ຝຶກອົບຮົມນຳໃຊ້ຫຼັກສູດ ແລະການສອນສາຍວິຊາຊີບ

  ວັນທີ 11  ກຸມພາ  ຜ່ານມາ ທີ່ຫ້ອງປະຊຸມໂຮງຮຽນສາມັນກິນ ນອນຊົນເຜົ່າອຸດົມໄຊໄດ້ມີກອງປະ ຊຸມຝຶກອົບຮົມເຜີຍແຜ່ການນຳໃຊ້ຫຼັກສູດ ແລະ ສ້າງຊຸດການສອນສາຍວິຊາຊີບ ໂດຍການເປັນປະທານ ຂອງທ່ານ ສົມສະນິດ ສຸດທິວົງ ຮອງຫົວໜ້າພະແນກສຶກສາທິການ ແລະ ກີລາແຂວງ, ທ່ານ ສົມສັກ ສຸພິໄລ ຜູ້ອຳນວຍການໂຮງຮຽນ ສາມັນກິນນອນຊົນເຜົ່າອຸດົມໄຊ, ທ່ານ  ໂພໄຊ  ບູລົມ ຫົວໜ້າພະແນກປະກັນຄຸນນະພາບ ແລະປະເມີນ ຜົນ, ທ່ານ ບຸນເສີນ ແສງມະນີວົງ ຫົວໜ້າພະແນກພັດທະນາຫຼັກສູດ ແລະສື່ການຮຽນ-ການສອນ, ມີ ນັກສຳມະນາກອນ 4 ໂຮງຮຽນຄື: ໂຮງຮຽນສາມັນກິນນອນຊົນເຜົ່າ, ໂຮງຮຽນເຕັກນິກວິຊາຊີບແບບ ປະສົມ, ໂຮງຮຽນ ກສນ ແຂວງ ແລະໂຮງຮຽນ ກສນ ເມືອງນາໝໍ້ ເຂົ້າຮ່ວມ.

  ທ່ານ ສົມສະນິດ ສຸດທິວົງ ຮອງຫົວໜ້າພະແນກສຶກສາທິການ ແລະ ກີລາແຂວງໄດ້ໃຫ້ຄຳຄິດເຫັນ ຕີລາຄາໝາກຜົນຂອງການຈັດ ຕັ້ງປະຕິລບັດການຮຽນ-ການສອນສາມັນວິຊາຊີບຂອງແຂວງອຸດົມໄຊພວມທົດລອງເປັນຕົ້ນແມ່ນເນັ້ນຄວາມສຳຄັນໃນການຮຽນ-ການ ສອນ ໃນສາຂາວິຊາຕ່າງໆທີ່ແທດເໝາະກັບເງື່ອນໄຂພື້ນຖານຂອງ ຕົ້ນເອງ.

    ນອກຈາກນັ້ນທ່ານ ໂພໄຊ ບູລົມ ຫົວໜ້າພະແນກປະກັນຄຸນນະພາບ ແລະ ປະເມີນຜົນກໍ່ໄດ້ສະເໜີ ສະພາບການຮຽນ-ການສອນ ແລະ ຄວາມສຳຄັນຂອງການຮຽນລະບົບສາມັນໃນປະຈຸບັນ ແລະ ສາຍ ວິຊາຊີບໃນພາກພື້ນ, ໃນໂລກ ແລະ ໃນລາວ ທີ່ພວມມີການຫັນປ່ຽນ ເພື່ອສອດຄອງກັບສະພາບຄວາມ ເປັນຈິງຂອງສັງຄົມ ແລະ ທັນຍຸກ ສະໄໝ.

• 13/02/2019