ນັກສຶກສາຊັ້ນສູງພະຍາບານສຳເລັດການລົງຝຶກງານ

  ເມື່ອອາທິດຜ່ານມາທີ່ຫ້ອງການບ້ານບໍ່ແໜ່ງ ເມືອງຫີນບູນ ແຂວງຄຳມ່ວນ ໄດ້ຈັດພິທີມອບ-ຮັບນັກສືກສາຊັ້ນສູງພະຍາບານສາຍກົງ ປີທີ 3 ຮຸ່ນທີ 3 ທີ່ໄດ້ ສຳເລັດການລົງຝຶກປະຕິບັດຊຸມຊົນຢູ່ທີ່ບ້ານບໍ່ແໜ່ງ ເມືອງຫີນບູນ ແຂວງຄຳມ່ວນ ໂດຍການເຂົ້າຮ່ວມຂອງທ່ານ ດຣ. ສົມເພັດ ສຸວັນນະລາສີ ຮອງຫົວໜ້າອໍານວຍການໂຮງຮຽນສາທາລະນະສຸກແຂວງ ຄຳມ່ວນ, ທ່ານ ດຣ. ຄໍາສົມຕາ ອິນແປງມະນີ ຫົວໜ້າຫ້ອງການ ສາທາລະນະສຸກເມືອງ ມີອຳນາດ ການປົກຄອງບ້ານ, ພະນັກງານຄູ-ອາຈານກຳລັງ ປກຊ-ປກສ ບ້ານ, ບໍລິສັດຫ່າງຮ້ານນັກຮຽນ-ນັກສຶກສາຕະຫຼອດຮອດພໍ່ແມ່ປະຊາຊົນພາຍໃນບ້ານດັ່ງກ່າວເຂົ້າຮ່ວມ.

  ໃນພິທີຕາງໜ້ານັກສືກສາໄດ້ຂຶ້ນຜ່ານບົດສະຫຼຸບການລົງຝຶກປະຕິບັດຊຸມຊົນບ້ານບໍ່ແໜ່ງການລົງຝຶກປະຕິບັດຊຸມຊົນໃນຄັ້ງນີ້ແມ່ນເປັນເງື່ອນໄຂໜຶ່ງທີ່ສຳຄັນໃນການຜ່ານຫຼັກສູດການຮຽນ-ການສອນໂດຍຫັນເອົາຊຸມຊົນເປັນໃຈກາງໃນການສືກສາຄົ້ນຄວ້າ ແລະເຂົ້າໃຈໃນຊຸມຊົນຮຽນຮູ້ການວາງແຜນການປະສານງານລະຫວ່າງວຽກ ງານສາທາລະນະສຸກ ແລະວຽກ ງານອື່ນໆ, ຜ່ານການລົງຝຶກປະຕິ ບັດຊຸມຊົນ 4 ອາທິດນັບແຕ່ວັນທີ 15 ມິຖຸນາ 2020-15 ກໍລະກົດ 2020 ມີນັກສືກສາລົງປະຕິບັດຕົວຈິງຈໍານວນ 57 ຄົນ, ຍິງ 44 ຄົນນັກສຶກສາໄດ້ສ້າງຄວາມລື້ງເຄີຍກັບປະຊາຊົນສາມາດໃຫ້ຄວາມຮູ້ກ່ຽວກັບວຽກງານສຸຂະສືກສາແກ່ປະຊາຊົນການນຳໃຊ້ວິດຖ່າຍທີ່ສະອາດ ແລະກວດສຸຂະພາບແກ່ຜູ້ສູງອາຍຸແນະນຳໃຫ້ຜູ້ຍິງທີ່ຖືພາໄປຝາກຄັນຢູ່ສຸກສາລາ ແລະໂຮງໝໍທີ່ຢູ່ໃກ້ຫຼັງຈາກນັ້ນທາງ ອຳນາດການປົກຄອງພາຍໃນບ້ານດັ່ງກ່າວກໍ່ໄດ້ມອບນັກສຶກສາຄືນໃຫ້ທາງເມືອງໂດຍການກ່າວມອບຂອງທ່ານ ດຣ. ຄຳສົມຕາ ອິນແປງມະນີ ຫົວໜ້າຫ້ອງການສາທາລະນະສຸກເມືອງຫີນບູນ ເພື່ອມອບນັກສືກສາຕໍ່ໃຫ້ໂຮງຮຽນສາທາລະນະສຸກແຂວງຄຳມ່ວນ ໂດຍການກ່າວຮັບຂອງທ່ານ ດຣ ສົມເພັດສຸວັນນະລາສີຮອງອຳນວຍການໂຮງຮຽນສາທາລະນະສຸກ ແຂວງຄຳມ່ວນ.

-------

ໜັງສືພິມເສດຖະກິດ-ສັງຄົມ

แชร์