ຫົວພັນສຳເລັດປະກວດສິລະປະ-ວັນນະຄະດີ ນັກຮຽນສາມັນສຶກສາ

  ແລງວັນທີ 9 ກຸມພາ 2019 ພະແນກສຶກສາທິການ ແລະກີລາ ແຂວງຫົວພັນ ໄດ້ສຳເລັດການປະກວດສິລະປະ- ວັນນະຄະດີນັກຮຽນສາມັນສຶກສາຄັ້ງທີ 1 ທົ່ວແຂວງ ທີ່ຫໍວັດທະນະທຳຂອງແຂວງ ຊຶ່ງການປະກວດຄັ້ງນີ້ມີຕົວແທນມາຈາກໝວດໂຮງຮຽນ 10 ເມືອງທົ່ວ ແຂວງ ແລະ 5 ໝວດໂຮງຮຽນອ້ອມ ຂ້າງເທສະບານແຂວງຄື: ມສ ພັນຊໍາ, ມສ ພັນລາ, ມປ ຕົວແບບ, ໂຮງຮຽນສາມັນກິນນອນຊົນເຜົ່າ ແລະໂຮງຮຽນ SOS, ການເຂົ້າ ປະກວດຊຶ່ງມີ 4 ລາຍການຄື: ບົດ ຟ້ອນທົ່ວໄປ, ບົດຟ້ອນບັນດາເຜົ່າ, ຮ້ອງເພັງ  ແລະ ຂັບລໍາທ້ອງຖິ່ນ, ບົດ ຟ້ອນທົ່ວໄປມີ 14 ບົດ.

  ຜ່ານການປະກວດອັນດັບທີ 1 ໄດ້ແກ່ບົດຟ້ອນກ້ຽວສາວໄຕຊໍາຕໍ່າ ຜ້າຈາກເມືອງຊໍາໃຕ້ໄດ້ຮັບຂັນ 1 ໜ່ວຍພ້ອມເງິນສົດ 5 ລ້ານກີບ, ອັນດັບທີ 2 ໄດ້ແກ່ບົດຟ້ອນຄວາມສາມັກຄີແດນແຫ່ງວິລະຊົນຈາກເມືອງແອດໄດ້ຮັບເງິນສົດ 4 ລ້ານກີບ, ອັນດັບທີ 3  ບົດຟ້ອນເທີດທູນບຸນຄຸນພັກຈາກເມືອງວຽງໄຊ ໄດ້ຮັບເງິນສົດ 3 ລ້ານກີບ, ອັນດັບ ທີ 4 ບົດຟ້ອນ ນໍ້າມ່າແສນງາມຈາກເມືອງຊຽງຄໍ້ ໄດ້ຮັບເງິນສົດ 2 ລ້ານກີບ ສ່ວນປະເພດບົດຟ້ອນບັນດາເຜົ່າມີ 14  ບົດ  ອັນດັບທີ 1 ໄດ້ແກ່ບົດຟ້ອນສວນມອນເຜົ່າໄຕແດງຈາກໂຮງຮຽນ  ມປ  ຕົວແບບ ໄດ້ຮັບຂັນ 1 ໜ່ວຍພ້ອມເງິນສົດ 5 ລ້ານກີບ, ອັນດັບທີ 2 ບົດຟ້ອນວິ ຖີການດຳລົງຊີວິດຂອງເຜົ່າໄຕດໍາ ຈາກເມືອງແອດໄດ້ຮັບເງິນສົດ 4 ລ້ານກີບ, ອັນດັບ 3 ບົດຟ້ອນເຜົ່າກຶມມຸມ່ວນຊື່ນບຸນກະເລີຈາກໂຮງ ຮຽນ ມສ ພັນຊໍາໄດ້ຮັບເງິນສົດ 3 ລ້ານກີບ, ອັນດັບທີ 4 ບົດຟ້ອນສຽງແຄນມົ້ງ ຈາກເມືອງວຽງໄຊໄດ້ຮັບເງິນສົດ 2 ລ້ານກີບ ສຳລັບ ຂັບຊໍາເໜືອມີ 12 ບົດ ອັນດັບທີ 1 ໄດ້ແກ່ບົດຂັບເຊີນທ່ຽວເມືອງແອດ ຈາກເມືອງແອດໄດ້ຮັບຂັນ 1 ໜ່ວຍ ພ້ອມເງິນສົດ 2 ລ້ານກີບ, ອັນດັບທີ 2 ບົດຂັບເຊີນທ່ຽວເມືອງວຽງໄຊ ຈາກເມືອງວຽງໄຊ ໄດ້ຮັບເງິນສົດ 1 ລ້ານ 5 ແສນກີບ, ອັນດັບທີ 3 ໄດ້ແກ່ບົດຂັບຊໍາໃຕ້ສວຍງາມ  ແລະ ຮັ່ງມີຈາກເມືອງຊໍາໃຕ້  ໄດ້ຮັບເງິນ ສົດ 1  ລ້ານກີບ, ອັນດັບທີ 4 ບົດ ຂັບພັນລະນາຕົວເມືອງຊໍາເໜືອ ຈາກໂຮງຮຽນ ມ ປາຍ ຕົວແບບ ໄດ້ຮັບເງິນສົດ 5 ແສນກີບ ແລະ ບົດເພັງມີ 15 ບົດອັນດັບທີ 1 ໄດ້   ແກ່ບົດເພງບຸນຄຸນຄູຈາກເມືອງ ຮ້ຽມໄດ້ຮັບຂັນ 1 ໜ່ວຍ  ພ້ອມເງິນ ສົດ 2 ລ້ານກີບ, ອັນດັບທີ 2 ບົດ ເພງສຽງນີ້ຈາກເມືອງວຽງໄຊຈາກເມືອງວຽງໄຊ  ໄດ້ຮັບເງິນສົດ 1,5 ລ້ານກີບ ແລະອັນດັບທີ 3 ບົດເພງສະຫຼອງທີ  7  ຕຸລາ  ຈາກເມືອງແອດ ໄດ້ຮັບເງິນສົດ 1 ລ້ານກີບ, ອັນດັບ ທີ 4 ບົດເພງ ສະບາຍດີຊໍາເໜືອ ຈາກໂຮງຮຽນ ມສ ພັນຊໍາໄດ້ຮັບ ເງິນສົດ 5 ແສນກີບ.

