ຍີ່ປຸ່ນ ກຽມອະນູມັດເງິນ 400 ຕື້ ເຢນຊວ່ຍເຫືອນໍ້າຖ້ວມ

 ລັດຖະບານຍີ່ປຸ່ນ ຈະອະນຸ ມັດບ້ວງເງິນ 400 ຕື້ເຢນ ເພື່ອຟື້ນ ຟູ ແລະຊ່ວຍເຫຼືອປະຊາຊົນໃນພື້ນທີ່ປະສົບໄພນ້ຳຖ້ວມຢ່າງຮຸນແຮງ ແລະດິນເຈື່ອນ.

  ຕາມຂ່າວຕ່າງປະເທດລາຍ ງານວ່າ ເມື່ອບໍ່ດົນມານີ້, ທ່ານ ຊິນ ໂຊ ອາເບະ ນາຍົກລັດຖະມົນຕີຂອງຍີ່ປຸ່ນໄດ້ໃຫ້ຄຳໝັ້ນສັນຍາວ່າ: ລັດຖະບານຍີ່ປຸ່ນຈະອະນຸມັດບ້ວງເງິນ 400 ຕື້ເຢນ ເພື່ອຟື້ນຟູ ແລະຊ່ວຍ ເຫຼືອປະຊາຊົນໃນພື້ນທີ່ປະສົບໄພ ນ້ຳຖ້ວມຢ່າງຮຸນແຮງ ແລະດິນ ເຈື່ອນ ເຮັດໃຫ້ມີຜູ້ເສຍຊີວິດຢ່າງ ໜ້ອຍ 72 ຄົນ.ພາຍຸຝົນໄດ້ເລີ່ມຕົກລົງມາໃນເກາະຄີວຊູນັບແຕ່ໄລຍະຕົ້ນເດືອນນີ້ ແລະເຄື່ອນຕົວໄປສູ ທາງພາກກາງຂອງປະເທດນີ້. ທາງການຍີ່ປຸ່ນ ໄດ້ອົບພະຍົບປະຊາ ຊົນຫຼາຍແສນຄົນອອກຈາກພື້ນ ທີ່ດັ່ງກ່າວ. ທ່ານ ຊິນໂຊ ອາເບະ ກ່າວໃນເວລາລົງໄປຢ້ຽມຢາມຜູ້ ປະສົບໄພນ້ຳຖ້ວມໃນເຂດຄຸມາໂມ ໂຕະ ຊຶ່ງເປັນພື້ນທ່ີໄດ້ຮັບຜົນກະທົບ ຢ່າງໜັກວ່າ: ລັດຖະບານກຽມອະນຸມັດບ້ວງງົບປະມານ 400 ຕື້ເຢນ ເພື່ອຟື້ນຟູຄວາມເສຍຫາຍຈາກໄພນໍ້າຖ້ວມ.

ປະຈຸບັນ, ຍີ່ປຸ່ນຍັງເລັ່ງສືບຕໍ່ ຄົ້ນຫາຜູ້ສູນຫາຍຫຼາຍສີບຄົນ. ເມື່ອ ປີກາຍນີ້ຍີ່ປຸ່ນມີຜູ້ເສຍຊີວິດ 200 ກວ່າຄົນ ຈາກເຫດນ້ຳຖ້ວມຄັ້ງໃຫຍ່ ທາງພາກຕາເວັນຕົກຂອງປະເທດ.

-----------

ໜັງສືພິມເສດຖະກິດ-ສັງຄົມ

 

แชร์