ສິງກະໂປ-ມາເລເຊຍກຽມເປີດໃຫ້ເດີນທາງໄປມາຫາກັນໄດ້

 ມາເລເຊຍ ແລະສິງກະໂປ ເຫັນດີເປີດໃຫ້ບຸກຄົນສ່ວນໜຶ່ງໄປ ມາຫາສູ່ເຊິ່ງກັນ ແລະກັນໄດ້ໃນ ເດືອນສິງຫາທີ່ຈະມາເຖິງນີ້.

 ຕາມຂ່າວ Cri ລາຍງານວ່າ ວັນທີ 14 ກໍລະກົດນີ້, ທ່ານ ຮີຊາມ ມຸດດິນ ຮູເຊັນ ລັດຖະມົນຕີກະຊວງ ການຕ່າງປະເທດມະເລເຊຍ ແລະ ດ.ຣ. ວິວຽນ ບາລັກຣິສນານ ລັດ ຖະມົນຕີກະຊວງການຕ່າງປະເທດ ສິງກະໂປໄດ້ອອກຖະແຫຼງການ ຮ່ວມ ໂດຍປະກາດວ່າລັດຖະບານ ສອງປະເທດໄດ້ເຫັນດີເປີດໃຫ້ບຸກຄົນສ່ວນໜຶ່ງໄປມາຫາສູ່ເຊິ່ງກັນ ແລະກັນ ຊຶ່ງລວມທັງອະນຸຍາດ ການເດີນທາງດ້ານການຄ້າ ແລະ ລັດຖະກິດທີ່ຈຳເປັນລະຫວ່າງສອງ ປະເທດ ແລະອະນຸຍາດໃຫ້ພົນລະ ເມືອງທີ່ມີວິຊາການຄ້າ ແລະການ ປະກອບອາຊີບໄລຍະຍາວເຂົ້າສູ່ ປະເທດຝ່າຍກົງກັນຂ້າມເພື່ອຈຸດປະສົງວຽກງານ.

  ອີງຕາມຖະແຫຼງການດັ່ງກ່າວ, ຜູ້ໂດຍສານທີ່ສອດຄ່ອງກັບເງື່ອນ ໄຂຕ້ອງປະຕິບັດຕາມມາດຕະການສາທາລະນະສຸກເພື່ອປ້ອງກັນ ແລະ ຄວບຄຸມພະຍາດ COVID-19 ທີ່ ສອງປະເທດເຫັນດີພ້ອມກັນ ແລະ ຕ້ອງການສະເໜີແຜນການເດີນ ທາງໃຫ້ແກ່ພາກສ່ວນທີ່ກ່ຽວຂ້ອງ ຂອງປະເທດຝ່າຍກົງກັນຂ້າມ.

 --------

ໜັງສືພິມເສດຖະກິດ-ສັງຄົມ

แชร์