ອີຢູເລີ່ມຂະບວນການລົງໂທດທາງການຄ້າກຳປູເຈຍ

   ສະຫະພາບເອີຣົບເລີ່ມຂະ ບວນການ 18 ເດືອນ ທີ່ອາດນໍາໄປ ສູ່ການອອກມາດຕະການລົງໂທດ ທາງການຄ້າຕໍ່ກຳປູເຈຍຈາກຄວາມ ຂັດແຍ້ງເລື່ອງສະຖານະການທາງ ການເມືອງ ແລະສິດທິມະນຸດ.

 ຕາມຂ່າວຕ່າງປະເທດລາຍ ງານວ່າ ຄະນະກຳມາທິການເອີຣົບ (ອີຊີ) ຊຶ່ງເປັນຝ່າຍບໍລິຫານຂອງ ສະຫະພາບເອີຣົບ (ອີຢູ) ອອກຖະ ແຫຼງການໃນວັນທີ 11 ກຸມພາຜ່ານ ມາ ເລື່ອງການເລີ່ມຂະບວນການ ພິຈາລະນາຄວາມຮ່ວມມືທາງ ການຄ້າກັບກຳປູເຈຍ ທີ່ອາດນໍາ ໄປສູ່ການຖອນສິດທິປະໂຫຍດທາງການຄ້າຂອງກຳປູເຈຍໃນ ການເຂົ້າເຖິງລະບົບຕະຫຼາດດຽວ ຂອງສະຫະພາບເອີຣົບທີ່ມອບໃຫ້ ກັບກຸ່ມປະເທດພັດທະນາໜ້ອຍ ທີ່ສຸດ ເພື່ອຊ່ວຍກະຕຸ້ນເສດຖະກິດ ຂອງກຸ່ມປະເທດເຫຼົ່ານີ້ ແຕ່ໂກຕາ ນັ້ນໃຫ້ຍົກເວັ້ນສິນຄ້າຈຳພວກອາ ວຸດຍຸດໂທປະກອນ, ຂະນະດຽວ ກັນມີລາຍງານວ່າ ຂະບວນດັ່ງ ກ່າວເລີ່ມຕັ້ງແຕ່ວັນທີ 12 ກຸມພາ ຜ່ານມາ ແລະມີກຳນົດໄລຍະເວ ລາ 18 ເດືອນ ໝາຍຄວາມວ່າສິ້ນ ສຸດພາຍໃນເດືອນສິງຫາປີ 2020 ຂະນະທີ່ສະພາການຄ້າເອີຣົບປະ ຈຳກຳປູເຈຍອອກຖະແຫຼງການ ວ່າ ຄວາມເຄື່ອນໄຫວດັ່ງກ່າວ ເພື່ອກຳຈັດການເອົາປຽບທາງ ການຄ້າທີ່ຈະນໍາໄປສູ່ການຫຼຸດອັດ ຕາຄວາມທຸກຍາກໃນກຳປູເຈຍ ແລະເຕືອນລັດຖະບານກຳປູເຈຍ ວ່າການເຈລະຈາຄືທາງອອກທີ່ ເໝາະສົມທີ່ສຸດ.

  ທັງນີ້ ຕະຫຼອດໄລຍະເວລາທີ່ຜ່ານມາກຳປູເຈຍເປັນປະເທດທີ່ ໄດ້ຮັບສິດທິພິເສດ ຈາກໂຄງການດັ່ງກ່າວຂອງອີຢູຫຼາຍທີ່ສຸດເປັນ ອັນດັບ 2 ຮອງຈາກບັງກາລາເທດ ປະຈຸບັນອີຢູຖືເປັນຄູ່ຄ້າລາຍໃຫຍ່ ຂອງກຳປູເຈຍ ຊຶ່ງຮັບຊື້ສິນຄ້າ ຫຼາກຫຼາຍປະເພດຈາກກຳປູເຈຍ ຫຼາຍເຖິງ 45% ຈາກປະລິມານ ການສົ່ງອອກສິນຄ້າທັງໝົດສະເພາະປີທີ່ຜ່ານມາ ໂດຍສິນຄ້າທີ່ ອີຢູນໍາເຂົ້າສ່ວນໃຫຍ່ເປັນຜະລິດ ຕະພັນກ່ຽວກັບເສື້ອຜ້າສຳເລັດຮູບ ຫຼືເກີບດ້ວຍມູນຄ່າປະມານ 4,9 ຕື້ເອີ ໂຣໃນປີທີ່ຜ່ານມາ ຖ້າຫາກອີ ຢູຖອນສິດທິພິເສດນີ້ຈິງ ຈະສົ່ງຜົນກະທົບຕໍ່ແຮງງານໃນອຸດສາຫະກຳພາກສ່ວນນີ້ຫຼາຍກວ່າ 7 ແສນຄົນ.

 

แชร์