7 ບໍລິສັດຮັບອະນຸຍາດຊອກຄົ້ນ-ສຳຫຼວດແຮ່ທາດ 10 ໂຄງການຢູ່ໄຊຍະ ແຕ່ບໍ່ເຄື່ອນໄຫວ

 ຕາມຂໍ້ມູນຈາກພະແນກພະລັງງານ ແລະບໍ່ແຮ່ແຂວງໄຊຍະບູລີ ເປີດເຜີຍໃຫ້ຮູ້ວ່າ: ໃນສົກປີຜ່ານມາໂຄງການຊອກຄົ້ນ-ສຳຫຼວດແຮ່ທາດ ແລະໂຄງການສຳຫຼວດສ້າງແຜນທີ່ທໍລະນີສາດ ແລະ ທໍລະນີເຄມີທີ່ເອກະຊົນລົງທຶນປະຕິບັດຢູ່ແຂວງໄຊຍະບູລີ ຂັ້ນສູນກາງຄຸ້ມຄອງບໍ່ໄດ້ຈັດຕັ້ງປະຕິບັດ 7 ບໍລິສັດໃນຈຳ ນວນ 10 ໂຄງການ ມີເນື້ອທີ່ສຳປະທານ 3,9 ພັນກິໂລຕາແມັດ, ກວມເອົາ 13.29% ຂອງເນື້ອທີ່ທົ່ວແຂວງໃນໂຄງການຊອກຄົ້ນສໍາຫຼວດແຮ່ທາດມີ 8 ໂຄງການ, ໂຄງການສຳຫຼວດສ້າງແຜນທີ່ທໍລະນີສາດ-ທໍລະນີເຄມີມາດຕາສ່ວນ 1/2 ລ້ານຈຳນວນ 1 ໂຄງການ ແລະໂຄງການຮ່ວມມືຊອກຄົ້ນ-ສໍາຫຼວດເຂດເປົ້າໝາຍສະຫງວນແຮ່ທາດ 1 ໂຄງການ.

ໃນຈຳນວນທັງໝົດໂຄງການຊອກ ຄົ້ນສໍາຫຼວດແຮ່ທາດທອງແດງເຂດບ້ານ ນາດອກໄມ້ ເມືອງແກ່ນທ້າວ ແລະເຂດ ບ້ານນໍ້າຍາງ ເມືອງປາກລາຍ. ບໍລິສັດ ຢຸນນານ, ຢຸນມ້າວຮ່ວມກັບກະຊວງປ້ອງ ກັນປະເທດໄດ້ເຊັນສັນຍາສໍາປະທານ ໃນເນື້ອທີ່ 426 ກິໂລຕາແມັດ ມີມູນຄ່າ ການລົງທຶນ 6,82 ລ້ານໂດລາ ຊຶ່ງບໍ ລິສັດໄດ້ຜ່ານບົດລາຍງານຊອກຄົ້ນສໍາ ເລັດ. ໂຄງການຊອກຄົ້ນ-ສໍາຫຼວດແຮ່ ທາດທອງແດງຢູ່ເຂດເມືອງພຽງ ເມືອງ ໄຊຍະບູລີ, ເມືອງປາກລາຍຂອງບໍລິສັດ ວິລະຊານບໍ່ແຮ່ຈຳກັດຮ່ວມທຶນລາວຈີນໄດ້ເຊັນສັນຍາສໍາປະທານໃນເນື້ອທີ່ 468,1  ກິໂລາແມັດ, ມູນຄ່າການລົງ ທຶນ 7,38 ລ້ານໂດລາ ແຕ່ບໍລິສັດບໍ່ໄດ້ ມີການເຄື່ອນໄຫວວຽກງານສໍາຫຼວດຈົນ ເຖິງປະຈຸບັນ, ໂຄງການຊອກຄົ້ນ-ສໍາ ຫຼວດແຮ່ທອງແດງ ແລະແຮ່ເຫຼັກເຂດ ບ້ານເບ້ຍ, ບ້ານທົ່ງມີໄຊ, ເມືອງປາກ ລາຍ ແລະເຂດບ້ານໂພນສັກ ເມືອງພຽງ ຂອງບໍລິສັດອອດໂດວິຊຽນບໍ່ແຮ່ຮົງ ກົງ ຈຳກັດ ເຊັນສັນຍາສໍາປະທານໃນ ເນື້ອທີ່ 324 ກິໂລຕາແມັດ, ມູນຄ່າການ ລົງທຶນ 6,94 ລ້ານໂດລາ ບໍລິສັດບໍ່ມີ ການເຄື່ອນໄຫວ ແລະໄດ້ແຈ້ງຍົກເລີກ ສັນຍາກັບລັດຖະບານ.

