ນັກທຸລະກິດລາວລົງທຶນ 6 ລ້ານກວ່າໂດລາ ສ້າງແຫຼ່ງທ່ອງທ່ຽວນໍ້າປ່ຽນຢໍລະປ່າ

    ກຽມສຳຜັດແຫຼ່ງທ່ອງທ່ຽວແຫ່ງໃໝ່ທີ່ເຕັມໄປດ້ວຍຫຼາຍກິດຈະກຳຄວາມມ່ວນຊື່ນທີ່ແຫຼ່ງທ່ອງທ່ຽວນໍ້າປ່ຽນຢໍລະປ່າຊຶ່ງປະຈຸບັນນັກທຸລະກິດລາວລົງທຶນພັດທະນາເພື່ອເຮັດເປັນແຫຼ່ງທ່ອງທ່ຽວຄົບວົງຈອງທັນສະໄໝ່ລວມມູນຄ່າກໍ່ສ້າງ 6 ລ້ານກວ່າໂດລາ ແລະກຽມເປີດບໍລິການເດືອນສິງຫາທີ່ຈະມາເຖິງນີ້.
  ທ່ານ ສົມເພັດ ມ້າວປະເສີດ ປະທານແຫຼ່ງທ່ອງທ່ຽວນໍ້າປ່ຽນຢໍລະປ່າໃຫ້ສຳພາດນັກຂ່າວໜັງສືພິມເສດຖະກິດ-ສັງຄົມຮູ້ວ່າ: ສຳລັບການສ້າງແຫຼງທ່ອງທ່ຽວນໍ້າປ່ຽນຢໍລະປ່າເລີ່ມລົງມືຕົ້ນປີ 2019 ມີມູນຄ່າກໍ່ສ້າງ 6 ລ້ານກວ່າໂດລາ ຈຸດປະສົ່ງເພື່ອເປັນການສ້າງແຫຼ່ງທ່ອງທ່ຽວເພີ່ມຂຶ້ນສ້າງສິ່ງອຳນວຍຄວາມສະດວກນັກທ່ອງທ່ຽວທັງພາຍໃນ ແລະຕ່າງປະເທດເຂົ້າມາສຳພັດບັນຍາການແຖວໃນຕົວເມືອງ.
  ປະຈຸບັນແຫຼ່ງທ່ອງທ່ຽວສ້າງໄດ້ສຳເລັດແລ້ວ 100% ໂດຍກາງເດືອນກໍລະກົດຈະເປີດທົດລອງບໍລິການ ແລະເປີດເປັນທາງການແມ່ນເດືອນສິງຫາທີ່ຈະມາເຖິງນີ້ຊຶ່ງແຫຼ່ງທ່ອງທ່ຽວຈະມີ 8 ລາຍການກິດຈະກຳເຮັດ 1, ສ່ວນນໍ້າ, ໄຕ່ຂົວອູ້, ຂີ່ສະລີງ, ລໍເລີ, ລຸບ loge, ລົດເອທີວີ, ຕາໜ່າງແມງມູນ ແລະໄຕ່ຂົວເສືອໂຕວີນອກຈາກນີ້ຍັງທາງແຫຼ່ງທ່ອງທ່ຽວຍັງມີ10 ລາຍການບໍລິການຊຶ່ງສະຖານທີ່ແຫຼ່ງທ່ອງທ່ຽວຕັ້ງຢູ່ບ້ານຊຽງແລທ່າເມືອງປາກງື່ມນະຄອນຫຼວງວຽງຈັນ.

แชร์