ຍີ່ປຸ່ນເປີດໃຫ້ບໍລິການລົດໄຟຄວາມໄວສູງລຸ້ນໃໝ່

  ບໍລິສັດລົດໄຟຍີ່ປຸ່ນເປີດໂຕ ລົດໄຟໂດຍສານຄວາມໄວສູງຊິງ ກັນເຊັງລຸ້ນໃໝ່ ເອັນ 700 ເອສ (N700S) ຊຶ່ງບໍ່ພຽງແຕ່ແລ່ນໄດ້ ໄວ ແລະນຸ້ມນວນກວ່າເກົ່າ ແຕ່ຍັງ ສາມາດຂົນສົ່ງຜູ້ໂດຍສານໄປສູ່ທີ່ປອດໄພໃນຂະນະທີ່ເກີດເຫດແຜ່ນດິນໄຫວ.

  ຕາມຂ່າວຕ່າງປະເທດລາຍ ງານວ່າ ລົດໄຟຄວາມໄວສູງເອັນ 700 ເອສ ຊຶ່ງໂຕ ເອສ ຕໍ່ທ້າຍຫຍໍ້ ມາຈາກຄຳວ່າ (Supreme)  ຫຼື ສຸດຍອດ ເລີ່ມແລ່ນໃຫ້ບໍລິການຜູ້ ໂດຍສານຢ່າງເປັນທາງການນັບຕັ້ງແຕ່ວັນທີ 1 ກໍລະກົດທີ່ຜ່ານມາ ໃນເສັ້ນທາງສາຍໂທໄກໂດະ ຊິງ ກັນເຊັງ ຊຶ່ງເຊື່ອມຕໍ່ສະຖານີໃນນະຄອນຫຼວງໂຕກຽວກັບເມືອງ ໂອຊາກ້າ ໂດຍຜູ້ປະກອບການຄື ບໍລິສັດ ເຊນທຣັລເຈແປນ ເຣລເວ ຫຼື (JRCentral) ກ່ອນໜ້ານີ້ກຳນົດຈະນໍາລົດໄຟເອັນ 700 ເອສ ອອກແລ່ນໃຫ້ບໍລິການເປັນເທື່ອທຳ ອິດໃນລະຫວ່າງການແຂ່ງຂັນກີ ລາໂອລິມປິກ 2020 ແຕ່ການແຂ່ງ ຂັນຖືກເລື່ອນອອກໄປເປັນປີໜ້າ ເນື່ອງຈາກການແຜ່ລະບາດຂອງ ເຊື້ອໂຄວິດ-19. ລົດໄຟເອັນ 700 ເອສ ສາມາດແລ່ນດ້ວຍຄວາມ ໄວສູງສຸດເຖິງ 360 ກິໂລແມັດຕໍ່ ຊົ່ວໂມງ ຊຶ່ງເປັນສະຖິຕິໃໝ່ໃນລະຫວ່າງການທົດລອງແລ່ນໃນ ປີທີ່ຜ່ານມາ ເຮັດໃຫ້ມັນກາຍເປັນ ລົດໄຟໂດຍສານທີ່ແລ່ນໄດ້ໄວທີ່ສຸດ ໃນໂລກ ແຕ່ຄວາມໄວປົກກະຕິຂະນະທີ່ແລ່ນໃຫ້ບໍລິການຈະຈຳກັດ ໄວ້ທີ່ບໍ່ເກີນ 285 ກິໂລແມັດຕໍ່ຊົ່ວ ໂມງ.

   ລົດໄຟເອັນ 700 ເອສ ຕິດຕັ້ງ ລະບົບຄວບຄຸມອັດຕະໂນມັດ ແລະ ລະບົບເບຣກລຸ້ນໃໝ່ ທີ່ຈະເຮັດ ໃຫ້ລົດຢຸດໄດ້ໄວກວ່າເກົ່າໃນກໍລະນີທີ່ເກີດເຫດສຸກເສີນ ນອກຈາກນັ້ນ ຍັງຕິດຕັ້ງລະບົບຂັບເຄື່ອນດ້ວຍ ຕົນເອງດ້ວຍແບດເຕີຣີທຽມ-ອີ ອອນ ເປັນຄັ້ງທຳອິດຂອງໂລກ ຊຶ່ງລະບົບນີ້ຈະເຮັດໃຫ້ຂະບວນ ລົດແລ່ນໄປໄດ້ເອງອີກໄລຍະໜຶ່ງ ໃນກໍລະນີທີ່ເກີດລະບົບໄຟຟ້າມອດ ແລະຂະບວນລົດສາມາດເຄື່ອນທີ່ ໄປສູ່ສະຖານທີ່ປອດໄພກວ່າດ້ວຍຄວາມໄວຕໍ່າ ຖ້າຫາກຕິດຢູ່ໃນພື້ນ ທີ່ສ່ຽງເຊັ່ນ: ເທິງຂົວ ຫຼື ອຸໂມງ ຂະນະເກີດເຫດແຜ່ນດິນໄຫວຮຸນ ແຮງ.

--------

ໜັງສືພິມເສດຖະກິດ-ສັງຄົມ

แชร์