ເກີດເຫດນໍ້າຖ້ວມຢູ່ເນປານ ເສຍຊີວິດ 60 ຄົນ

ວັນທີ 13 ກໍລະກົດທີ່ຜ່ານມາ ໄດ້ເກີດເຫດພາຍຸຝົນຕົກລົງມາຢ່າງໜັກສົ່ງຜົນເຮັດໃຫ້ເກີດນໍ້າຖ້ວມ ແລະດິນເຈື່ອນຢູ່ເນປານມີຜູ້ເສຍຊີວິດແລ້ວຢ່າງໜ້ອຍ 60 ຄົນ ແລະສູນຫາຍອີກ 41 ຄົນ.

  ຕາມຂ່າວຕ່າງປະເທດລາຍງານວ່າ ເກີດ ເຫດພາຍຸຝົນຕົກລົງມາຢ່າງໜັກສົ່ງຜົນເຮັດໃຫ້ເກີດນໍ້າຖ້ວມ ແລະດິນເຈື່ອນຫຼາຍພື້ນທີ່ທາງ ພາກຕາເວັນຕົກຂອງເນປານ ໂດຍສະເພາະເຂດມະຍັກດີ ພື້ນທີ່ທີ່ໄດ້ຮັບຜົນກະທົບຮ້າຍແຮງທີ່ສຸດ ຊຶ່ງຢູ່ຫ່າງຈາກນະຄອນຫຼວງກາຖະມານທຸ ໄປທາງຕາເວັນຕົກສຽງເໜືອປະມານ 200 ກິໂລແມັດ ຫຼັງຈາກຝົນຕົກຕໍ່ເນື່ອງມາຕັ້ງແຕ່ວັນທີ 9 ກໍລະກົດທີ່ຜ່ານມາ ເຮັດໃຫ້ຍອດຜູ້ເສຍຊີວິດເພີ່ມເປັນຢ່າງໜ້ອຍ 60 ຄົນ ແລະສູນຫາຍ ຫຼາຍກວ່າ 41 ຄົນ,ຂະນະດຽວກັນບ້ານເຮືອນ ຫຼາຍຮ້ອຍຫຼັງຖືກກະແສນໍ້າພັດເປ່ເພ ປະຊາຊົນຫຼາຍພັນຄົນຕ້ອງອົບພະຍົບຍ້າຍໄປຢູ່ຕາມໂຮງຮຽນ ແລະສູນພັກຊົ່ວຄາວສ່ວນເຈົ້າໜ້າທີ່ກູ້ໄພປະມານ 80 ຄົນຍັງເລັ່ງຊອກຫາຜູ້ທີ່ສູນຫາຍລວມທັງຊ່ວຍເຫຼືອຜູ້ປະສົບໄພທີ່ຄ້າງຢູ່ເຂດນໍ້າ ຖ້ວມ. ເຫດການນໍ້າຖ້ວມ ແລະດິນເຈື່ອນກະທັນຫັນເກີດຂຶ້ນເປັນປະຈຳໃນໄລຍະເດືອນມິຖຸນາເຖິງ ເດືອນກັນຍາ ຊຶ່ງເປັນໄລຍະລະດູມໍລະສຸມຂອງ ເນປານ ພື້ນທີ່ປະສົບໄພໜັກສຸດເປັນພື້ນທີ່ແຖວພູ ຂອງເນປານ ເຊັ່ນດຽວກັບລັດພິຫານທາງພາກ ຕາເວັນອອກຂອງອິນເດຍ ຊຶ່ງມີຊາຍແດນຕິດກັບເນປານ ນໍ້າໃນແມ່ນໍ້າຈະຖ້ວມບ້ານເຮືອນປະຊາຊົນເປັນປະຈຳໃນໄລຍະລະດູຝ

----------

ໜັງສືພິມເສດຖະກິດ-ສັງຄົມ

• 15/07/2020