ໄຊຍະສົ່ງເສີມນຳໃຊ້ໄອຊີທີເຂົ້າໃນເອັສເອັມອີ ສ້າງເງື່ອນໄຂຂັບເຄື່ອນເສດຖະກິດດີຈີຕອນ

  ກອງປະຊຸມວຽກງານໄປສະນີ, ໂທລະຄົມມະນາຄົມ ແລະ ການສື່ສານທົ່ວແຂວງໄຊຍະບູລີ ໄດ້ຈັດຂຶ້ນໃນວັນທີ 12 ກຸມພາ 2019 ທີ່ຫ້ອງປະຊຸມພະແນກສຶກ ສາທິການ ແລະກີລາແຂວງໄຊຍະ ບູລີ. ໂດຍການເປັນປະທານຂອງ ທ່ານ ອິນສະຫວັນ ພົມປັນຍາ ຫົວໜ້າພະແນກ ປທສ ແຂວງ, ເປັນກຽດເຂົ້າຮ່ວມມີ ທ່ານ ເພັງນິລັນ ຄຳພັນເພັງ ຮອງເຈົ້າ ແຂວງໄຊຍະບູລີ. ມີຮອງເຈົ້າເມືອງ 11 ເມືອງ,  ຮອງຫົວໜ້າພະແນກການ, ມີຫົວໜ້າຫ້ອງການ ປທສ ທົ່ວແຂວງ ພ້ອມດ້ວຍພະນັກງານວິຊາການເຂົ້າຮ່ວມ.

   ໃນວາລະດຳເນີນກອງປະຊຸມ ທ່ານ ອິນສະຫວັນ ພົມປັນຍາ ຫົວໜ້າພະແນກ ປທສ ແຂວງໄດ້ກ່າວ ວ່າ: ເຕັກໂນໂລຊີຂໍ້ມູນຂ່າວສານ ເປັນເຄື່ອງມືໜຶ່ງທີ່ທັນສະໄໝ ແລະ ມີບົດບາດສຳຄັນຕໍ່ການພັດທະນາເສດຖະກິດສັງຄົມ ໃນຍຸກປະຈຸບັນ ເຊິ່ງໄດ້ຕິດພັນກັບທຸກສ່ວນຂະ ແໜງການທັງພາກລັດເອກະຊົນ ແລະປະຊາຊົນບັນດາເຜົ່າໃນທົ່ວ ສັງຄົມ ໄດ້ກາຍເປັນຂີດໝາຍອັນ ສຳຄັນໃຫ້ທຸກພາກສ່ວນທີ່ກ່ຽວ ຂ້ອງກັບການຄຸ້ມຄອງ, ການສະ ໜອງບໍລິການດ້ານໄປສະນີ, ໂທ ລະຄົມມະນາຄົມ ແລະການສື່ສານ ຈະໄດ້ແລກປ່ຽນຄວາມຄິດເຫັນ ຂອງຂໍ້ມູນຂ່າວສານນັບທັງບັນ ຫາຂໍ້ສະດວກຂໍ້ຫຍຸ້ງຍາກ ແລະ ດ້ານຫຍໍ້ທໍ້ຕ່າງໆໃນການນຳໃຊ້ ດຳເນີນທຸລະກິດດ້ານໄປສະນີ, ໂທ ລະຄົມມະນາຄົມ ແລະການສື່ສານ ໂດຍແນ່ໃສ່ກະຕຸກຊຸກຍູ້ການພັດທະນາວຽກງານດ້ານໄປສະນີ, ໂທລະຄົມມະນາຄົມ ແລະການສື່ ສານຂອງພວກເຮົາເຕີບໃຫຍ່ຂະ ຫຍາຍຕົວໜັກແໜ້ນເຂັ້ມແຂງ ແລະຍືນຍົງຕາມທິດຄຸ້ມຄອງ ລວມສູນຂອງພັກ - ລັດປະກອບ ສ່ວນເຂົ້າໃນການພັດທະນາຊັບພະ ຍາກອນມະນຸດ ແລະພັດທະນາ ເສດຖະກິດສັງຄົມຂອງຊາດ, ຍົກ ສູງລະດັບຊີວິດການເປັນຢູ່ຂອງ ປະຊາຊົນບັນດາເຜົ່າໃຫ້ດີຂຶ້ນ, ອຳນວຍຄວາມສະດວກໃຫ້ທຸກຂະ ແໜງການຕະຫຼອດຮອດປະຊາຊົນບັນດາເຜົ່າ ສາມາດເຊື່ອມໂຍງເຂົ້າ ລະບົບເຄື່ອຄາຍຂໍ້ມູນຂ່າວສານ ໃນພາກພື້ນໃນໂລກຢ່າງສະດວກ ວ່ອງໄວ ແລະປອດໄພ.

