ໄຊຈຳພອນ ສຳເລັດການດຳເນີນກອງປະຊຸມຄົບຄະນະບໍລິຫານງານພັກເມືອງ

  ກອງປະຊຸມຄົບຄະນະບໍລິຫານງານພັກເມືອງໄຊຈໍາພອນເປີດກວ້າງຄັ້ງທີ 2 ສະໄໝທີ III ໄດ້ໄຂຂຶ້ນໃນລະຫວ່າງວັນທີ 7-8 ກໍລະກົດຜ່ານມາພາຍໃຕ້ເປັນປະທານຂອງ ທ່ານ ໂກ່ ໄຊສົມບັດ ເລຂາຄະນະບໍລິຫານງານພັກເມືອງເຈົ້າເມືອງໄຊຈຳພອນ, ມີ ທ່ານ ບຸນຄໍາ ໄຊເຍຍລໍວື ຄະນະປະຈຳພັກແຂວງປະທານກວດກາພັກແຂວງບໍລິຄໍາໄຊ, ມີບັນດາຄະນະປະຈຳພັກເມືອງ, ກຳມະການພັກເມືອງ, ພະນັກງານຫຼັກແຫຼ່ງ ແລະເລຂາຄະນະພັກຮາກຖານທົ່ວເມືອງເຂົ້າຮ່ວມ.

  ກອງປະຊຸມຄັ້ງນີ້, ໄດ້ຕີລາຄາຄືນຜົນງານໃນການຈັດຕັ້ງປະຕິບັດວຽກງານໃນໄລຍະ 6 ເດືອນ ຕົ້ນປີ ແລະທິດທາງແຜນການ 6 ເດືອນທ້າຍປີ 2020 ໂດຍເຫັນວ່າ ໃນທົ່ວເມືອງຍັງມີຄວາມເປັນລະບຽບຮຽບຮ້ອຍດີ, ສະພາບການເມືອງມີຄວາມໜັກແໜ້ນ,ສັງຄົມມີຄວາມສະຫງົບໂດຍພື້ນຖານ,ທາງດ້ານເສດຖະກິດມີການຂະຫຍາຍຕົວຕໍ່ເນື່ອງສາມາດເກັບລາຍຮັບເຂົ້າງົບປະມານໄດ້ 7,26 ຕື້ກີບ; ວຽກງານອຸດສາຫະກໍາ ແລະການຄ້າໄດ້ເອົາໃຈໃສ່ຄຸ້ມຄອງສິນຄ້າຕາມດໍາລັດ 474/ນຍ, ໄດ້ຕິດຕາມບັນດາໂຄງການກໍ່ສ້າງພື້ນຖານໂຄງລ່າງຂອງເມືອງ, ໄດ້ຊຸກຍູ້ປະຊາຊົນປູກພືດລະດູແລ້ງໃນເນື້ອທີ່ 400 ກວ່າເຮັກຕາຜົນຜະລິດໄດ້ 2 ພັນກວ່າໂຕນ ທຽບໃສ່ແຜນປີປະຕິບັດໄດ້ 100%,ໄດ້ເຝົ້າລະວັງການແຜນລະບາດພະຍາດໂຄວິດ-19 ແລະພະຍາດໄຂ້ຍຸງລາຍພ້ອມທັງເຜີຍແຜ່ເຊື່ອມຊຶມເອກະສານແຜນລະບາດພະຍາດດັ່ງກ່າວອີກດ້ວຍ. ກອງປະຊຸມຍັງໄດ້ແລກປ່ຽນຄຳຄິດເຫັນຖອດຖອນບົດຮຽນຮ່ວມກັນກັບບັນດາຂະແໜງການຕ່າງໆ ຕໍ່ກັບບົດສະຫຼຸບ ແລະ ທິດທາງແຜນການໂດຍສະເພາະແມ່ນວຽກງານຈຸດສຸມຈະຕ້ອງໄດ້ສືບຕໍ່ຈັດຕັ້ງໃຫ້ສຳເລັດຢ່າງຂາດຕົວເປັນຕົ້ນແມ່ນປະກົດການຫຍໍ້ທໍ້ຂໍ້ຂັດແຍ່ງຂອງສັງຄົມ, ບັນດາຢາເສດຕິດ, ຂີ້ລັກງັດແງະ, ບັນຫາທີ່ດິນ ແລະບັນຫາອື່ນໆ ພ້ອມກັນນັ້ນກອງປະຊຸມຍັງໄດ້ຮັບຮອງເອົາທິດທາງແຜນການ 6 ເດືອນທ້າຍປີ 2020 ຕື່ມອີກ.

