2 ພາກສ່ວນຮ່ວມມືເປີດໃຊ້ບໍລິການຊຳລະມູນຄ່າໂທລະສັບ

  ທະນາຄານເອຊີລີດາລາວ ຈໍາກັດ ຮ່ວມກັບບໍລິສັດ ອີທີແອລ ຈຳກັດ ເປີດໂຕບໍລິການໃໝ່ເອົາໃຈຜູ້ໃຊ້ມືຖືໂດຍການຕື່ມມູນຄ່າໂທຜ່ານ ACLEDA ToanChet (ທັນ ໃຈ) ໃນຕອນເຊົ້າວັນທີ 13 ກໍລະກົດ 2020 ຢູ່ທີ່ທະນາຄານເອຊີລີດາລາວ ຈໍາກັດ ໄດ້ມີພິທີຖະແຫຼງຂ່າວການຮ່ວມມືລະຫວ່າງທະນາຄານເອຊີລີດາລາວ ຈໍາກັດຮ່ວມກັບບໍລິສັດອີທີແອລ ຈຳກັດ ເພື່ອເປີດໂຕບໍລິການໃໝ່ເອົາໃຈຜູ້ໃຊ້ມືຖືເພື່ອຕື່ມເງິນຄ່າໂທອີທີແອລຜ່ານ ACLEDA ToanChet Application Top-Up ເພື່ອຍົກລະດັບການໃຫ້ບໍລິການຂອງທັງສອງຝ່າຍເຮັດໃຫ້ລູກຄ້າສາມາດຕື່ມມູນຄ່າໂທໄດ້ທຸກທີ່ທຸກເວລາເລີ່ມໃຊ້ໄດ້ຕັ້ງແຕ່ວັນທີ 13 ກໍລະກົດ 2020 ເປັນຕົ້ນໄປ.

  ເຂົ້າຮ່ວມໃນພິທີມີ ທ່ານ ດຣ. ຮາຍ ສະວາຍ ຜູ້ອຳນວຍການໃຫຍ່ທະນາຄານ ເອຊີລີດາ ລາວ ຈຳກັດ ແລະທ່ານ ຮວງ ສູຢຸນ ຜູ້ອຳນວຍການໃຫຍ່ບໍລິສັດອີທີແອລ ຈຳ ກັດ ພ້ອມດ້ວຍຄະນະ, ມີສື່ມວນຊົນຈາກຫຼາຍພາກສ່ວນກໍ່ໄດ້ເຂົ້າຮ່ວມໃນພິທີຄັ້ງນີ້ດ້ວຍ ທ່ານ ດຣ. ຮາຍ ສະວາຍ ກ່າວວ່າ: ປະຈຸບັນມີລູກຄ້າລົງທະບຽນນຳໃຊ້ເອຊີລີດາໃຈຫຼາຍກວ່າ 52,000  ລູກຄ້າ ແລະ ສະດວກສະບາຍໃນການຊຳລະກັບ 8334 ຮ້ານຄ້າຜ່ານ QR code ແລະ ຈະມີການເພີ່ມການບໍລິການອື່ນໆ ອີກຕາມຄວາມຕ້ອງການຂອງລູກຄ້າໃນໄລຍະຕໍ່ໄປ.

 ສະນັ້ນ, ເພື່ອຕອບໂຈດການໃຊ້ງານທີ່ຫຼາຍຂຶ້ນຈຶ່ງໄດ້ຮ່ວມມືກັບບໍລິສັດອີທີແອລ ຈຳກັດ ພັດທະນາລະບົບ ແລະເປີດໂຕລະບົບຕື່ມເງິນມືຖືເຄືອຂ່າຍອີທີແອລເພື່ອອໍານວຍຄວາມສະດວກແກ່ລູກຄ້າ. ທ່ານ ຮວງ ສູຢຸນ ຜູ້ອຳນວຍການໃຫຍ່ບໍລິສັດອີທີແອລ ຈຳກັດ ເປີດເຜີຍວ່າ: ປະຈຸບັນປະຊາກອນລາວຫຼາຍກວ່າ 80% ໃຊ້ໂທລະສັບມືຖື ແລະການເຂົ້າເຖິງອິນເຕີເນັດຜ່ານໂທລະສັບເພີ່ມຂຶ້ນປີລະ 15-20% ຊຶ່ງການເປີດໂຕແອັບພລິເຄເຊິນໃໝ່ນີ້ຈະເປັນການຍົກລະດັບການບໍລິການຂອງອີທີແອລເພີ່ມ ຂຶ້ນຕອບໂຈດຄວາມຕ້ອງການຂອງລູກຄ້າໃນຍຸກການເງິນດິຈິຕອລ.

แชร์