ຊາວໜຸ່ມໂຮງຮຽນການເມືອງ ແລະການປົກຄອງອຸດົມໄຊຮັບທຸງໄຊ 4 ບຸກ

ພິທີມອບທຸງໄຊນໍາໜ້າຂະບວນການ 4 ບຸກ ໃຫ້ກັບຊາວໜຸ່ມໜ່ວຍຮາກຖານໂຮງຮຽນການເມືອງ ແລະການປົກຄອງແຂວງອຸດົມໄຊໄດ້ຈັດຂຶ້ນໃນຕອນບ່າຍວັນທີ 2 ກໍລະ ກົດ 2020 ທີ່ຫ້ອງປະຊຸມຂອງຕົນໂດຍການເປັນປະທານຂອງ ທ່ານ ອຸ່ນຫຼ້າມະນີ ຈັນທະວົງ ຄະນະບໍລິຫານງານຊາວໜຸ່ມແຂວງ, ເລຂາຊາວໜຸ່ມໜ່ວຍຮາກ ຖານໂຮງຮຽນການເມືອງ ແລະການປົກຄອງແຂວງມີທ່ານ ຄຳແບ່ງ ຈັນມະນີ ຮອງເລຂາຄະນະບໍລິຫານງານຊາວໜຸ່ມແຂວງ, ທ່ານ ນາງສົມໃຈ ພົນທອງສີ ຮອງອໍາ ນວຍການໂຮງຮຽນການເມືອງ ແລະການປົກຄອງແຂວງ, ເລຂາໜ່ວຍຊາວໜຸ່ມອ້ອມຂ້າງ ແລະສະມາຊິກຊາວໜຸ່ມພາຍໃນໜ່ວຍຮາກຖານພະແນກແຜນການ ແລະການລົງທຶນເຂົ້າຮ່ວມ.

 ໃນພິທີໄດ້ຮັບຟັງການສະຫຼຸບຕີລາຄາຜົນສຳເລັດການເຄື່ອນ ໄຫວຈັດຕັ້ງປະຕິບັດວຽກງານຂອງຊາວໜຸ່ມໜ່ວຍຮາກຖານໂຮງຮຽນການເມືອງ ແລະການປົກຄອງແຂວງໃນຕະຫຼອດໄລຍະ 3 ປີຜ່ານມາ 2017-2019 ໂດຍສະເພາະແມ່ນວຽກງານຂະບວນການ 4 ບຸກເຊັນບຸກທາງດ້ານການເມືອງ-ແນວຄິດ,ດ້ານການຝຶກຝົນຫຼໍ່ຫຼອມ-ຮໍ່າຮຽນ, ດ້ານການຈັດຕັ້ງ ແລະ ບຸກດ້ານ ວຽກງານວິຊາຊີບ ແລະສ້າງວຽກເຮັດງານທຳ ຊຶ່ງ ຜົນງານ ແລະໄຊຊະນະດັ່ງກ່າວ ເຮັດໃຫ້ສະມາຊິກຊາວໜຸ່ມຈຳນວນ 13 ສະຫາຍ, ຍິງ 6 ສະຫາຍ ໄດ້ຮັບການຍ້ອງຍໍຈາກເລຂາ ຄະນະບໍລິຫານງານສູນກາງຊາວໜຸ່ມປະຊາຊົນປະຕິວັດລາວ, ໃຫ້ກຽດມອບໂດຍທ່ານ ນາງ ສົມໃຈ ພົນທອງສີຮອງອຳນວຍການໂຮງຮຽນການເມືອງ ແລະການປົກຄອງແຂວງລວມທັງເຮັດໃຫ້ຊາວໜຸ່ມປະຊາຊົນປະຕິວັດລາວໜ່ວຍຮາກຖານໂຮງຮຽນການເມືອງ ແລະ ການປົກ ຄອງແຂວງອຸດົມໄຊ ໄດ້ຮັບທຸງໄຊນຳໜ້າຂະບວນການ 4 ບຸກຕື່ມອີກ ແລະ ໃຫ້ກຽດມອບໂດຍ ທ່ານ ຄຳແບ່ງ ຈັນມະນີຮອງເລຂາຄະນະບໍລິຫານງານຊາວໜຸ່ມແຂວງ ແລະຮັບໂດຍທ່ານ ອຸ່ນຫຼ້າມະນີ ຈັນທະວົງ ຄະນະບໍລິຫານງານຊາວໜຸ່ມແຂວງ, ເລຂາຊາວໜຸ່ມຫນ່ວຍຮາກຖານໂຮງຮຽນການເມືອງ ແລະການປົກຄອງແຂວງອຸດົມໄຊ ພ້ອມດ້ວຍຄະນະ.

  ໂອກາດດັ່ງກ່າວສະຫາຍ ຄໍາແບ່ງ ຈັນມະນີ ຮອງເລຂາຄະນະບໍລິຫານງານຊາວໜຸ່ມແຂວງໄດ້ໂອ້ລົມຕໍ່ພິທີເບື້ອງຕົ້ນໄດ້ຍ້ອງຍໍ, ຊົມເຊີຍຕໍ່ກັບຜົນສຳເລັດທີ່ຊາວໜຸ່ມໜ່ວຍຮາກຖານໂຮງຮຽນການເມືອງ ແລະການປົກຄອງຍາດມາໄດ້ພ້ອມທັງເນັ້ນໜັກໃຫ້ສະມາຊິກຊາວໜຸ່ມຮັບຮູ້, ເຂົ້າໃຈພາລະບົດບາດ, ສິດ, ໜ້າທີ່, ລະບຽບ, ຫຼັກການຕ່າງໆ ກ່ຽວກັບວຽກງານຊາວໜຸ່ມ ແລະ ພ້ອມກັນສືບຕໍ່ສ້າງຜົນງານໃຫ້ຕໍ່ເນື່ອງ, ແນ່ໃສ່ເຮັດໃຫ້ວຽກງານຂະບວນການ 4 ບຸກຂອງຊາວໜຸ່ມແຂວງອຸດົມໄຊ ມີບາດກ້າວຂະຫຍາຍຕົວ ແລະມີຜົນສຳເລັດຕາມລະດັບຄາດໝາຍ. 

 

แชร์