“ກູເກິລ” ຖືກປັບໃໝ 57 ລ້ານໂດລາຈາກກົດໝາຍໃໝ່ຂອງຝຣັ່ງ

  ສຳນັກງານກວດສອບດ້ານຂໍ້ມູນຂອງຝຣັ່ງສັ່ງປັບໃໝບໍລິສັດ ກູເກິລ (Google) ເກືອບ 57 ລ້ານໂດລາສະຫະລັດຈາກຂໍ້ກ່າວ ຫາວ່າກູເກິລບໍ່ມີຄວາມໂປ່ງໃສຂອງຂໍ້ມູນກ່ຽວກັບນະໂຍບາຍຜູ້ບໍລິໂພກ ແລະ ການທີ່ຂໍ້ມູນສ່ວນຕົວຂອງຜູ້ບໍ ລິໂພກຖືກນຳໄປໃຊ້ໃນການໂຄສະນາທີ່ມຸ່ງເປົ້າມາຍັງພວກເຂົາເຫຼົ່ານັ້ນ.

   ສຳນັກງານ CNIL ຂອງທາງການຝຣັ່ງລະບຸວ່າກູເກິລເຮັດໃຫ້ການຄວບຄຸມຄວາມເປັນສ່ວນຕົວຂອງຜູ້ໃຊ້ອິນເຕີເນັດກາຍເປັນເລື່ອງຍາກ ແລະ ສັບສົນເກີນໄປນັບເປັນຄັ້ງທຳອິດທີ່ມີການໃຊ້ກົດໝາຍສະບັບໃໝ່ຂອງສະຫະພາບເອີຣົບວ່າດ້ວຍການປົກປ້ອງຂໍ້ມູນ ຂອງຜູ້ໃຊ້ອິນເຕີເນັດມາບັງຄັບໃຊ້ເພື່ອລົງໂທດບໍລິສັດໃດບໍລິສັດໜຶ່ງຫຼັງຈາກທີ່ມີການບັງຄັບໃຊ້ກົໝາຍນີ້ເມື່ອປີທີ່ແລ້ວ.

  ທາງກູເກິລລະບຸວ່າກຳລັງສຶກສາກົດໝາຍສະບັບນີ້ໃຫ້ຖີ່ຖ້ວນ ກ່ອນທີ່ຈະມີການຕັດສີນໃຈວ່າຈະດຳເນີນການແນວໃດຕໍ່ໄປ.

• 13/02/2019