ຫາດດອນກາງ ອີກສະຖານທີ່ທ່ອງທ່ຽວ

  ຖ້າທ່ານເບື່ອໜ່າຍຄວາມວຸ່ນວາຍ ແລະແອອັດໃນເມືອງໃຫຍ່ຜູ້ຂຽນຂໍເຊີນຊວນທ່ານໄປລ່ອງເຮືອ, ລອຍນໍ້າ ແລະຊົມທຳມະຊາດໃຫ້ສະບາຍໃຈຢູ່ທີ່ຫາດດອນກາງ.

  ຫາດດອນກາງແຫ່ງນີ້ແມ່ນໜຶ່ງໃນຕາດທີ່ຢູ່ສາຍນໍ້າລີກທີ່ຕັ້ງຢູ່ຫ່າງຈາກເທສະບານເມືອງເຟືອງປະມານ 3 ກິໂລແມັດ ແລະຫ່າງຈາກນະຄອນຫຼວງວຽງຈັນປະມານ 122 ກິໂລແມັດ ໄປຕາມເສັ້ນທາງເລກ 13 ເໜືອ ແລ້ວ ລ້ຽວຊ້າຍເຂົ້າທາງແຍກເມືອງຫີນເຫີບດ້ວຍຫົນທາງທີ່ສະດວກສະບາຍຈົນເຖິງສະຖານທີ່ທ່ອງທ່ຽວ, ໃນເມື່ອກ່ອນຫາດດອນກາງຍັງບໍ່ມີຄວາມຟົດຟື້ນແຕ່ພາຍຫຼັງໄດ້ເລີ່ມພັດທະນາ ແລະ ເປີດໃຫ້ບໍລິການໃນປີ 2018 ທີ່ຜ່ານມາກໍໄດ້ຮັບຄວາມສົນໃຈຈາກມວນຊົນເປັນຈໍານວນຫຼາຍເພາະວ່າເປັນການພັດທະນາແບບມີສ່ວນຮ່ວມ ແລະຍັງຮັກສາຄວາມສົມບູນທາງທຳມະຊາດໄວ້.

 ຫາດດອນກາງ ເປັນແຫຼ່ງທ່ອງທ່ຽວທາງດ້ານທໍາມະຊາດອີກແຫ່ງໜຶ່ງທີ່ກໍາລັງໄດ້ຮັບຄວາມນິຍົມ ແລະເປັນອີກສະຖານທີ່ທ່ອງທ່ຽວໜຶ່ງທີ່ມີຊື່ສຽງຂອງເມືອງເຟືອງ ແຂວງວຽງຈັນ ທີ່ສາມາດດຶງດູດນັກທ່ອງທ່ຽວທັງພາຍໃນ, ຕ່າງແຂວງ ແລະຕ່າງປະເທດໄດ້ເປັນຢ່າງດີ, ສໍາລັບໃຜທີ່ຢາກທົດລອງໄປສໍາຜັດກັບບັນຍາກາດຊົມວິວທໍາມະຊາດ, ອາກາດອັນບໍລິສຸດກໍສາມາດໄປໄດ້.

______________

ໂດຍ: ວົງມະນີ

แชร์