  ປະຈຸບັນແຂວງໄຊຍະບູລີ ມີສະ ຖານີຮັບສົ່ງສັນຍານໂທລະສັບ ທັງໝົດ 650 ກວ່າສະຖານີ, ສາຍໄຍແກ້ວຍາວທັງໝົດ 19.719 ກິໂລແມັດ ກວມເອົາ 11 ເມືອງ, ໂທລະສັບຕັ້ງໂຕະມີ 1.974 ເລກ ໝາຍ, ທຽບໃສ່ປີ 2017 ປະຕິບັດ ໄດ້ 12,6%, ໂທລະສັບຕັ້ງໂຕະບໍ່ ມີສາຍມີ 36.313 ເລກໝາຍ, ມີ ໂທລະສັບຕັ້ງໂຕະ ແລະມືຖືເບີນຳ ໃຊ້ທັງໝົດ 368.928 ເລກໝາຍ ສະເລ່ຍການນຳໃຊ້ເລກໝາຍໂທ ລະສັບທີ່ເປີດໃຊ້ຕົວຈິງໃສ່ພົນລະ ເມືອງພາຍໃນແຂວງ 100 ຄົນ ຕໍ່ 88 ເລກໝາຍ, ອິນເຕີເນັດ ADSL ມີທັງໝົດ 885 ເລກ ໝາຍ, ນຳໃຊ້ແອຄາດ USB 3G ມີທັງໝົດ 3.179 ເລກໝາຍ, ບ້ານທີ່ຮັບສັນຍານໄດ້ມີ 423 ບ້ານເທົ່າກັບ 98,83% ຂອງ ຈໍານວນບ້ານທັງໝົດ ແລະບ້ານ ທີ່ບໍ່ສາມາດຮັບສັນຍານມີ 5 ບ້ານ. ພ້ອມນີ້ຍັງໄດ້ສັ່ງຢຸດການນຳໃຊ້ ຄື້ນຄວາມຖີ່ໂຟນີ່ຈຳນວນ 3 ຫົວ ໜ່ວຍຄື: ຮ້ານອາຫານຕັ້ງຫຼັກ 3 ເຄື່ອງ, ບໍລິສັດ ຮັກປະສິດຂົວທາງ 2 ເຄື່ອງ, ບໍລິສັດ ໄທສຸມີເດັນ 5 ເຄື່ອງ ມີໂຟນີ່ທັງໝົດ 10 ເຄື່ອງ. ໄດ້ອອກອະນຸຍາດການນຳໃຊ້ຄື້ນ ຄວາມຖີ່ໂຟນີ່ໄດ້ທັງໝົດ 12 ຫົວ ໜ່ວຍ ແລະການນຳໃຊ້ຄື້ນຄວາມ ຖີ່ໂທລະພາບດີຈີຕອນ 1 ຫົວໜ່ວຍ ແລະມີເຄື່ອງສື່ສານໂຟນີ່ໄດ້ຮັບອະນຸຍາດການນຳໃຊ້ຈຳນວນ 708 ເຄື່ອງ ທຽບໃສ່ປີ 2017 ຫຼຸດລົງ 78 ເຄື່ອງ. ໃນນັ້ນນຳໃຊ້ຢູ່ເມືອງຫົງສາ 548 ເຄື່ອງ, ເມືອງໄຊຍະບູລີ 143 ເຄື່ອງ, ເມືອງບໍ່ແຕນ 10 ເຄື່ອງ, ເມືອງປາກລາຍ 4 ເຄື່ອງ.

   ໃນສົກປີ 2018 ສາມາດ ສ້າງລາຍຮັບໄດ້ທັງໝົດ 130 ຕື້ ກີບ, ການປະຕິບັດລາຍຈ່າຍ 39 ຕື້ ກີບ, ມີກຳໄລ 22 ຕື້ກີບ ແລະໄດ້ ມອບພັນທະເຂົ້າງົບປະມານ 81 ຕື້ກີບ ພ້ອມຊຸກຍູ້ອຸປະຖຳສັງຄົມມີ 143 ລ້ານກີບ ໃນສົກປີ 2019 ວຽກງານຄຸ້ມຄອງ ແລະການຂະ ຫຍາຍຕາໜ່າງດານໂທລະຄົມ ມະນາຄົມເຊັ່ນ: ຂະຫຍາຍສາຍ ກາບໄຍແກ້ວໃຫ້ໄດ້ 60 ກິໂລແມັດ, ເສີມສະຖານີໂທລະສັບມືຖື 2G ໃຫ້ໄດ້ 5 ສະຖານີ, 3G ໃຫ້ໄດ້ 55 ສະຖານີ, 4G ໃຫ້ໄດ້ 50 ສະຖານີ. ຜູ້ທີ່ນຳໃຊ້ໂທລະສັບຕັ້ງໂຕະບໍ່ມີສາຍໃຫ້ໄດ້  650 ເລກໝາຍ, ຜູ້ ນຳໃຊ້ໂທລະສັບຕັ້ງໂຕະໃຫ້ໄດ້ 25 ເລກໝາຍ, ຜູ້ນຳໃຊ້ໂທລະ ສັບມືຖືໃຫ້ໄດ້ 1.200 ເລກໝາຍ ແລະຜູ້ນຳໃຊ້ອິນເຕີເນັດໃຫ້ໄດ້ 50 ເລກໝາຍ.

แชร์