   ທ່ານ ວັນໄຊ ເຫຽຍຈັນທະຈອນ ຮອງຄະນະຈັດຕັ້ງແຂວງໄດ້ຜ່ານຂໍ້ຕົກລົງຂອງທ່ານເຈົ້າແຂວງບໍລິຄຳໄຊວ່າດ້ວຍການແຕ່ງຕັ້ງຮອງເຈົ້າເມືອງໃນນັ້ນແຕ່ງຕັ້ງທ່ານ ກອງສີ ໄຊຍະວົງ ຄະນະປະ ຈຳພັກເມືອງເປັນຮອງເຈົ້າເມືອງຊີ້ນຳວຽກງານຂົງເຂດວັດທະນະທຳ-ສັງຄົມ, ແຕ່ງຕັ້ງ ທ່ານ ຄຳໄຊ ຕຸລາລົມ ກຳມະການພັກເມືອງເປັນຮອງເຈົ້າເມືອງຊີ້ນຳຂົງເຂດເສດຖະກິດ.

  ຈາກນັ້ນ ທ່ານ ໄມອ່ອນ ຈວງວິໄຊ ຮອງຄະນະຈັດຕັ້ງເມືອງຂຶ້ນຜ່ານຂໍ້ຕົກລົງຂອງເຈົ້າເມືອງວ່າດ້ວຍການຍົກຍ້າຍ, ແຕ່ງຕັ້ງຫົວໜ້າ, ຮອງຫົວໜ້າຫ້ອງການອ້ອມ ຂ້າງເມືອງທັງໝົດ 25 ທ່ານ, ຍິງ 2 ທ່ານຄື: 1) ທ່ານ ສ້ອຍມະນີ ຈັນເນັ່ງປ່າວ ປະທານແນວລາວສ້າງຊາດເມືອງໄປເປັນປະທານອົງການກວດກາລັດເມືອງ, 2) ທ່ານ ບຸນພອນ ເລີດບຸດດີ ປະທານອົງ ການກວດກາລັດເມືອງໄປເປັນປະທານແນວລາວສ້າງຊາດເມືອງ, 3) ທ່ານ ສົມແພງ ໄຊມູນແກ້ວ ຫົວໜ້າຫ້ອງການແຮງງານ ແລະສະຫວັດດີການສັງຄົມເມືອງໄປເປັນຫົວໜ້າຄະນະໂຄສະນາ-ອົບຮົມເມືອງ, 4) ທ່ານ ພິສິດ ອິນບຸນພອນ ຫົວໜ້າຫ້ອງການພາຍໃນເມືອງໄປເປັນຫົວໜ້າຄະນະຈັດຕັ້ງເມືອງ, 5 ທ່ານ ຄູນ ໄຊຍະທິຈັກ ຫົວໜ້າໂຄສະນາ-ອົບຮົມເມືອງໄປເປັນເລຂາຄະນະພັກຮາກຖານກຸ່ມບ້ານນຳ້ອ້ອນ, 6) ທ່ານ ເກດ ແສງຄຳຢອງ ຫົວໜ້າຄະ ນະຈັດຕັ້ງເມືອງໄປເປັນຫົວໜ້າຫ້ອງການພາຍໃນເມືອງ, 7) ທ່ານ ບຸນ ຄໍາ ໄຊເຈ່ຍທົ່ງວື່ ປະທານສະຫະພັນກຳມະບານເມືອງໄປເປັນເລຂາຄະນະພັກຮາກຖານກຸ່ມບ້ານເມືອງຈຳ, 8) ທ່ານ ນາງ ອຸໄລວັນ ຈິນດາວົງ ກໍາມະການພັກເມືອງເປັນປະທານສະຫະພັນກຳມະບານເມືອງ, 9) ທ່ານ ບຸນຍັງ ວົງວິໄຊ ຮອງປະທານອົງການກວດກາລັດເມືອງໄປເປັນເລຂາຄະນະບໍລິຫານງານຊາວໜຸ່ມເມືອງ, 10) ທ່ານ ສີພັນ ໄຊສົມບູນ ຫົວໜ້າຫ້ອງວ່າການເມືອງໄປເປັນຫົວໜ້າຫ້ອງການແຮງານ ແລະສະຫວັດດີການສັງຄົມເມືອງ, 11) ທ່ານ ຈັນໂທ ວົງສະຫວັນ ຮອງຫົວໜ້າຫ້ອງວ່າການເມືອງຂຶ້ນເປັນຫົວໜ້າຫ້ອງວ່າການເມືອງ, 12) ທ່ານ ເພັດສະໝອນ ເພັດວົງສັກ ຜູ້ອໍານວຍການໂຮງຮຽນ ມສ ໂພນສີ ໄປເປັນຫົວໜ້າຫ້ອງການສຶກສາທິການ ແລະກີລາເມືອງ, 13) ທ່ານ ອ່ອນຕໍ້ ເທບຄຳເຮືອງ ຫົວໜ້າຫ້ອງການສຶກສາທິ ການ ແລະ ກີລາເມືອງຍົກຍ້າຍໄປປະຈຳການຢູ່ຫ້ອງການສຶກສາທິການ ແລະກີລາເມືອງຄຳເກີດ, 14) ທ່ານ ສໍາລານ ໄຊເພັດສຸວັນ ຮອງຫົວໜ້າຫ້ອງການແຜນການ ແລະການ ລົງທຶນເມືອງຂຶ້ນວ່າການຫົວໜ້າຫ້ອງການແຜນການ ແລະການລົງ ທຶນເມືອງ, 15) ທ່ານ ກິ ຄໍາວົງສາ  ຮອງຫົວໜ້າຫ້ອງວ່າການປົກຄອງເມືອງໄປເປັນຫົວໜ້າສູນສະຖິຕິປະຈຳເມືອງ, 16) ທ່ານ ພັດທະສິດ ແສງທິສານ ຫົວໜ້າໜ່ວຍງານຄົ້ນຄວ້າສັງລວມວຽກພັກຂຶ້ນເປັນຮອງຫົວໜ້າຫ້ອງວ່າການປົກຄອງ ເມືອງ, 17) ທ່ານ ໄມວັນ ໄຊຍະພຸດ ຫົວໜ້າໜ່ວຍງານພົວພັນຕ່າງປະເທດໄປເປັນຮອງປະທານສະຫະພັນກຳມະບານເມືອງ, 18) ທ່ານ ເຄນໝັ້ນ ແກ້ວມະນີ ຫົວໜ້າ ໜ່ວຍງານບໍລິຫານຫ້ອງການສຶກສາທິການ ແລະ ກີລາເມືອງຂຶ້ນເປັນຮອງຫົວໜ້າຫ້ອງການສຶກສາທິການ ແລະ ກີລາເມືອງ, 19) ທ່ານ ຝົນ ໄຊຍະລາດ ຫົວໜ້າໜ່ວຍງານປ່າໄມ້ຂຶ້ນເປັນຮອງຫົວໜ້າຫ້ອງການກະສິກຳ ແລະ ປ່າໄມ້ເມືອງ, 20) ທ່ານ ບຸນລ້ຽງ ຫຼວງຜ່ານ ເລຂາຄະນະບໍລິຫານງານຊາວໜຸ່ມເມືອງໄປເປັນຮອງຫົວໜ້າຫ້ອງວ່າການເມືອງ, 21) ທ່ານ ກອນສີ ຈູມລີວົງ ຮອງຫົວໜ້າຫ້ອງວ່າການເມືອງໄປເປັນຮອງປະທານອົງການກວດກາລັດເມືອງ, 22) ທ່ານ ສົມຫວັງ ກົວຈະເຫີເມົ່າວ່າງຮອງປະທານກໍາມະບານໄປເປັນຮອງປະທານກວດກາພັກເມືອງ, 23) ທ່ານ ໄຂ ແສງມະນີ ຫົວໜ້າໜ່ວຍງານບໍລິຫານຂຶ້ນເປັນຮອງຫົວໜ້າຄະນະໂຄ ສະນາອົບຮົມເມືອງ, 24) ທ່ານ ນາງ ຫອມຈັນ ຈັນມະນີ ຮອງປະທານແນວລາວສ້າງຊາດໄປເປັນຮອງຄະນະຈັດຕັ້ງເມືອງ, 25) ທ່ານ ວັນທອງ ໂພຈັນຄໍາ ພະນັກ ງານວິຊາການຊາວໜຸ່ມເມືອງມາປະຈຳການຢູ່ໜ່ວຍງານຄົ້ນຄວ້າສັງລວມວຽກພັກຫ້ອງວ່າການເມືອງ.

