ເສດຖະກິດຫວຽດນາມຈະຂະຫຍາຍຕົວ 2,3% ໃນປີນີ້

   Oxford Economics ຄາດຄະເນວ່າເສດຖະກິດ ສສ ຫວຽດນາມຈະຟື້ນຕົວຢ່າງວ່ອງໄວ ແລະຂະຫຍາຍຕົວ 2,3% ໃນປີ 2020.

 ຕາມຂ່າວສານຫວຽດນາມລາຍງານວ່າການ​ຄວບ​ຄຸມການ​ແຜ່​ລະບາດຂອງ​ໂຄ​ວິດ-19 ຢ່າງ​ມີ​ປະສິດທິ​ພາບຈະ​ຊ່ວຍ​ໃຫ້​ເສດຖະກິດ​ຫວຽດນາມຟື້ນ​ຕົວຢ່າງ​ວ່ອງ​ໄວກວ່າ​ເສດຖະກິດ​ຕ່າງໆ​ໃນ​ພາກ​ພື້ນ ​ແລະ ຂະຫຍາຍຕົວໃນລະດັບ 2,3% ​ໂດຍ​ເສດຖະກິດ​ຈະ​ເລີ່​ມຟື້ນ​ຕົວ​ໃນ​ໄລຍະ 6 ​ເດືອນ ທີ່​ຍັງ​ເຫຼືອ​ຂອງ​ປີ​ນີ້ຈຶ່ງ​ເຮັດ​ໃຫ້ການ​ຂະຫຍາຍຕົວ​ຂອງ​ເສດຖະກິດຫວຽດນາມອາດ​ບັນລຸ 8%​ແລະ​ເງິນ​ລົງທຶນ​ໂດຍ​ກົງ​ຈາກ​ຕ່າງປະ​ເທດ​ໃນ​ຫວຽດນາມຈະ​ກັບ​ມາ​ຟື້ນ​ຕົວໃນ​ໄຕ​ມາດ 2 ຂອງ​ປີ​ນີ້ເນື່ອງ​ຈາກຂີດ​ຄວາມ​ສາມາດ​ຂອງ​ແຫຼ່ງ​ແຮງ​ງານ. ດັ່ງນັ້ນຫວຽ​ດນາມຍັງ​ຄົງເປັນ​ຈຸດໝາຍ​ປາຍທາງຂອງ​ນັກ​ລົງທຶນ​ຕ່າງປະ​ເທດໃຫ້​ຄວາມ​ສົນ​ໃຈ ​ໂດຍ​ສະ​ເພາະໃນ​ດ້ານ​ການ​ປະດິດຄິດ​ຄົ້ນ ​ແລະ ການ​ຜະລິດ​ທີ່​ເຂັ້ມ​ແຂງ.

 ແຕ່ລາຍງານກໍຍັງລະບຸຕື່ມວ່າການ​ຟື້ນ​ຕົວ​ຂອງ​ເສດຖະກິດຫວຽດນາມຍັງ​ໄດ້​ຮັບ​ຜົນ​ກະທົບ​ຈາກສະຖານະ​ການ​ໂລກໂດຍ​ສະ​ເພາະປັດ​ໄຈທີ່​ສົ່ງ​ຜົນ​ກະທົບຕໍ່​ການ​ຄ້າ,ການທ່ອງທ່ຽວ ​ແລະເງິນ​ລົງທຶນຈາກ​ຕ່າງປະ​ເທດ.

• 21/07/2020