ການຄ້າຈຳປາສັກລົງຊຸກຍູ້ກຸ່ມຜະລິດເມືອງຊະນະສົມບູນ

  ເພື່ອເຮັດໃຫ້ພໍ່ແມ່ປະຊາຊົນກຸ່ມຜູ້ຜະລິດເຄື່ອງຫັດຖະກໍາສິນຄ້າໂອດ໋ອບໜຶ່ງເມືອງໜຶ່ງຜະລິດຕະພັນຂອງເມືອງຊະນະສົມບູນໃຫ້ສາມາດສືບຕໍ່ຜະລິດ ແລະຈໍາໜ່າຍສິນຄ້າຂອງຕົນອອກສູ່ວົງກວ້າງ ແລະສາມາດຜ່ານຜ່າສະພາບເສດຖະກິດທີ່ມີລັກສະນະທີ່ຖົດຖອຍດັ່ງນັ້ນອຸດສາຫະກໍາ ແລະການຄ້າແຂວງຈໍາປາສັກ ຈຶ່ງໄດ້ລົງຕິດຕາມສະພາບການຜະລິດ, ການຈໍາໜ່າຍ ແລະ ສຶກສາເບິ່ງບັນຫາທີ່ໄດ້ຮັບຜົນກະທົບພ້ອມໄດ້ສະເໜີເງື່ອນໄຂດ້ານການຕະຫຼາດຮອງຮັບ ແລະ ນະໂຍບາຍຫຼາຍດ້ານຕໍ່ຜູ້ຜະ ລິດຢູ່ເມືອງໄຊສົມບູນ.

  ເມືອງຊະນະສົມບູນແມ່ນເມືອງໜຶ່ງທີ່ນອນໃນແຂວງຈໍາປາສັກເປັນເມືອງທີ່ມີຄວາມອຸດົມສົມບູນທາງທໍາມະຊາດ, ໂດຍເນື້ອທີ່ການຜະລິດເຂົ້າ, ເຮັດໄຮ່ສວນ, ປະຊາ ຊົນສ່ວນໃຫຍ່ແມ່ນມີອາຊີບເຮັດນາ, ເຮັດສວນເພື່ອຜະລິດເຄື່ອງປູກຕາມລະດູການອີກສ່ວນໜຶ່ງແມ່ນມີອາຊີບຄ້າຂາຍ, ຜະລິດຕະພັນທີ່ມີຊື່ສຽງ ແລະສາມາດສ້າງລາຍໄດ້ຢ່າງເປັນກອບເປັນກໍາຂອງປະຊາຊົນປະກອບມີຄື: ຜະລິດຕະພັນຜ້າໄໝບ້ານສະຜ່າຍ, ຜະລິດຕະພັນເຕົາປະຢັດ ແລະຜະລິດຕະພັນໄມ້ປ່ອງຂອງກຸ່ມຫັດຖະກໍາສານໄມ້ປ່ອງ ບ້ານໜອງແຄນ, ຊຶ່ງທັງ 3 ຜະລິດຕະພັນນີ້ແມ່ນໄດ້ຖືກຍົກລະດັບເປັນສິນຄ້າໂອດ໋ອບ (ສິນຄ້າໜຶ່ງເມືອງໜຶ່ງຜະລິດຕະພັນ) ໂດຍໄດ້ມີການຜະລິດເປັນຈໍານວນຫຼາຍ ແລະໄດ້ມີການຈໍາໜ່າຍທັງພາຍໃນແຂວງ ແລະສົ່ງຂາຍໃນຂອບເຂດທົ່ວປະເທດ, ຊຶ່ງສາມາດສ້າງລາຍຮັບງາມໃຫ້ແກ່ຜູ້ຜະລິດ.

  ໃນໂອກາດທີ່ ທ່ານ ບຸນຍະເດດ ທອງສະຫວັນ ຫົວໜ້າພະແນກອຸດສາຫະກໍາ ແລະ ການຄ້າແຂວງຈໍາປາສັກໄດ້ລົງເຄື່ອນໄຫວ ແລະເ ຮັດວຽກຢູ່ເມືອງຊະນະສົມບູນ ແມ່ນໄດ້ລົງຕິດຕາມສະພາບການຜະລິດການຈໍາໜ່າຍຂອງປະຊາຊົນ, ສອບຖາມເບິ່ງບັນຫາອຸປະສັກ ແລະຄວາມຫຍຸ້ງຍາກຕ່າງໆທີ່ກຸ່ມຜູ້ຜະລິດສິນຄ້າໂອດັອບກໍາລັງປະເຊີນໜ້າໃນສະພາບເສດຖະກິດທີ່ຖົດຖອຍພ້ອມດຽວກັນນີ້ກໍ່ໄດ້ນໍາເອົາບັນຫາທີ່ປະຊາຊົນສ່ອງແສງເພື່ອມາປຶກສາຫາລື ແລະຊອກວິທີການຊ່ວຍເຂົາເຈົ້າ, ຊອກຫາແຫຼ່ງທຶນ ແລະຕະຫຼາດຮອງຮັບທີ່ແນ່ນອນພ້ອມດຽວກັນນີ້ກໍ່ໄດ້ສະເໜີນະໂຍບາຍໃນການສົ່ງເສີມແກ່ກຸ່ມຜະລິດໃຫ້ສາມາດເຂົ້າເຖິງແຫຼ່ງທຶນ, ເຂົ້າເຖິງຕະຫຼາດທີ່ຈະມີ ອະນາຄົດພ້ອມທັງຮຽກຮ້ອງໃຫ້ກຸ່ມຜະລິດຈົ່ງພາກັນພັດທະນາຜະລິດຕະພັນຂອງຕົນໃຫ້ມີຄຸນນະພາບ, ໃຫ້ມີຫຼາຍສີສັນ ແລະ ມີຄວາມແທດເໝາະກັບຄວາມຕ້ອງ ການຂອງສັງຄົມ.

____________

ຂຽນໂດຍ: ໂພທິຣາຊ

ພາບ ແລະຂ່າວ: ໜັງສືພິມເສດຖະກິດ-ສັງຄົມ

• 17/07/2020