ສຶກສາເມືອງຮ້ຽມປະຊຸມ ສ້າງແຜນຍຸດທະສາດ ວຽກຈຸດສຸມ

 ວັນທີ 14 ກໍລະກົດ 2020 ທີ່ຫ້ອງບໍລິຫານຫ້ອງການສຶກສາທິການ ແລະກີລາເມືອງ (ສກມ) ຮ້ຽມໄດ້ຈັດກອງປະຊຸມສ້າງແຜນຍຸດທະສາດ, ວຽກຈຸດສຸມໃນແຜນ 5 ປີ 2015-2020, ວຽກຈຸດສຸມ ແລະແຜນກິດຈະກໍາປີ 2020 ຂຶ້ນຢ່າງເປັນທາງການ ໂດຍພາຍ ໃຕ້ການເປັນປະທານຂອງທ່ານ ນາງ ຊ່ຽນ ສີດາວົງສ໌ ຫົວໜ້າ ຫ້ອງການສຶກສາທິການ ແລະກີ ລາເມືອງພ້ອມດ້ວຍຄະນະ,ໃຫ້ກຽດເຂົ້າຮ່ວມໂດຍມີທ່ານ ທອງວັນ ບຸນທະວົງ ຫົວໜ້າຂະແໜງບໍລິຫານພະແນກສຶກສາທິການ ແລະກີລາແຂວງຫົວພັນ ພ້ອມດ້ວຍ ທີມງານ, ມີຫົວໜ້າໜ່ວຍງານ, ຮອງໜ່ວຍງານເຂົ້າຮ່ວມຢ່າງພ້ອມ ພຽງ.

  ໃນວາລະກອງປະຊຸມໃນຄັ້ງນີ້ ຜູ້ເຂົ້າຮ່ວມໄດ້ຮັບຟັງການແນະນຳວິທີສ້າງແຜນຍຸດທະສາດ, ວຽກຈຸດສຸມໃນແຜນ 5 ປີ 2015-2020, ວຽກຈຸດສຸມ  ແລະແຜນກິດຈະກໍາປີ 2020 ຈາກທ່ານ ທອງວັນ ບຸນທະວົງ ຫົວໜ້າຂະແໜງບໍລິຫານພະແນກສຶກສາທິການ ແລະກີລາແຂວງ ຫົວພັນ,ຈາກນັ້ນ, ໃຫ້ແຕ່ລະໜ່ວຍງານຫ້ອງການສຶກສາທິການ ແລະ ກີລາເມືອງຮ້ຽມ ເຮັດເປັນບົດຕົວຈິງພາຍໃຕ້ການຊີ້ນຳຈາກທີມງານ ຂອງພະແນກສຶກສາທິການ ແລະ ກີລາແຂວງຫົວພັນ.

----------

ໜັງສືພິມເສດຖະກິດ-ສັງຄົມ

แชร์