ການສົ່ງອອກສະມາດໂຟນທົ່ວໂລກຈະຫຼຸດລົງ 12% ຍ້ອນໂຄວິດ-19

  ມີການຄາດການວ່າຕົວເລກການສົ່ງອອກໂທລະສັບສະມາດ ໂຟນທົ່ວໂລກໃນປີນີ້ຈະຫົດຕົວພໍສົມຄວນອັນເປັນຜົນມາຈາກການລະບາດຂອງໂຄໂຣນາສາຍພັນໃໝ່ທີ່ເຮັດໃຫ້ການຊົມໃຊ້ຂອງປະຊາ ຊົນຫຼຸດລົງຫຼາຍ.

 ບໍລິສັດວິໄຈການຕະຫຼາດ IDC ຄາດວ່າການສົ່ງອອກໂທລະສັບສະມາດໂຟນໃນປີ 2020 ຈະຫົດຕົວລົງ 12%  ເຫຼືອ 1.200 ລ້ານເຄື່ອງ ເພາະການລະບາດໃຫຍ່ທົ່ວໂລກ ຂອງໂຄວິດ-19 ບໍ່ໄດ້ພຽງສົ່ງຜົນ ໃຫ້ເກີດການຢຸດຊະງັກຂອງຕ່ອງ ໂສ້ອຸປະທານຂອງຜູ້ຜະລິດລາຍ ໃຫຍ່ຕ່າງໆເຊັ່ນແອັບເປິ້ນ ແລະຊຳຊຸງແຕ່ຍັງເຮັດໃຫ້ຜູ້ບໍລິໂພກຕ້ອງປະຢັດການໃຊ້ຈ່າຍໄປທົ່ວໂລກ ດ້ວຍທັງນີ້ແອັບເປິ້ນຕ້ອງປິດຮ້ານ ຄ້າຂອງຕົນໃນອາເມລິກາ ແລະເອີ ຣົບຫຼັງຈາກການລະບາດຂະຫຍາຍ ວົງກວ້າງໄປທົ່ວ ແລະຕໍ່ມາຍອມສະເໜີສ່ວນຫຼຸດສຳລັບ iPhone 11 ແລະເປີດໂຕໂທລະສັບລາຄາ ຕໍ່າລຸ້ນ SE ເພື່ອປະຄອງທຸລະກິດ ທີ່ໄດ້ຮັບຜົນກະທົບຈາກສະຖານະການວິກິດສາທາລະນະສຸກນີ້ຢ່າງ ໃດກໍຕາມລາຍງານຂ່າວລະບຸວ່າ ຍອດການສົ່ງອອກໂທລະສັບສະມາດໂຟນຈາກຈີນໄປຍັງຜູ້ຈຳໜ່າຍ ໃນປະເທດນັ້ນເພີ່ມຂຶ້ນ 17% ໃນ ເດືອນເມສາທີ່ຜ່ານມາ ເມື່ອທຽບ ກັບໄລຍະດຽວກັນຂອງປີກ່ອນ ຊຶ່ງ ເປັນສັນຍານທີ່ຊີ້ວ່າຄວາມຕ້ອງ ການໃນຈີນ ຊຶ່ງເປັນຕະຫຼາດສະມາດໂຟນທີ່ໃຫຍ່ທີ່ສຸດໃນໂລກຟື້ນ ຕົວໄວກວ່າທີ່ຄາດໄວ້.

 ນອກຈາກນັ້ນ IDC ຍັງຄາດວ່າການເປີດໃຊ້ງານເຕັກໂນໂລຊີ 5G ທີ່ຈະເກີດຂຶ້ນໃນອີກບໍ່ດົນໜ້າຈະຊ່ວຍໃຫ້ການຟື້ນຕົວຂອງທຸລະກິດສະມາດໂຟນເກີດຂຶ້ນໄດ້ໃນປີໜ້າແມ່ນວ່າການເຕີບໂຕຂອງທຸລະກິດຍັງບໍ່ນ່າຈະເກີດຂຶ້ນໄດ້ກ່ອນໄຕ ມາດທຳອິດຂອງປີ 2021 ກໍຕາມ.

--------

ໜັງສືພິມເສດຸະກິດ-ສັງຄົມ

แชร์