ເປີດບໍລິສັດລາວໂມບາຍມັນນີ ແລະບໍລິການເອັມ-ມັນນີການເງິນດີຈີຕອນເທີງມືຖື

  ບໍລິສັດລາວໂມບາຍມັນນີຈໍາກັດຜູ້ດຽວ ແລະບໍລິການ M-money ການເງິນດີຈີຕອນເທິງມືຖືໄດ້ເປີດໂຕຢ່າງເປັນທາງການໃນວັນທີ 17 ກໍລະກົດ 2020 ໂດຍເປັນ ປະທານຂອງທ່ານ ທັນສະໄຫມ ກົມມະສິດ ລັດຖະມົນຕີກະຊວງໄປສະນີໂທລະຄົມມະນາຄົມ ແລະ ການສື່ສານ, ມີຮອງລັດຖະມົນຕີ, ຫົວໜ້າກົມຄະນະຜູ້ບໍລິຫານບໍລິ ສັດລາວໂທລະຄົມມະນາຄົມມະຫາຊົນ ແລະ ບໍລິສັດລາວໂມບາຍມັນນີຈໍາກັດຜູ້ດຽວພ້ອມດ້ວຍຄູ່ຮ່ວມທຸລະກິດເຂົ້າຮ່ວມ.

  ທ່ານ ທັນສະໄຫມ ຊາມຸນຕີ ຜູ້ອໍານວຍການບໍລິສັດລາວໂມບາຍມັນນີ ຈໍາກັດຜູ້ດຽວ ກ່າວວ່າ: ການບໍລິການແອັບພີເຄຊັ້ນ M-money ກະເປົ໋າເງິນເທິງມືຖືແມ່ນການບໍລິການທີ່ສາມາດໃຊ້ກັບການດໍາລົງຊີວິດປະຈໍາວັນແບບໃໝ່ທີ່ເນັ້ນຄວາມສະດວກສະບາຍໃນການຈ່າຍເງິນໂດຍບໍ່ຕ້ອງພົກເງິນສົດ ,M-money ສາມາດຈ່າຍຄ່ານໍ້າ, ຄ່າໄຟ, ຄ່າໂທລະສັບ, ຄ່າບິນຕ່າງໆ ແລະສາມາດໂອນເງິນໄປທະນາຄານຕ່າງໆໄດ້ພຽງປາຍນິ້ວ ຫຼືທ່ານສາມາດໂອນເງິນເຂົ້າໃນ M-mon ey ກໍສາມາດເຮັດໄດ້ດ້ວຍວິທີງ່າຍໆທີ່ຈຸດບໍລິການທົ່ວປະເທດ, ຊຶ່ງປະຊາຊົນສາມາດເຂົ້າເຖິງການບໍລິການດັ່ງກ່າວນີ້ໄດ້ຢ່າງສະດວກສະບາຍພ້ອມສ້າງສັງຄົມທີ່ບໍ່ນຳໃຊ້ເງິນສົດໃນທົ່ວປະເທດ, ເສີມສ້າງບໍລິການການເງິນໃຫ້ກາຍເປັນກະເປົ໋າເງິນທີ່ມີຜູ້ຊົມໃຊ້ຫຼາຍເປັນອັນດັນ 1 ໃນຕໍ່ຫນ້າໂດຍທຸກພາກສ່ວນຕ້ອງໄດ້ຮັບຜົນປະໂຫຍດສູງສຸດ.

  ບໍລິສັດລາວໂມບາຍມັນນີສືບຕໍ່ພັດທະນາວຽກໄປສະນີໂທລະຄົມມະນາຄົມ ແລະເປັນການສື່ສານໃຫ້ກາຍເປັນອຸດສາຫະກໍາທີ່ທັນສະໄຫມເປັນສື່ກາງໃນການເຊື່ອມໂຍງບັນດາຫົວຫນ່ວຍທຸລະກິດທັງພາຍໃນ ແລະຕ່າງປະເທດແນໃສ່ເປັນສ່ວນໜື່ງທີ່ສ້າງທ່າແຮງຊຸກຍູ້ຜັນຂະຫຍາຍແນວທາງນະໂຍບາຍພັດທະນາດີຈີຕອນຂອງພັກໃນອະ ນາຄົດໃຫ້ກາຍເປັນຮູບປະທໍາ ແລະປະສົບຜົນສໍາເລັດເປັນຢ່າງສູງ, ສະພາຂາຍຮຸ້ນບໍລິສັດລາວໂທລະຄົມມະນາຄົມມະຫາຊົນທີ່ລັດຖະບານຖືຫຸ້ນ 51% ແລະ ນັກລົງ ທຶນຕ່າງປະເທດ 49%ຕົກລົງສ້າງບໍລິສັດລາວໂມບາຍມັນນີຈໍາກັດຜູ້ດຽວເພື່ອທໍາຫນ້າທີ່ໃຫ້ບໍລິການການເງິນດີຈີຕອນເທິງມືຖືດ້ວຍເຄື່ອງຫມາຍການຄ້າM-money ຕາມສະໂລແກນທີ່ວ່າ: ໃຫ້ຊີວິດງ່າຍຂື້ນຕາມຍຸກດີຈີຕອນດ້ວຍວິໄສທັດເປັນຜູ້ນໍາດ້ານການເງິນດີຈີຕອນໃນ ສປປ ລາວ.

