ມຕ ດອນຄູນ ເມືອງຮ້ຽມ ເປັນໂຮງຮຽນປອດຢາເສບຕິດ 5 ສົກຮຽນຕິດຕໍ່ກັນ

  ເມື່ອບໍ່ດົນມານີ້ທີ່ໂຮງຮຽນ ມຕ ດອນຄູນໄດ້ຈັດພິທີປະກາດໂຮງຮຽນ ມຕ ດອນຄູນປອດຢາເສບຕິດ 5 ສົກຮຽນຕິດຕໍ່ກັນ (2014-2019) ຂຶ້ນຢ່າງເປັນທາງການພາຍໃຕການເປັນປະທານຂອງທ່ານ ທອງຄໍາ ຫງຽນມະລົມ ຮອງເຈົ້າເມືອງໆຮ້ຽມຜູ້ຊີ້ນຳຂົງເຂດເສດຖະກິດ ແລະວັດທະນະທຳສັງຄົມ, ຊຶ່ງມີບັນດາທ່ານຮອງຫົວໜ້າຫ້ອງການສຶກສາທິການ ແລະກີລາເມືອງ, ຫົວໜ້າຄະນະອຳນວຍການໂຮງຮຽນ, ແຂກຖືກເຊີນ, ອົງການປົກຄອງບ້ານ, ຄະນະພັດທະນາການສຶກສາຂັ້ນບ້ານ, ຄູ-ອາ ຈານ ແລະນັກຮຽນເຂົ້າຮ່ວມ.

  ໃນພິທີໄດ້ຮັບຟັງການຜ່ານຂໍ້ຕົກລົງຂອງພະແນກສຶກສາທິການ ແລະກີລາແຂວງວ່າດ້ວຍການຈັດຕັ້ງພິທີປະກາດໂຮງຮຽນມັດທະຍົມສຶກສາປອດຢາເສບຕິດ 3 ສົກຮຽນຕິດຕໍ່ກັນ 2016-2019 ແລະ5 ສົກຮຽນຕິດຕໍ່ກັນ 2014-2019, ຜ່ານບົດສະຫຼຸບການຈັດຕັ້ງປະຕິບັດການສ້າງໂຮງຮຽນປອດຢາເສບຕິດ 5 ສົກຮຽນຕິດ ຕໍ່ກັນທີ່ຜ່ານມາກໍມີດ້ານດີ, ດ້ານ ອ່ອນຄົງຄ້າງ ແລະວາງທິດທາງ ແຜນການໃນສົກປີ 2020-2021 ພ້ອມທັງຜ່ານຂໍ້ຕົກລົງວ່າດ້ວຍການຢັ້ງຢືນໂຮງຮຽນຊັ້ນປະຖົມ ແລະມັດທະຍົມສຶກສາປອດຢາເສບຕິດປະຈໍາສົກຮຽນ 2018-2019.

 ຈາກນັ້ນທ່ານ ອຳໄພ ຈັນທະວົງ ອຳນວຍການໂຮງຮຽນ ມຕ ດອນຄູນກໍ່ໄດ້ຂຶ້ນຮັບໃບຍ້ອງຍໍຂອງທ່ານຫົວໜ້າພະແນກສຶກສາທິການ ແລະກີລາແຂວງ ແລະອຸປະກອນກີລາຈຳນວນໜຶ່ງເປັນກຽດມອບໂດຍທ່ານ ແສງພອນ ບຸນມະນີຈັນ ຮອງຫົວໜ້າຫ້ອງການສຶກສາທິການ ແລະ ກີລາເມືອງພ້ອມທັງຮັບໃບຢັ້ງຢືນພ້ອມກັບທຸງໄຊເປັນກຽດມອບໂດຍທ່ານ ທອງຄຳ ຫງຽນມະລົມ ຮອງເຈົ້າເມືອງຜູ້ຊີ້ນຳດ້ານຂົງເຂດເສດຖະກິດ ແລະວັດທະນະທຳ-ສັງຄົມ.

  ໂອກາດນີ້ທ່ານ ທອງຄຳ ຫງຽນ ມະລົມ ຮອງເຈົ້າເມືອງຜູ້ຊີ້ນຳດ້ານຂົງເຂດເສດຖະກິດ ແລະວັດທະນະທຳ-ສັງຄົມ ກໍ່ໄດ້ໂອ້ລົມ ແລະ ເນັ້ນບາງບັນຫາຕໍ່ບັນດາຄູ-ອາ ຈານຕ້ອງສືບຕໍ່ເອົາໃຈໃສ່ເຮັດ ວຽກງານການເມືອງແນວຄິດໃຫ້ ແກ່ຄູ-ອາຈານ ແລະນັກຮຽນໃຫ້ ມີແນວຄິດອຸ່ນອຽນທຸ່ນທ່ຽງຕໍ່ໝ້າ ທີ່ວຽກງານ, ມີຈິດໃຈບຸກທະລຸສິ່ງ ທີ່ອຸດຕັນດັ່ງກ່າວຜ່ານໄປໃຫ້ມັນ ໄດ້, ມີຄວາມຮັບຜິດຊອບສູງຕໍ່ໝ້າ ທີ່ວຽກງານ, ມີຄວາມເປັນເອກະພາບກັນພາຍໃນໝູ່ຄະນະ, ມີຄວາມສາມັກຄີປອງດອງຊ່ວຍເຫຼືອເຊິ່ງກັນ ແລະກັນ, ປັບປຸງແບບແຜນວິທີເຮັດວຽກຂອງຜູ້ບໍລິຫານໂຮງຮຽນ, ຄູ-ອາຈານ, ໝູນໃຊ້ວິທີເຮັດວຽກຫຼາຍຮູບ, ຫຼາຍແບບເຂົ້າໃນ ການພັດທະນາໜ້າທີ່ວຽກ ງານວິຊາສະເພາະ, ພັດທະນາໂຮງຮຽນໃຫ້ມີບົດບາດອັນໃໝ່ມີການພັດທະນານັບມື້ນັບດີຂຶ້ນເລື້ອຍໆ,ສືບຕໍ່ຮັກສາມູນເຊື້ອໂຮງຮຽນປອດຢາເສບຕິດໄວ້ໃຫ້ໝັ້ນຄົງຈັດຕັ້ງປະຕິບັດ ແລະເຄື່ອນໄຫວໜ້າທີ່ວຽກງານຕາມ 3 ຫຼັກສະນະ 5 ຫຼັກມູນຂອງກະຊວງສຶກສາວາງອອກໃຫ້ປາກົດຜົນປັນຈິງເອົາໃຈໃສ່ຕ້ານ ແລະສະກັດກັ້ນປາກົດການຫຍໍ້ທໍ້ຕ່າງໆຢູ່ພາຍໃນໂຮງຮຽນໃຫ້ມີຄວາມສະຫງົບປອດໄພ.

แชร์