນວັນທີ 22 ກໍລະກົດ2020 ຜ່ານມາທີ່ໂຮງງານ ແລະຫ້ອງທົດລອງບ້ານດົງໄຫຼ່ເມືແງບາຈຽງຈະເລີນສຸກ ແຂວງຈໍາປາສັກ, ໃຫ້ກຽດເປັນປະທານຂອງທ່ານ ກັນກາ ແກ້ວບົວລະພາ ຮອງຫົວໜ້າພະແນກກະສີກໍາ ແລະປ່າໄມ້ແຂວງ, ມີບັນດາທ່ານແຂກຜູ້ໃຫຍ່ທີ່ກ່ຽວຂ້ອງເຂົ້າຮ່ວມ.

----------------

ຂຽນໂດຍ: ໂພທິຣາຊ

ພາບ ແລະຂ່າວ: ໜັງສືພິມເສດຖະກິດ-ສັງຄົມ

แชร์