ສະຫາຍ ຄຳພັນ ເຜີຍຍະວົງ ຮັບເລືອກຕັ້ງເປັນເລຂາຄະນະບໍລິຫານງານພັກແຂວງອຸດົມໄຊ ສະໄໝທີ IX

  ກອງປະຊຸມໃຫຍ່ຜູ້ແທນອົງຄະນະພັກແຂວງອຸດົມໄຊຄັ້ງທີ່ IX ໄດ້ໄຂຂຶ້ນໃນວັນທີ 24–25 ກໍລະກົດ 2020 ນີ້, ທີ່ສະໂມສອນແຂວງພາຍໃຕ້ການເປັນປະທານຂອງສະຫາຍ ປອ ຄຳພັນ ເຜີຍຍະວົງ ກຳມະການສູນກາງພັກເລຂາຄະນະບໍລິຫານງານພັກແຂວງເຈົ້າແຂວງໆອຸດົມໄຊໂດຍເປັນກຽດເຂົ້າຮ່ວມຂອງ ສະຫາຍ ພັນຄໍາ ວິພາວັນກໍາມະການກົມການເມືອງສູນກາງພັກ, ຜູ້ປະຈໍາການຄະນະເລຂາທິການສູນກາງພັກ, ຮອງປະທານປະເທດພ້ອມນີ້ກໍມີບັນດາສະຫາຍຜູ້ແທນຈາກຫ້ອງວ່າການສູນກາງ ພັກ, ຄະນະຈັດຕັ້ງສູນກາງພັກ, ຄະນະ ກວດກາສູນກາງພັກ, ຄະນະໂຄສະນາອົບ ຮົມສູນກາງພັກ, ກອງພົນທະຫານຮາບທີ 3, ບັນດາສະຫາຍອະດີດການນໍາແຂວງ, ພະສົງ, ນັກປະຕິວັດ, ຜູ້ຊົງຄຸນວຸດທິ, ແລະ ຜູ້ແທນສົມບູນເຂົ້າຮ່ວມ 252 ສະຫາຍຍິງ 38 ສະຫາຍ ທີ່ເປັນຕົວແທນໃຫ້ແກ່ສະມາຊິກພັກ 16. 538 ສະ ຫາຍໃນທົ່ວແຂວງເຂົ້າຮ່ວມ.

   ໃນວາລະການດຳເນີນກອງປະຊຸມໄດ້ມີການປ່ອນບັດເລືອກຕັ້ງຄະນະບໍລິຫານງານພັກແຂວງຊຸດໃໝ່ໂດຍຜູ້ແທນສົມບູນໄດ້ໃຊ້ສິດປະຊາທິປະໄຕຂອງຕົນປ່ອນບັດຄັດ ເລືອກເອົາຄະນະບໍລິຫານງານພັກແຂວງຊຸດທີ IX, ບົນພື້ນຖານມາດຖານເງື່ອນໄຂທີ່ກຳນົດໄວ້, ຊຶ່ງມີຜູ້ຮັບສະໝັກເລືອກຕັ້ງທັງໝົດ 38 ສະຫາຍ, ຍິງ 8 ສະຫາຍ, ເລືອກຕັ້ງໄດ້ 33 ສະຫາຍ, ຍິງ 6 ສະຫາຍ.

 ກອງປະຊຸມຄັ້ງປະຖົມມະລືກໄດ້ເລືອກຕັ້ງເອົາຄະນະປະຈໍາພັກແຂວງ ແລະໄດ້ເປັນເອກະສັນກັນຢ່າງສົມບູນຮັບຮອງເອົາເລຂາ, ຮອງເລຂາພັກແຂວງ, ເລືອກຕັ້ງເອົາປະ ທານ,ຮອງປະທານຄະນະກວດກາພັກແຂວງ,ເລືອກຕັ້ງເອົາຄະນະປະຈຳພັກແຂວງ 11 ສະຫາຍ, ຍິງ 1 ສະຫາຍຄື 1 ສະຫາຍ ປອ ຄຳພັນ ເຜີຍຍະວົງ 2. ສະຫາຍ ຄຳພຽງ ຢາຈົງວາ; 3. ສະຫາຍ ບຸນຄົງຫຼ້າ ຈຽມພອນ; 4. ສະຫາຍ ສົມຈິດ ປັນຍາສັກ; 5. ສະຫາຍ ນາງ ຈັນສະໝອນ ທິບພະຫົງ; 6. ສະຫາຍ ວັນນາ ແກ້ວສັນຕິ; 7. ສະຫາຍ ຄຳດີ ວົງລ້ອມ; 8. ສະຫາຍ ພັອສີວອນ ໄຊຍະວົງ; 9. ສະຫາຍ ອ່ອນແກ້ວ ອຸ່ນອາລົມ; 10. ສະຫາຍ ຄຳເຜີຍ ງອນວັນຄຳ; 11. ສະຫາຍ ມໍຊົງ.

 ກອງປະຊຸມຄັ້ງປະຖົມມະລຶກຄົບຄະນະບໍລິຫານງານພັກແຂວງອຸດົມໄຊໄດ້ເລືອກຕັ້ງເອົາເລຂາ ແລະຮອງເລຂາຄະນະບໍລິຫານງານພັກແຂວງອຸດົມໄຊສະໄໝທີ IX ໂດຍເລືອກເອົາສະຫາຍ ປອ ຄຳພັນ ເຜີຍຍະວົງ ເປັນເລຂາຄະນະບໍລິຫານງານພັກແຂວງ, ສະຫາຍ ຄຳພຽງ ຢາຈົງວາ ແລະສະຫາຍ ບຸນຄົງ ຫຼ້າຈຽມພອນ ເປັນຮອງເລ ຂາ, ກອງປະຊຸມ ເລືອກເອົາສະຫາຍນາງ ຈັນສະໝອນ ທິບພະຫົງ ເປັນປະທານຄະນະກວດກາພັກແຂວງ, ສະຫາຍ ຈຳປາສີດາຄຳ, ສະຫາຍ ນາງ ສົມຫວັງ ໄຊຍະຕິ ແລະ ສະຫາຍ ທະນູໄຊ ເລືອງສະຫວັດ ເປັນຮອງປະທານຄະນະກວດກາພັກແຂວງ,ເລືອກຕັ້ງເອົາຜູ້ແທນສົມບູນ ແລະສຳຮອງເພື່ອເຂົ້າຮ່ວມກອງປະຊຸມໃຫ່ຍຄັ້ງທີ່ XI ຂອງສູນກາງພັກສົມບູນຈຳນວນ 25 ສະຫາຍ, ຍິງ 4 ສະຫາຍຜູ້ແທນ ສຳຮອງ 3 ສະຫາຍ, ຍິງ 1 ສະຫາຍ.

_____________

ຂຽນໂດຍ: ຄຳພູສະຫວັນ ເພັນສະຫວັດ

ພາບ ແລະຂ່າວ: ໜັງສືພິມເສດຖະກິດ-ສັງຄົມ

แชร์