ຊົນເຢຈິນ ຖືກທາບທາມໃຫ້ສະແດງຮູບເງົາຮອນລີວູດ

 ແຫຼ່ງຂ່າວໃນວົງການຮູບ ເງົາລະບຸໃນວັນທີ 6 ກໍລະກົດທີ່ ຜ່ານມາວ່າ ຊົນເຢຈິນ ແລະອີຊອນຄະຢູ ໄດ້ຮັບທາບທາມໃຫ້ຮ່ວມສະແດງໃນຮູບເງົາຮອນລີວູດເລື່ອງ Cross ຊຶ່ງມີໂອກາດທີ່ຈະໄດ້ຮ່ວມ ງານກັບ Sam Worthington ເປັນທີ່ຮູ້ຈັກໃນຮູບເງົາເລື່ອງດັງ Avatar.

 Cross ເປັນຮູບເງົາທີ່ມີສາກ ຫຼັງເປັນໂລກອະນາຄົດໃນປະເທດທີ່ມີຫຼາຍເຊື້ອຊາດແບ່ງອອກເປັນສອງປະເທດຕາມເຂດແດນ ຊຶ່ງຈະເລົ່າເລື່ອງລາວຂອງກຸ່ມຄົນທີ່ຕິດຢູ່ລະຫວ່າງ 2 ປະເທດ ໂດຍ ປະເທດໜຶ່ງເປັນປະເທດທີ່ມີຄວາມ ມັ່ງຄັ່ງຮັ່ງມີໃນອີກຝາກຝັ່ງໜຶ່ງ ເປັນປະເທດທີ່ທຸກຍາກຜົນງານ ນີ້ຈະກຳກັບໂດຍ Andrew Niccol ຊຶ່ງເປັນທີ່ຮູ້ຈັກຈາກຜົນງານຮູບ ເງົາເລື່ອງ In Time, The Host. ຊົນເຢຈິນ ພິຈາລະນາຮັບບົດເວຣ່າ ຍິ່ງສາວຜູ້ເຂັ້ມແຂງທີ່ອາໄສຢູ່ໃກ້ ຊາຍແດນປະເທດທຸກຍາກຫຼັງ ຈາກສາມີລາວເສຍຊີວິດລະຫວ່າງ ພະຍາຍາມຫຼົບໜີຂ້າມຊາຍແດນ ເວຣ່າລ້ຽງດູລູກຊາຍພຽງລໍາພັງ, ອີຊອນຄະຢູນ ພິຈາລະນາຮັບບົດ ກີດຽນ ຫົວໜ້າຜູ້ປົກປ້ອງຊາຍ ແດນທີ່ມີອຳນາດ ແລະມີຊື່ສຽງ, ຂະນະທີ່ຕົ້ນສັງກັດຂອງອີຊອນຄະຢູນເປີດເຜີຍວ່າກຳລັງພິຈາລະນາ ຂໍ້ສະເໜີຢູ່ ຊຶ່ງຍັງບໍ່ໄດ້ມີການຕັດສິນໃຈ, ລາຍງານເບື້ອງຕົ້ນລະບຸ ວ່າຮູບເງົາເລື່ອງນີ້ຈະເລີ່ມຕົ້ນຖ່າຍ ທຳໃນ ສ.ເກົາຫຼີໃນເດືອນມີນາປີ 2021 ແຟນໆອົດໃຈລໍຖ້າຕິດຕາມ ຂ່າວຄວາມຄືບໜ້າຜົນງານນີ້ກັນ ເດີ.

--------

ຮຽບຮຽງໂດຍ: ແກ້ວ

 

แชร์