  ໃຫ້ກຽດເຂົ້າຮ່ວມໃນພິທີ ແລະ ກ່າວມອບລາງວັນດັ່ງກ່າວຂອງ ທ່ານ  ມົນທອງ  ລຽນຕິຄຸນ  ຫົວໜ້າພະແນກສຶກສາທິການ ແລະກີລາ ແຂວງ, ທ່ານ  ສົມເພັດອິນທະສອນຮອງຫົວໜ້າພະແນກສຶກສາທິການ ແລະກີລາ, ມີຄະນະຮັບຜິດຊອບການປະກວດ, ຄູອາຈານ, ນ້ອງນັກຮຽນ ແລະ ມວນຊົນເຂົ້າຮ່ວມຢ່າງຫຼວງຫຼາຍທັງນີ້ເພື່ອເປັນການແລກປ່ຽນບົດຮຽນເຊິ່ງກັນ ແລະ ກັນລະຫວ່າງໝວດໂຮງຮຽນດ້ວຍກັນ, ສົ່ງເສີມນັກຮຽນຜູ້ທີ່ມີພອນສະຫວັນໄດ້ສະແດງຄວາມຮູ້ຄວາມສາມາດຂອງ ຕົນ, ຊຸກຍູ້, ສົ່ງເສີມການຮຽນ-ການສອນຂອງຄູອາຈານໃຫ້ດຳ ເນີນໄປຕາມ 3 ລັກສະນະ ແລະ5 ຫຼັກມູນຂອງການສຶກສາພ້ອມທັງປະຕິບັດ 3 ຂໍ້ແຂ່ງຂັນຂອງກະຊວງສຶກສາໃຫ້ປາກົດຜົນເປັນຈິງ.

แชร์