ມອບ-ຮັບ ຄອມພິວເຕີ ຮັບໃຊ້ໂຄງການສົ່ງເສີມການສຶກສາແບບຍືນຍົງເປົ້າໝາຍ 4

   ວັນທີ 6 ກໍລະກົດ 2020 ທີ່ພະແນກສຶກສາທິການ ແລະກີລາ ແຂວງໄຊຍະບູລີ ໄດ້ຈັດພິທີມອບ-ຮັບອຸປະກອນຄອມພິວເຕີຮັບໃຊ້ໂຄງການສົ່ງເສີມການສຶກສາແບບຍືນຍົງເປົ້າໝາຍ 4 ງົບປະມານຊ່ວຍເຫຼືອລ້າຈາກໂຄງການອຸຍແນສໂກລາວ-ເກົາຫຼີໃຫ້ຂະແໜງການສຶກສານອກໂຮງຮຽນພະແນກສຶກສາທິການ ແລະກີລາແຂວງໄຊຍະບູລີອຸປະກອນທີ່ນຳມາມອບໃນຄັ້ງນີ້ປະກອບມີ: ຄອມພິວເຕີຕັ້ງໂຕະ 1 ໜ່ວຍ, ປິ່ນເຕີ 1 ໜ່ວຍມູນຄ່າທັງໝົດ 5 ລ້ານກວ່າກີບ.

  ໂດຍໃຫ້ກຽດມອບຂອງທ່ານ ນາງ ທອງແດງ ສົມຈັນມະວົງ ຮອງເລຂາຄະນະກຳມາທິການແຫ່ງຊາດລາວເພື່ອອຸຍແນສໂກພ້ອມດ້ວຍທີມງານ ແລະໃຫ້ກຽດຕ່າງໜ້າຮັບໂດຍທ່ານ ບຸນເພັງ ມາຖາ ຮອງຫົວໜ້າພະແນກສຶກສາທິການ ແລະກີລາແຂວງໄຊຍະບູລີ ພ້ອມດ້ວຍຂະແໜງການທີ່ກ່ຽວຂ້ອງຊຶ່ງທ່ານເອງກໍ່ໄດ້ສະແດງຄວາມຂອບອົກຂອບໃຈຕໍ່ທີມງານອຸຍແນສໂກປະຈຳລາວ-ເກົາຫຼີ ໄດ້ນຳເອົາອຸປະກອບຄອມພິວເຕີມາມອບໃຫ້ໃນຄັ້ງນີ້ ແລະ ໃຫ້ຄຳໝັ້ນສັນຍາວ່າຈະປົກປັກຮັກສາ ແລະ ນຳໃຊ້ເຂົ້າວຽກງານວິຊາສະເພາະກໍ່ຄືວຽກງານການສຶກສາຂອງຕົນໃຫ້ໄດ້ຮັບຜົນດີຈາກນັ້ນທີມງານຍັງຈະໄດ້ລົງມອບໃຫ້ຫ້ອງການສຶກສາທິການ ແລະກີລາເມືອງໄຊຍະບູລີ ແລະເມືອງໄຊສະຖານ.

___________

ໂດຍ: ນາລີ ແພງວິໄລ

แชร์