  ໂຄງການຊອກຄົ້ນ-ສໍາຫຼວດແຮ່ ທາດທອງແດງເຂດບ້ານເມືອງປາ ເມືອງ ປາກລາຍ  ແລະບ້ານໂພນສະອາດ ເມືອງ ພຽງ ຂອງບໍລິສັດ ໂດມີນຽມ (ອົດສະ ຕາລີ) ເຊັນສັນຍາໃນເນື້ອທີ່ 488,2 ກິໂລຕາແມັດ ຢູ່ໃນໄລຍະສຳຫຼວດ, ມີ ມູນຄ່າລົງທຶນ 6,94 ລ້ານໂດລາ ປະຈຸບັນບໍລິສັດກຳລັງສໍາຫຼວດຢູ່ເຂດບ້ານ ສົມສະຫວາດ ເມືອງພຽງ, ຊອກຄົ້ນສໍາຫຼວດແຮ່ທອງແດງຢູ່ເຂດບ້ານປາກໄຜ່ ເມືອງໄຊຍະບູລີ ຂອງບໍລິສັດ ເຫີເປປ່າວ ຕື້ (ສປ ຈີນ) ເຊັນສັນຍາສໍາປະທານ ເນື້ອທີ່ 280 ກິໂລຕາແມັດ, ມູນຄ່າການ ລົງທຶນ 7,7 ລ້ານໂດລາ ປະຈຸບັນບໍລິສັດ ບໍ່ໄດ້ມີການເຄື່ອນໄຫວຊອກຄົ້ນ, ສໍາ ຫຼວດແຮ່ທາດຄໍາຢູ່ບ້ານໂຄກສະຫວັນ ເມືອງປາກລາຍ ຂອງບໍລິສັດມໍລະກົດຢຽນຊຽນບໍ່ແຮ່ຈຳກັດ (ສປ ຈີນ) ເຊັນສັນຍາສໍາປະທານເນື້ອທີ່ 60 ກິໂລ ຕາແມັດ, ມູນຄ່າການລົງທຶນ 7,81 ລ້ານໂດລາ ປະຈຸບັນທາງບໍລິສັດກະ ກຽມສືບຕໍ່ສໍາຫຼວດ ແລະກຽມເຂົ້າສູ່ ການຂຸດຄົ້ນຈຳນວນໜຶ່ງ.

