ນວ ປ່ອຍປາ ແລະສັດປ່າຄືນສູ່ທຳມະຊາດ

  ເນື່ອງໃນໂອກາດວັນປ່ອຍປາ ແລະອະນຸລັກສັດນໍ້າ-ສັດປ່າແຫ່ງຊາດພະແນກກະສິກໍາ ແລະປ່າໄມ້ນະຄອນຫຼວງວຽງຈັນ (ນວ) ຮ່ວມກັບຫ້ອງການກະສິກໍາ ແລະປ່າ ໄມ້ເມືອງສີສັດຕະນາກ ໄດ້ຈັດພິທີປ່ອຍປ່າ ແລະອະນຸລັກສັດນໍ້າ-ສັດປ່າວັນທີ 13 ກໍລະກົດ 2020 ທີ່ຄອງບຶງທາດຫຼວງ (ເຂດບ້ານດອນກອຍ) ໂດຍມີທ່ານ ຄໍາບຸນນັດ ໄຊຍະນົນ ຮອງລັດຖະມົນຕີກະຊວງກະສິກໍາ ແລະປ່າໄມ້, ທ່ານ ລາດຊະນີວົງ ອະນາຣາທິທາດາ ປະທານກວດກາຫົວໜ້າອົງການກວດກາປະຈໍານະຄອນຫຼວງ, ມີຫົວໜ້າ, ຮອງຫົວໜ້າພະແນກກະສິກໍາ ແລະປ່າໄມ້ ນວ ເຈົ້າເມືອງສີສັດຕະນາກ ພະນັກງານ-ລັດຖະກອນອໍານາດການປົກຄອງບ້ານ ແລະຂະແໜງການທີ່ກ່ຽວຂ້ອງເຂົ້າຮ່ວມ.

 ທ່ານ ຫຼ້າສາຍ ນວນທາສິງ ຫົວໜ້າພະແນກກະສິກໍາ ແລະປ່າໄມ້ ນວ ກ່າວວ່າ: ຍ້ອນການປ່ຽນແປງດິນຟ້າອາກາດການປຸກລຸກທີ່ຢູ່ທໍາມະຊາດ ແລະການຫາປາແບບດັບສູນຂອງມະນຸດປາສັດນໍ້າ-ສັດປ່າ ມີທ່າອ່ຽງຫຼຸດລົງບາງຊະນິດກໍຢູ່ໃນບັນໃກ້ຈະສູນພັນເຊັ່ນ: ຊ້າງ, ເສືອໂຄ່ງ, ນົກຍູງປ່າ ແລະອື່ນໆ ສະນັ້ນເພື່ອອະນຸຮັກປາສັດນໍ້າ-ສັດປ່າໃຫ້ອຸດົມສົມບູນຈຶ່ງໄດ້ເປີດຂະບວນປ່ອຍປາ ແລະ ສັດນໍ້າ-ສັດປ່າຄືນສູ່ທໍາມະຊາດໃນໂອກາດວັນປ່ອຍປາ ແລະ ອະນຸຮັກສັດນໍ້າ-ສັດປ່າແຫ່ງຊາດ (13 ກໍລະກົດ) ນັບແຕ່ປີ 1994-2019 ນະຄອນຫຼວງວຽງຈັນປ່ອຍປາ ແລະສັດນໍ້າສັດປ່າຄືນສູ່ທໍາມະຊາດທັງໝົດ 30.002.159 ໂຕສັດນໍ້າອື່ນໆ 3.143 ໂຕ ແລະ ສັດອື່ນໆ ອີກຈໍານວນໜຶ່ງ.

  ສໍາລັບປີ 2020 ນີ້ ນະຄອນຫຼວງວຽງຈັນຈະສືບຕໍ່ເປີດຂະບວນການສະເຫຼີມສະຫຼອງວັນດັ່ງກ່າວບັນດາເມືອງ ແລະອົງການປົກຄອງບ້ານຈະປ່ອຍປ່າຄືນສູ່ທໍາມະຊາດຢູ່ 12 ແຫ່ງເລີ່ມແຕ່ວັນທີ 10 ກໍລະກົດ2020 ຈົນຮອດເດືອນກັນຍາຄາດວ່າຈະປອດປາຄືນສູ່ທໍາມະຊາດຫຼາຍກວ່າ 1 ລ້ານໂຕ ຜະລິດປານ້ອຍໃຫ້ໄດ້ 29-30 ລ້ານໂຕ ປ່ອຍປາໃນໜອງ ແລະໃນກະຊັງປະມານ 150 ລ້ານໂຕ ເພື່ອເປັນສະບຽງອາຫານ ແລະເປັນສິນຄ້າສະເພາະປ່ອຍໃນສະຖານທີ່ແຫ່ງນີ້ປ່ອຍປາ 100.000 ກວ່າໂຕປະກອບມີປາກິນຫຍ້າ, ປາປາກ, ປາທໍາມະຊາດ, ເຕົ່າ, ອ່ຽນ, ສັດປີກ ແລະ ສັດອື່ນໆ ຈໍານວນໜຶ່ງພາຍຫຼັງທີ່ປ່ອຍໄປແລ້ວກໍຈະໄດ້ພ້ອມກັນເປັນເຈົ້າການໃນການປົກປັກຮັກສາໃຫ້ມີຄວາມຍືນຍົງເຊັ່ນ: ສືບຕໍ່ເຜີຍແຜ່ຄໍາສັ່ງເລກທີ 0682/ກປ ລົງວັນທີ10 ມິຖຸນາ 2020 ໃນ້ປະຕິບັດ,ຫ້າມຈັບຊື້-ຂາຍບໍ່ລ່າສັດນໍ້າ-ສັດປ່າໂດຍສະ ເພາະປະເພດຫຼວງຫ້າມ ແລະປະເພດຄຸ້ມຄອງບໍ່ຫາປາໃນໄລຍະລະດູວາງໄຂ່ ຫຼືໄລຍະເຂົ້າພັນສາບໍ່ຕນທາງເດີນຂອງປ່ຂຶ້ນວາງໄຂ່ດ້ວຍວິທີເຮັມຕ້ອນເຮັດຫຼີ່ ແລະ ອື່ນໆ ທີ່ເປັນການລະເມີດກົດໝານວ່າດ້ວຍສັດນໍ້າ-ສັດປ່າ ແລະກົດໝາຍວ່າດ້ວຍການປະມົງ.

____________

ຂຽນໂດຍ: ຟ້າ

ພາບ ແລະຂ່າວ: ໜັງສືພິມເສດຖະກິດ-ສັງຄົມ

แชร์