ທົ່ວປະເທດ ມີວັດວາອາຮາມຫຼາຍກວ່າ 4 ພັນວັດ

  ວັດ” ເປັນສະຖານທີ່ສຳຄັນໃນທາງພະພຸດທະສາສະໜາເປັນທີ່ອາໄສຂອງພະສົງສຳມະເນນໃຊ້ເປັນສະຖານທີ່ຝຶກຝົນຕົນເອງ ແລະເຜີຍແຜ່ສິ່ງທີ່ດີງາມໃຫ້ແກ່ພຸດທະສາສະນິກະຊົນ ຫຼືພຸດທະບໍຣິສັດຜູ້ທີ່ມາອົບຮົມຝຶກຈິດພາວະນາໃຊ້ເປັນສະຖານທີ່ລວມນໍ້າໃຈຂອງຄົນລາວທົ່ວປະເທດໄດ້ມາທຳບຸນກັນໃນວັນສຳຄັນທາງພະພຸດທະສາສະ ໜາຊຶ່ງປະຈຸບັນໃນທົ່ວປະເທດລາວມີວັດວາອາຮາມທັງໝົດ 4.765 ວັດ ໃນນີ້ ມີວັດທີ່ພະສົງໃສຢູ່ 3.401 ວັດ ແລະວັດທີ່ບໍ່ມີພະສົງຢູ່ 648 ວັດ.

  ອີງຕາມຂໍ້ມູນຈາກບົດສະຫຼຸບກອງປະຊຸມຄົບຄະນະກັມມະການສູນກາງອົງການພຸດທະສາສະໜາສັມພັນແຫ່ງ ສປປ ລາວ (ອພສ) ປະຈໍາປີ 2019 ໃຫ້ຮູ້ວ່າ:“ວັດ” ເປັນສະຖານທີ່ສຳຄັນໃນທາງພະພຸດທະສາສະໜາເປັນທີ່ອາໄສຂອງພະສົງສຳມະເນນໃຊ້ເປັນສະຖານທີ່ຝຶກຝົນຕົນເອງ ແລະເຜີຍແຜ່ສິ່ງທີ່ດີງາມໃຫ້ແກ່ພຸດທະສາສະນິ ກະຊົນ ຫຼືພຸດທະບໍຣິສັດຜູ້ທີ່ມາອົບຮົມຝຶກຈິດພາວະນາໃຊ້ເປັນສະຖານທີ່ລວມນໍ້າໃຈຂອງຄົນລາວທົ່ວປະເທດໄດ້ມາທຳບຸນກັນໃນວັນສຳຄັນທາງພະພຸດທະສາສະໜາ,ສະ ນັ້ນ “ວັດ” ຈຶ່ງມີຄຸນຄ່າເປັນຂອງຄູ່ກັນມາກັບພະພຸດທະສາສະໜານັບເປັນເວລາ 2.500 ກວ່າປີມາແລ້ວ “ວັດ” ຖືໄດ້ວ່າເປັນສະຖານທີ່ສາທາລະນະອຳນວຍປະໂຫຍດສຳລັບທຸກຊົນຊັ້ນທຸກເພດທຸກໄວຜູ້ມີຄວາມປະສົງຕ້ອງການເຮັດບຸນສ້າງກຸສົນຕ່າງໆກໍຈະຕ້ອງນຶກເຖິງ ”ວັດ” ຫຼືເປັນສະຖານທີ່ປະຕິບັດທັມຂອງອຸບາສົກອຸບາສິກາ ແລະອື່ນໆ ໄດ້ປະຕິບັດສືບທອດກັນມາຕັ້ງແຕ່ອະດີດຈົນຮອດປະຈຸບັນ.

 “ວັດ” ເປັນເຮືອນຫຼັງທີສອງຂອງພຸດທະບໍຣິສັດທັງຫຼາຍເປັນທີ່ພັກກາຍສະຫງົບໃຈຊ່ວຍຜ່ອນຄາຍຄວາມທຸກໄດ້ບໍ່ຫຼາຍກໍໜ້ອຍຕາມກຳລັງສະຕິປັນຍາຂອງຜູ້ທີ່ເຂົ້າມາປະຕິບັດທັມເພື່ອຂັບໄລ່ກິເລດໃຫ້ບັນເທົາເບົາບາງໄປໄດ້,ຊຶ່ງໃນປະຈຸບັນທົ່ວປະເທດລາວມີວັດວາອາຮາມທັງໝົດ 4.765 ວັດໃນນີ້ມີວັດທີ່ພະສົງໃສຢູ່ 3.401 ວັດ ແລະວັດທີ່ບໍ່ມີພະສົງຢູ່ 648 ວັດ, ມີພະສົງ-ສາມະເນນທັງໝົດ 26.661 ອົງ (ພະສົງ 10.093 ອົງ ແລະສາມະເນນ 16.568 ອົງ), ມີພໍ່ຂາວ-ແມ່ຂາວ 724 ຕົນ , ມີໂຮງຮຽນສົງ 54 ແຫ່ງ, ມີນັກຮຽນສົງ 8.656 ອົງ.

 

แชร์