  ຊອກຄົ້ນ-ສໍາຫຼວດແຮ່ທາດທອງ ແດງເຂດບ້ານນໍ້າຕວນ, ບ້ານນາລວມເມືອງໄຊຍະບູລີ, ໃນເນື້ອທີ່ 136 ກິໂລ ຕາແມັດ ແລະແຮ່ທາດມັງກາແນັດເຂດ ບ້ານນາຂ່າ ເມືອງບໍ່ແຕນ, ໃນເນື້ອທີ່ 131,3 ກິໂລຕາແມັດ ເປັນໂຄງການ ຮ່ວມມືລະຫວ່າງກົມທໍລະນີສາດ ແລະ ບໍ່ແຮ່ຮ່ວມກັບບໍລິສັດກວາງໂຈວຮຸຍຕາເຟິງອຸດສາຫະກຳ ແລະການລົງທຶນ (ສປ ຈີນ) ໃນເນື້ອທີ່ທັງໝົດ 267,3 ກິໂລຕາແມັດຊຶ່ງມີມູນຄ່າການລົງທຶນ 35,2 ລ້ານໂດລາ ໂຄງການດັ່ງກ່າວມີ ການເຄື່ອນໄຫວ, ຊອກຄົ້ນ-ສໍາຫຼວດ ແຮ່ທາດທອງແດງເຂດທີ I ແຂວງຫຼວງ ພະບາງ, ແຂວງອຸດົມໄຊ ມີເນື້ອທີ່ 4,5 ພັນກິໂລຕາແມັດ ແລະເຂດທີ II ເມືອງ ຊະນະຄາມ ແຂວງວຽງຈັນ ແລະເມືອງປາກລາຍ ແຂວງໄຊຍະບູລີ  ມີເນື້ອທີ່ 590,8 ກິໂລຕາແມັດ ເປັນໂຄງການຮ່ວມມືລະຫວ່າງກົມທໍລະນີສາດ ແລະ ແຮ່ທາດກັບພະແນກສໍາຫຼວດພັດທະນາທໍລະນີສາດ ແລະບໍ່ແຮ່ແຂວງເສສວນ (ສປ ຈີນ) ມູນຄ່າການລົງທຶນ 16,06 ລ້ານໂດລາ ສໍາລັບເມືອງປາກລາຍແມ່ນກວມເອົາເຂດບ້ານຜາລຽບ, ໜອງໄຄ້, ມີເນື້ອທີ່ 325 ກິໂລຕາແມັດ ຊຶ່ງໄດ້ຈັດຕັ້ງປະຕິບັດສຳເລັດ 100% ຂອງເນື້ອທີ່ໂຄງການສ້າງແຜນທີ່ທໍລະນີສາດ, ທໍລະນີເຄມີມາດຕາສ່ວນ ½ ລ້ານລະຫວ່າງກົມທໍລະນີສາດ, ແຮ່ທາດ ແລະ ກົມໃຫຍ່ສໍາຫຼວດຂອງ (ສປ ຈີນ) ມູນຄ່າໂຄງການ 25 ພັນໂດລາ ປະຈຸບັນ ສໍາເລັດ 100% ຂອງເນື້ອທີ່ທົ່ວແຂວງ, ໂຄງການຊອກຄົ້ນສຳຫຼວດເຂດເປົ້າໝາຍສະຫງວນແຮ່ທາດລະຫວ່າງກົມທໍລະນີສາດ ແລະແຮ່ທາດກັບບໍລິສັດ Asian PoTasT Mine investment (GPgoup) ຊຶ່ງກວມເອົາສາມແຂວງຄື: ແຂວງບໍ່ແກ້ວ, ແຂວງອຸດົມໄຊ ແລະແຂວງໄຊຍະບູລີ, ມີເນື້ອ ທີ່ທັງໝົດ 2,2 ພັນກິໂລຕາເເມັດ ໃນນັ້ນກວມເອົາເນື້ອທີ່ ຂອງແຂວງໄຊຍະບູລີ 237 ກິໂລຕາແມັດ ຢູ່ເຂດປາກເປັດ ເມືອງຊຽງຮອນ ແລະເຂດບ້ານຫ້ວຍ ເງິນ ເມືອງເງິນ, ມູນຄ່າການລົງທຶນ 20 ລ້ານໂດລາ ສໍາລັບປີ 2018 ທາງໂຄງການບໍ່ໄດ້ມີການເຄື່ອນໄຫວ.

  ສັງລວມແລ້ວໃນສົກປີ 2018 ຜ່ານມາມີແຕ່ 3 ບໍລິສັດທີ່ມີການເຄື່ອນໄຫວດຳເນີນທຸລະກິດຄື: ບໍລິສັດ ໂດມີນຽມ, ບໍລິສັດມໍລະກົດເຢັນຊຽນ ແລະ ບໍລິ ສັດ ວິລະຊານ. ສ່ວນ 7 ບໍລິສັດ ແມ່ນເຊັນສັນຍາສໍາປະທານແຕ່ໝົດອາຍຸການສໍາປະທານໃນທ້າຍປີ 2018 ຜ່ານມາປະຈຸບັນແມ່ນບໍ່ມີການເຄື່ອນໄຫວ ແລະ ບໍ່ມີບົດລາຍງານການເຄື່ອນໄຫວໃຫ້ແຂວງຮັບຊາບ.

ຂ່າວ: ບຸນທີ - ນສພ ເສດຖະກິດ-ສັງຄົມ

แชร์