 ທ້າຍກອງປະຊຸມ ທ່ານ ບຸນຄຳ ໄຊເຍຍລໍວື່ ໄດ້ຍ້ອງຍໍຕໍ່ຜົນສຳເລັດ ແລະຜົນງານທີ່ທຸກພາກສ່ວນຍາດມາໄດ້, ພ້ອມກັນນັ້ນກໍ່ໄດ້ຮຽກຮອ້ງມາຍັງບັນດາຜູ້ທີ່ຖືກແຕ່ງຕັ້ງ ແລະ ຮັບໜ້າທີ່ໃໝ່ຕ້ອງສະຫຼຸບວຽກງານໃຫ້ລະອຽດເພື່ອມອບຕາມພາລະບົດບາດ, ຫຼັກການເພື່ອພ້ອມກັນວາງແຜນຖອດຖອນບົດຮຽນໃນການຈັດຕັ້ງປະຕິບັດວຽກ ງານທີ່ຖືກມອບຫມາຍພ້ອມກັນນັ້ນຕ້ອງເພີ່ມຄວາມສາມັກຄີພາຍໃນເປັນເອກະພາບທຸກວຽກງານເພື່ອຂໍຄຳຄິດເຫັນ ແລະໃຫ້ທິດຊີ້ນຳໃນການຈັດຕັ້ງປະຕິບັດໃຫ້ໄດ້ຮັບຜົນສຳເລັດເທື່ອລະກ້າວ.

___________

ຂຽນໂດຍ: ກອນສີ ຈູມລີວົງ, ໜັງສືພິມເສດຖະກິດ-ສັງຄົມ

แชร์