ຜົນການປະກວດ ເຮວີຄວີນລາວສາວອວບ 2020

  ໂຄງການປະກວດສາວອວບອ້ວນ ເຮວີຄວີນລາວສາວອວບ 2020 (HeavyQueenLaos 2020) ຖືເປັນອີກໜຶ່ງປາກົດການໃໝ່ໃນເວທີປະກວດນາງສາວງາມ ເປັນການເປີດໂອກາດໃຫ້ສາວອ້ວນ,ສາວຮູບຮ່າງໃຫຍ່ໄດ້ມາສະແດງສັກກະຍະພາບຄວາມຮູ້ຄວາມສາມາດ,ເສີມສ້າງຄວາມໝັ້ນໃຈໃຫ້ພວກເຂົາເຫຼົ່ານັ້ນກ້າສະແດງອອກໃນສິ່ງທີ່ຕົນເອງມີຢູ່, ຊຶ່ງຮອບຕັດສິນໄດ້ຈັດຂຶ້ນໃນຄໍ່າຄືນຂອງວັນທີ 11 ກໍລະກົດ ທີ່ນະຄອນຫຼວງວຽງຈັນ.

  ທ່ານ ອໍາໄພວັນ ສຸວັນທອນ ປະທານບໍລິສັດ ມີສບິວຕີ້ພາວເວີລາວຈໍາກັດ ແລະຍັງເປັນປະທານໂຄງການເຮວີຄວີນລາວສາວອວບ 2020 ໃຫ້ຮູ້ວ່າ: ການຈັດໂຄງການປະກວດນີ້ມີ 2 ຈຸດປະສົງຫຼັກຄື: ເປີດໂອກາດໃຫ້ສາວອ້ວນ, ສາວຮູບຮ່າງໃຫຍ່ໄດ້ມາສະແດງສັກກະຍະພາບຄວາມຮູ້ຄວາມສາມາດ, ເສີມສ້າງຄວາມໝັ້ນໃຈໃຫ້ ພວກເຂົາເຫຼົ່ານັ້ນກ້າສະແດງອອກໃນສິ່ງທີ່ຕົນເອງມີຢູ່ ແລະ ອີກຈຸດປະສົງທີສອງແມ່ນສົ່ງເສີມໃຫ້ນາງສາວເຫຼົ່ານີ້ເປັນກະບອກສຽງພ້ອມເປັນຕົວແທນລົງພື້ນທີ່ໃຫ້ຄວາມ ຊ່ວຍເຫຼືອສັງຄົມ, ພິເສດໂຄງການດັ່ງກ່າວປະກອບດ້ວຍລາງວັນຊະນະເລີດ 3 ຕໍາແໜ່ງຄື: Miss HeavyQueenLaosWomen 2020, MissHeavy Queen LaosTeen2020 ແລະ Miss HeavyQueenLaosTran 2020 ຊຶ່ງແຕ່ລະຕໍາແໜ່ງແມ່ນເທົ່າທຽມກັນ.

  ສໍາລັບຜົນການປະກວດຜູ້ທີ່ໄດ້ຮັບຕໍາແໜ່ງ MissHeavyQu eenLaosWomen2020 (ເປັນຕົວແທນໃຫ້ສາວອວບລຸ້ນໄວກາງຄົນ,ໄວເຮັດວຽກ ຫຼືອາວຸໂສ) ຄົນທຳອິດຂອງປະເທດລາວແມ່ນທ່ານນາງ ຄຳມົນ ສີຫາລາດ ອາຍຸ 34 ປີ,ສູງ 170 ຊັງຕີແມັດ,ນໍ້າໜັກ 90 ກິໂລກລາມ ເປັນຕົວແທນຈາກນະຄອນຫຼວງວຽງຈັນ, ອາຊີບນັກທຸລະກິດ;ສ່ວນຕໍາແໜ່ງ MissHeavyQueenLaos Teen 2020 (ເປັນຕົວແທນສາວອວບໃນກຸ່ມໄວໜຸ່ມ) ຄົນທຳອິດຂອງປະເທດລາວໄດ້ແກ່ ທ່ານ ນາງ ມຸກດາ ຈັນທະລັງສີ, ອາຍຸ 22 ປີ, ສູງ 180 ຊັງຕີແມັດ, ນໍ້າໜັກ 98 ກິໂລກລາມ, ຕົວແທນຈາກນະຄອນຫຼວງວຽງຈັນ, ເປັນນັກສຶກສາລະດັບປະລິນຍາຕີທີ່ມະຫາວິທະຍາໄລແຫ່ງຊາດລາວ; ສໍາລັບຕໍາແໜ່ງ MissHeavyQueen LaosTran2020 (ເປັນຕົວແທນສາວອວບໃນກຸ່ມສາວອວບທີ່ຕ້ອງການປ່ຽນແປງຮູບຮ່າງໃນທຸກໄວ) ຄົນທຳອິດຂອງປະເທດລາວ ໄດ້ແກ່ທ່ານ ນາງ ພຸດສະແຫວງ ສີປະເສີດ, ອາຍຸ 25 ປີ, ສູງ 165 ຊັງຕີແມັດ, ນໍ້າໜັກ 75 ກິໂລກລາມ, ຕົວ ແທນຈາກແຂວງຫຼວງພະບາງ, ເປັນນັກທຸລະກິດ.

  ທ່ານ ອໍາໄພວັນ ສຸວັນທອນ ໃຫ້ຮູ້ຕື່ມວ່າ: ນອກຈາກຜູ້ຊະນະເລີດທັງ 3 ຕໍາແໜ່ງດັ່ງກ່າວແລ້ວ, ຍັງມີຕໍາແໜ່ງຮອງຊະນະເລີດອີກໜຶ່ງຕໍາແໜ່ງຊຶ່ງເປັນຕໍາແໜ່ງທີ່ມີຄວາມສໍາຄັນຫຼາຍເນື່ອງຈາກວ່າຖ້າຫາກທັງ 3 ທ່ານທີ່ໄດ້ຮັບຕໍາແໜ່ງດັ່ງກ່າວບໍ່ສາມາດປະຕິບັດຕໍາແໜ່ງໄດ້ຮອງຊະນະເລີດຈະຕ້ອງປະຕິບັດໜ້າທີ່ແທນ, ຊຶ່ງຕໍາ ແໜ່ງນີ້ໄດ້ແກ່ທ່ານ ນາງ ເຈັບປີ້ ເນັ່ງນະຄອນ ອາຍຸ 27 ປີ, ສູງ 165 ຊັງຕີແມັດ, ນໍ້າໜັກ 105 ກິໂລກລາມ, ຕົວແທນຈາກນະຄອນຫຼວງວຽງຈັນ,ອາຊີບນັກທຸ ລະກິດ.

แชร์