  ພາຍໃນງານຍັງມີການເຊັນສັນຍາຮ່ວມມືກັບບັນດາຫົວຫນ່ວຍທຸລະກິດຕ່າງໆເຊັ່ນ: ບໍລິສັດລາວໂທລະຄົມມະນາຄົມມະຫາຊົນ, ບໍລິສັດ T Plus ດີຈີຕ້ອນ, ບໍລິສັດ ETL, ທະນາຄານການຄ້າຕ່າງປະເທດລາວມະຫາຊົນ, ທະນາຄານອຸດສາຫະກໍາ ແລະ ການຄ້າຈີນຈໍາກັດ, ທະນາຄານພັດທະນາລາວ, ທະນາຄານສົ່ງເສີມກະສິກໍາ, ທະນາຄານຮ່ວມພັດທະນາ, ທະນາຄານຮ່ວມທຸລະກິດລາວຫວຽດ, ທະນາຄານອິນດູຈີນຈໍາກັດ, ທະນາຄານເອຊລີດາຈໍາກັດ, ທະນາຄານມາລູຮານເຈແປນລາວ, ບໍລິ ສັດ NCC ຈໍາກັດຜູ້ດຽວ, ບໍລິສັດລັດວິສາຫະກິດຫວຍພັດທະນາ, ບໍລິສັດຮຸ່ງອາລຸນໂລຈິດສະຕິກຈໍາກັດຜູ້ດຽວ ແລະບໍລິສັດໂກເທັດດີ້ຈໍາກັດຜູ້ດຽວ.

  ຫຼັງເປີດບໍລິການແລ້ວບໍລິສັດລາວໂມບາຍມັນນີວາງແຜນຂະຫຍາຍເປັນ 3 ໄລຍະຄື: ເລີ່ມແຕ່ເດືອນກໍລະກົດເປັນຕົ້ນໄປຈະໄດ້ໃຫ້ການບໍລິການໃນນະຄອນຫຼວງວຽງ ຈັນ; ສ່ວນໄລຍະທີ 2 ເລີ່ມທ້າຍເດືອນສິງຫາຈະຫຍາຍໄປ ແຂວງບໍ່ແກ້ວ, ອຸດົມໄຊ, ຫຼວງນໍ້າທາ, ຫຼວງພະບາງ, ແຂວງວຽງຈັນ, ບໍລິຄໍາໄຊ, ຄໍາມ່ວນ, ສະຫວັນນະເຂດ, ຈໍາປາສັກ ແລະຄູ່ຮ່ວມທຸລະກິດຕ່າງໆ; ໄລຍະທີ 3 ນັບແຕ່ທ້າຍເດືອນກັນຈະຂະຫຍາຍການບໍລິການໃຫ້ໄດ້ທົ່ວປະເທດ.

  M-money ແອັບສະຫມັກງ່າຍພຽງແຕ່ທ່ານລົງທະບຽນດ້ວຍເບີໂທລະສັບມືຖື ແລະບັດປະຈໍາຕົວຂອງທ່ານເອງກໍສາມາດໃຊ້ໄດ້ເລີຍ, M-money ມີຄວາມພອດໄພໃນການເຂົ້າໃຊ້ໂດຍສະແກນລາຍນິ້ວມື ຫຼື ສະແກນໃບຫນ້າຂອງທ່ານເອງ ແລະ ມີຟັງຊັ້ນແຈ້ງເຕືອນທຸກຄັ້ງທີ່ມີການຈ່າຍ, ທ່ານນສາມາດດາວໂຫຼດແອັບໄດ້ທາງ App Store ແລະPlay Store.

_____________

ຂ່າວ: ແປ, ໜັງສືພິມເສດຖະກິດ-ສັງຄົມ

แชร์