ຫົງສາຈັບກຸ່ມແກ້ງຄ້າຂາຍຢາເສບຕິດ 8 ຄົນ

  ບັນຫາຢາເສບຕິດເປັນໄພຂົ່ມຂູ່ເປັນປາກົດການຫຍໍ້ທໍ້ໃນສັງຄົມໃນປະຈຸບັນ, ເມື່ອບຸກຄົນໃດຫາກມີການກະທຳຜິດເຊັ່ນວ່າຄ້າຂາຍ-ເສບ, ເມື່ອເຈົ້າໜ້າທີ່ຈັບໄດ້ກໍ່ຕ້ອງປະຕິບັດຕາມກົດໝາຍທີ່ວາງໄວ້.

 ດັ່ງໃນວັນທີ 1 ກໍລະກົດ 2020 ທີ່ກອງບັນຊາການ ປກສ ເມືອງ ເຈົ້າໜ້າທີ່ ປກສ ເມືອງຫົງສາ ແຂວງໄຊຍະບູລີໄດ້ນໍາເອົາຜູ້ຖືກຫາການຄ້າຂາຍ, ມີໄວ້ໃນຄອບຄອງ (ຢາບ້າ) ຈຳນວນ 8 ຄົນ ມາຮັບສາລະພາບ, ສ່ວນການສັງລວມຄໍາໃຫ້ການໂດຍຫຍໍ້ຜູ້ຖືກຫາທັງ 8 ຄົນ ໄດ້ໃຫ້ຄຳສາລະພາບ, ທ້າວ ອູທໍ່ ອາຍຸ 29 ປີອາຊີບຊາວສວນເຊື້ອຊາດລາວສັນຊາດລາວ, ເຜົ່າມົ້ງ, ປະຈຸບັນຢູ່ບ້ານນາປຸ່ງເມືອງຫົງສາ, ວັນທີ 17 ມິຖຸນາ 2020 ທາງເຈົ້າໜ້າທີ່ ປກສ ເມືອງໄດ້ກັກຕົວຜູ້ກ່ຽວຢູ່ບ້ານຈອມ ແຈ້ງເມືອງຫົງສາ ພ້ອມຢຶດຂອງ ກາງຢາບ້າຈໍານວນ 200 ເມັດ ຢາບ້າທີ່ນໍາມາຈາກບ້ານຜາແດງເມືອງເງິນ ແຂວງໄຊະບູລີ, ຕໍ່ມາເຈົ້າໜ້າທີ່ໄດ້ກວດຄົ້ນເຮືອນຂອງຜູ້ກ່ຽວພົບເຫັນຢາບ້າອີກ 1.860 ເມັດ, ທ້າວ ເງິນມາສຸວັນ ອາຍຸ 24 ປີ ອາຊີບຫວ່າງງານເຊື້ອຊາດລາວສັນຊາດລາວ, ເຜົ່າລາວປະຈຸບັນຢູ່ບ້ານສີບຸນເຮືອງ ເມືອງຫົງສາໃນວັນທີ 18 ມິຖຸນາ 2020 ເຈົ້າທີ່ ປກສ ໄດ້ກັກຕົວຜູ້ກ່ຽວຢູ່ຖຽງນາບ້ານແທ່ນຄໍາ ເມືອງຫົງສາ ພ້ອມຂອງກາງຢາບ້າ 217 ເມັດ, ຢາບ້ານໍາມາຂາຍແມ່ນເອົາຈາກ ທ້າວ ອູທໍ ບ້ານນາປຸ່ງ ເມືອງຫົງສາ ເພື່ອຊອກຈໍາໜ່າຍໃຫ້ກັບຜູ້ເສບຢູ່ບ້ານໄກ້ຄຽງ, ທ້າວ ໄຊ ແຊໂຄ ອາຍຸ 52 ປີ ອາຊີບ ກໍາມະກອນເຊື້ອຊາດລາວສັນຊາດລາວ, ເຜົ່າລາວ,ປະຈຸບັນຢູ່ບ້ານຈອມແຈ້ງເມືອງຫົງສາ ວັນທີ 8 ມິຖຸນາ 2020 ເຈົ້າໜ້າທີ່ໄດ້ຮັບແຫຼ່ງຂ່າວຈາກພົນລະເມືອງດີວ່າຜູ້ກ່ຽວໄດ້ເຄື່ອນໄຫວຄ້າຂາຍຢາເສບຕິດຢູ່ເຮືອນຜູ້ກ່ຽວເຈົ້າໜ້າທີ່ ສົມທົບອໍານາດການປົກຄອງບ້ານ ເຂົ້າກັກຕົວ ພ້ອມຍຶດຂອງກາງຢາ ບ້າໃນຈໍານວນ 164 ເມັດ, ຢາບ້ານໍາມາຂາຍແມ່ນເອົາຈາກທ້າວອູທໍບ້ານນາປຸ່ງ ເມືອງຫົງສາ ມາ ຂາຍຕໍ່ໃຫ້ໝູ່ເພື່ອນ ແລະບ້ານໄກ້ ຄຽງເພາະວ່າທັງ 3 ເປັນເຄືອຄ່າຍ ດຽວກັນ, ທ້າວ ເສີດ ຫອມດາ ອາ ຍຸ 38 ປີ, ອາຊີບຫວ່າງງານເຊື້ອຊາດລາວສັນຊາດລາວ, ເຜົ່າໄປ່ປະຈຸບັນຢູ່ບ້ານເສົາດຽວ ເມືອງໄຊ ສະຖານ ທ້າວ ເສີດ ຫອມດາ ໄດ້ເຄືອນໄຫວຊື້ຢາບ້ານຳທ້າວ ຈືເລົາ ຢູ່ບ້ານນາປຸ່ງເມືອງຫົງສາໄປຂາຍ ຕໍ່ໃຫ້ໜູ່ເພື່ອນບ້ານດຽວກັນຕົກມາຮອດວັນທີ 17 ມິຖຸນາ 2020 ເມື່ອເຈົ້າໜ້າທີ່ໄດ້ຮັບແຫຼ່ງຂ່າວຈຶ່ງກັກຕົວຜູ້ກ່ຽວຢູ່ທາງ 3 ແຍກບ້ານນາປຸ່ງ ເມືອງຫົງສາ ພ້ອມຂອງກາງຢາບ້າ 100 ເມັດ, ທ້າວ ຈືເລົາອາຍຸ 60 ປີ ອາຊີບຫວ່າງງານເຊື້ອຊາດລາວສັນຊາດລາວ, ເຜົ່າມົ້ງ, ປະຈຸບັນຢູ່ບ້ານນາປຸ່ງ ເມືອງຫົງສາ ວັນທີ 16 ມິຖຸນາ 2020 ທາງເຈົ້າໜ້າທີ່ໄດ້ກັກຕົວຢູ່ເສັ້ນທາງ 3 ແຍກນາປຸ່ງ ພ້ອມຂອງກາງຢາບ້າຈໍານວນ 100 ເມັດ, ທັງ2 ເປັນເຄືອຄ່າຍດຽວກັນ.

