ເຂື່ອນນໍ້າກົງປະຕິບັດໜ້າທີ່ວຽກມີຄວາມຄືບໜ້າ

  ວັນທີ 11 ກໍລະກົດ 2020 ທ່ານ ຄໍາມະນີ ອິນທິລາດ ລັດຖະມົນຕີກະຊວງພະລັງງານ ແລະບໍ່ແຮ່ພ້ອມຄະນະນຳໄດ້ລົງມາຕິດຕາມ ແລະຊຸກຍູ້ບາງບັນຫາກ່ຽວກັບໂຄງການກໍ່ສ້າງເຄື່ອນຜະລິດພະລັງງານໄຟຟ້າຂອງບໍລິສັດຈະເລີນເຊກອງພະລັງງານຈຳກັດເຊັ່ນ: ເຂື່ອນໄຟຟ້ານໍ້າກົງ 1, ນໍ້າກົງ 2 ແລະ ໂຄງການທີ່ຢູ່ໃນຊ້ວງການດຳເນີນການກໍ່ສ້າງເຂື່ອນໄຟຟ້ານໍ້າກົງ 3 ຢູ່ເມືອງພູວົງ ແຂວງອັດຕະປື.

 ຮ່ວມເປັນຄະນະເດີນທາງລົງເຄື່ອນໄຫວໃນຄັ້ງນີ້ມີທ່ານ ເລັດ ໄຊຍະພອນ ເຈົ້າແຂວງ, ທ່ານ ຈັນທະໜອມ ພົມມະນີປະທານບໍລິສັດຈະເລີນເຊກອງພະລັງງານ ຈຳກັດ ພ້ອມດ້ວຍຄະນະນຳກ່ຽວຂ້ອງຈຳນວນໜຶ່ງໂຄງການເຂື່ອນໄຟຟ້ານໍ້າຕົກນໍ້າກົງ 2 ແມ່ນໄດ້ກໍ່ສ້າງສຳເລັດເປັນທີ່ຮຽບຮ້ອຍແລ້ວສາມາດຜະລິດກະແສໄຟໄດ້ປົກກະຕິຈຳ ໜ່າຍພາຍໃນ ແລະຕ່າງປະເທດເຂື່ອນໄຟຟ້ານໍ້າກົງ 3 ແມ່ນຢູ່ໄລຍະການກໍ່ສ້າງມີຄວາມຄືບໜ້າ 80% ແລະ ຈະໃຫ້ສຳເລັດການກໍ່ສ້າງໃນປີ 2020; ການລົງມາເຄື່ອນໄຫວຢ້ຽມຢາມຂອງລັດຖະມົນຕີພ້ອມຄະນະໃນເທື່ອນີ້ແມ່ນໄດ້ໄປເບິ່ງຈຸດເຂດອ່າງເກັບກັກນໍ້າໜ້າເຂື່ອນນໍ້າກົງ 1, ເຮືອນຈັກບ່ອນຜະລິດກະແສໄຟຟ້ານໍ້າກົງ 2; ນໍ້າກົງ 3 ແມ່ນຈຸດເຂດການກໍ່ສ້າງໜ້າເຂື່ອນ ແລະກໍ່ໄດ້ຮັບຟັງການລາຍງານຄວາມຄືບໜ້າຂອງການດຳເນີນໂຄງການກໍ່ສ້າງຈາກຄະນະຮັບຜິດຊອບໂດຍຫຍໍ້ຈຳນວນໜຶ່ງ.

  ທ່ານ ຄໍາມະນີ ອິນທິລາດ ລັດຖະມົນຕີກະຊວງພະລັງງານ ແລະບໍ່ແຮ່ໄດ້ຍົກໃຫ້ເຫັນວ່າມາເຖິງປະຈຸບັນຄວາມຄືບໜ້າຂອງໂຄງການປະຕິບັດ 80% ແລະ ເປັນການຈັດຕັ້ງປະຕິບັດທີ່ມີຄວາມເອົາໃຈໃສ່ ແລະຮັບປະກັນທີ່ສຸດຊຶ່ງກະຊວງພະລັງງານແລະບໍ່ແຮ່ໄດ້ຊຸກຍູ້ໃຫ້ບັນດາກົມລົງມາໃກ້ສິດຕິດຕາມເປັນປົກກະຕິໂດຍຖືເອົາບົດຮຽນທີ່ໄດ້ມີມານັ້ນສາມາດໃຫ້ເຂື່ອນທີ່ໄດ້ຮັບການກໍ່ສ້າງຢູ່ແຕ່ລະແຫ່ງນັ້ນຕ້ອງຮັບປະກັນຄວາມປອດໄພທີ່ສຸດອະນາຄົດກະຊວງດັ່ງກ່າວຈະມີການປ່ຽນຊື່ຈາກກົມຄຸ້ມຄອງພະ ລັງງານມາເປັນກົມຄຸ້ມຄອງຄວາມປອດ ໄພຂອງເຂື່ອນ ແນໃສ່ຮັບປະກັນຄວາມ ປອດໄພທາງດ້ານພົນກະທົບສິ່ງແວດລ້ອມທາງສັງຄົມສະແດງໃຫ້ເຫັນເຖິງຄວາມເອົາໃຈໃສ່ຂອງພັກ-ລັດຖະບານພວກເຮົາທີ່ໄດ້ເຮັດໃຫ້ປະຊາຊົນລາວບັນດາເຜົ່າຫຼຸດພົ້ນອອກຈາກຄວາມທຸກຍາກພາຍໃນປີ 2020 ສະນັ້ນການມີແຫຼ່ງພະລັງງານໄຟຟ້າທີ່ອຸ ດົມສົມບູນນັ້ນຖືວ່າເປັນຈຸດໄດ້ປຽບຫຼາຍທີ່ສຸດໃນການເອື້ອອໍານວຍຄວາມສະດວກໃຫ້ການພັດທະນາແບບຍືນຍົງໂດຍນັກທຸລະກິດຕ່າງປະເທດຈະເຂົ້າມາລົງທຶນສ້າງໂຮງຈັກໂຮງານ, ເຂດອຸດສາຫະກໍາໜັກ-ເບົາ, ໂຮງແຮມ, ສະຖານທີ່ບໍລິການ ແລະ ອື່ນໆ ນັ້ນກໍຕ້ອງມີແຫຼ່ງພະລັງງານໄຟຟ້າສາມາດຕອບສະໜອງຄວາມຕ້ອງການເຂົາ ເຈົ້າໃຫ້ພຽງພໍ.

______________

แชร์