ສປຊ ລະດົມເງິນສູ້ໂຄວິດສູງເຖິງ 10,3 ຕື້ໂດລາ

  ສປຊ ຮຽກຮ້ອງໃຫ່ປະເທດຜູ້ນໍາອຸດສາຫະກຳຮ່ວມລະດົມເງີນ 10,3 ຕື້ໂດລາສະຫະລັດເພື່ອຊ່ວຍຕໍ່ສູ້ກັບການແຜ່ລະບາດຂອງເຊື້ອໂຄວິດ-19 ຖືເປັນການລະດົມເງີນທຶນຫຼາຍທີ່ສຸດເທົ່າທີ່ເຄີຍມີມາ.

 ຕາມຂ່າວຕ່າງປະເທດລາຍງານວ່າສະຫະປະຊາຊາດ(ສປຊ)ຮຽກຮ້ອງໃຫ້ປະເທດຜູ້ນໍາອຸດສາຫະກຳ ຈີ 20 ລະດົມເງີນ 10,3 ຕື້ໂດລາ ເພື່ອຕໍ່ສູ້ກັບການແຜ່ລະບາດຂອງເຊື້ອໂຄວິດໃນປະເທດ,ສປຊ ວາງແຜນວ່າຈະນໍາເງີນສ່ວນນີ້ໄປຊ່ວຍປະເທດທີ່ມີລາຍໄດ້ໜ້ອຍ ແລະປານກາງ 63 ປະເທດ ໂດຍຈະໃຫ້ຄວາມສຳຄັນກັບກຸ່ມອ່ອນແອເຊັ່ນ:ຄົນເຖົ້າ, ຜູ້ທີ່ມີຄວາມບົກພ່ອງທາງຮ່າງກາຍ,ແມ່ຍິງ ແລະເດັກນ້ອຍຍິງ ແລະເງີນດັ່ງກ່າວຈະນໍາໄປໃຫ້ເອັນຈີໂສາມາດຕອບສະໜອງສະຖານະການຢ່າງວ່ອງໄວຂຶ້ນປ້ອງກັນພາວະອຶດຫີວ ແລະປ້ອງກັນຄວາມຮຸນແຮງທີ່ກ່ຽວຂ້ອງກັບເພດ, ສປຊ ເຕືອນວ່າການແຜ່ລະບາດຂອງໂຄວິດ19 ສົ່ງຜົນກະທົບຢ່າງໜັກຕໍ່ກຸ່ມຄົນທີ່ທຸກ ຍາກທີ່ສຸດໃນໂລກປະເທດກຳລັງພັດທະນາຈະເກີດຄວາມຫາຍຍະນະ ແລະຈະທຳລາຍໜັກກວ່າຜົນກະທົບດ້ວຍກົງຈາກໄວຣັສ, ຄວາມບົກພ່ອງໃນການຊ່ວຍເຫຼືອຈະເຮັດໃຫ້ການພັດທະນາໃນປະເທດທີ່ມີລາຍໄດ້ຕໍ່າ ແລະປານກາງໃນໄລຍະຫຼາຍທົດສະວັດທີ່ຜ່ານມາຈະຫາຍໄປ.

  ນອກຈາກນີ້ ສປຊ ຍັງລະບຸຕື່ມວ່າປະເທດທີ່ຮັ່ງມີໄດ້ໃຊ້ເງີນເພື່ອປົກປ້ອງເສດຖະກິດຂອງຕົນເອງ ແລະຄວນເຮັດເຊັນດຽວກັນເພື່ອປະເທດທີ່ທຸກຍາກຖ້າຫາກບໍ່ຊ່ວຍ ເຫຼືອປະເທດທຸກຍາກອາດມີຄົນຫຼາຍເຖິງ 265 ລ້ານຄົນທີ່ອາດປະສົບບັນຫາຄວາມຂາດແຄນອາຫານພາຍໃນທ້າຍປີນີ້ຊຶ່ງເປັນຜົນກະທົບຈາກໂຄວິດ-19 ແລະອາດເຮັດໃຫ້ອັດຕາຄົນທຸກຍາກເພີ່ມຂຶ້ນເປັນເທື່ອທຳອິດນັບຕັ້ງແຕ່ປີ 1990.

 

แชร์