ຄບຕ ປັບປຸງສວນວົງວຽນຈີ່ນາຍໂມ້ໃໝ່

  ວັນທີ 18 ກໍລະກົດຜ່ານມາຫ້ອງການຄຸ້ມຄອງ ແລະບໍລິການຕົວເມືອງວຽງຈັນ (ຄບຕ) ຮ່ວມກັບບໍລິສັດເບຍລາວ ແລະບໍລິສັດສຸກກັນຍາຈັດກິດຈະກຳປັບປຸງສວນວົງວຽນຈີ່ນາຍໂມ້ໃໝ່ໂດຍເຂົ້າຮ່ວມຂອງທ່ານ ບຸນຈັນ ແກ້ວສີທຳມະ ຫົວໜ້າຫ້ອງການຄຸ້ມຄອງ ແລະບໍລິການຕົວເມືອງວຽງຈັນ, ມີຄບຕ ເມືອງສີສັດຕະນາກ ແລະພາກສ່ວນທີ່ກ່ຽວຂ້ອງເຂົ້າຮ່ວມ.

   

 ທ່ານ ບຸນຈັນ ແກ້ວສີທຳມະ ກ່າວວ່າ: ເພື່ອເປັນການສ້າງຂະບວນການຕ້ອນຮັບກອງປະຊຸມໃຫຍ່ 3 ຂັ້ນຂອງພັກ ແລະວັນຊາດທີ 2 ທັນວາ ຄົບຮອບ 45 ປີ, ຜັນຂະ ຫຍາຍ 6 ສ ຂອງນະຄອນຫຼວງວຽງຈັນໃຫ້ປະກົດຜົນເປັນຈິງເທື່ອລະກ້າວໂດຍສະເພາະ ສ.ສີຂຽວ, ສ.ສະ ອາດ ສະນັ້ນຫ້ອງການ ຄບຕ ຈຶ່ງໄດ້ຮ່ວມກັນກັບບໍລິສັດເບຍລາວ ແລະ ບໍລິສັດສຸກກັນຍາຈັດກິດຈະກຳປັບປຸງສວນສາທາລະນະວົງວຽນຈີ່ນາຍໂມ້ເປັນຕົ້ນປ່ຽນໂມງໃໝ່, ການປູກຫຍ້າ, ປູກຕົ້ນດອກໄມ້ຄືນໃໝ່ເນື່ອງຈາກວ່າຫຍ້າ, ດອກໄມ້ຕາຍຈຶ່ງໄດ້ມີການປັບປຸງໃໝ່ເພື່ອເຮັດໃຫ້ສວນມີຄວາມຈົບງາມສະອາດສີຂຽວ.


 ໂດຍໃນໄລຍະຜ່ານມາໄດ້ຮັບການສະໜັບສະໜູນຈາກບໍລິສັດເບຍລາວມາເປັນເວລາຫຼາຍປີບໍ່ສະເພາະແຕ່ວົງວຽງຈີ່ນາຍໂມ້ ຍັງມີວົງວຽນ 450 ປີ, ສວນເຈົ້າຟ້າງຸ່ມໃນການໃຫ້ທຶນບູລະນະຮັກສາສວນນອກຈາກວົງວຽນນີ້ແລ້ວກໍຈະໄດ້ສືບຕໍ່ໄປວົງວຽນໃໝ່ເນື່ອງຈາກດອກໄມ້, ຫຍ້າຕາຍດັ່ງນັ້ນຈຶ່ງໄດ້ຮຽກຮ້ອງມາຍັງພາກເອກະຊົນເຂົ້າມາມີສ່ວນຮ່ວມໃນການປົກປັກຮັກສາຕົ້ນໄມ້ແຄມທາງ ແລະສວນວົງວຽນ, ສວນສາທາລະນະເພື່ອໃຫ້ມີຄວາມສະອາດສີຂຽວ.

แชร์