  ສ່ວນທ້າວ ທອງເລື່ອນ ທໍາມະວົງ ອາຍຸ 19 ປີ, ອາຊີບຫວ່າງງານເຊື້ອຊາດລາວສັນຊາດລາວເຜົ່າລາວ, ປະຈຸບັນຢູ່ບ້ານແທ່ນຄຳເມືອງຫົງສາເຈົ້າໜ້າທີ່ໄດ້ກັກຕົວວັນ ທີ 5 ມິຖຸນາ 2020 ຢູ່ເຮືອນຂອງນາງ ໜີ່ງ ບ້ານສີບຸນເຮືອງ ເມືອງຫົງສາ ພ້ອມຍຶດຂອງກາງຢາບ້າຈຳນວນ 64 ເມັດ, ໃນໄລຍະຜ່ານມາຜູ້ກ່ຽວໄດ້ໄປຊື້ຢາບ້ານໍາປະ ຊາຊົນຢູ່ບ້ານແທ່ນຄຳຈໍານວນ 200 ເມັດ ໃນລາຄາ 7 ແສນກີບ, ມາຂາຍຢູ່ຕາມບ້ານພ້ອມທັງເສບ, ທ້າວຄໍາພົນ ແສງທອງຄໍາ ອາຍຸ 24 ປີ, ອາຊີບຫວ່າງງານ, ເຊື້ອຊາດລາວສັນຊາດລາວປະຈຸບັນຢູ່ບ້ານແທ່ນຄໍາ ເມືອງຫົງສາ ໃນວັນທີ 18 ມິຖຸນາ 2020 ໄດ້ກັກຕົວຜູ້ກ່ຽວພ້ອມທັງຢຶດຂອງກາງຢາບ້າໃນຈໍານວນ 37 ເມັດ, ຜ່ານ ການສືບສວນສອບສວນແມ່ນສາລະພາບວ່າແມ່ນຂອງຕົນເອງແທ້ໃນໄລຍະຜ່ານມາຕົນເອງເຄີຍຊື້ ແລະ ເສບມາກ່ອນ, ສ່ວນ ທ້າວ ອຸດ ສີປະເສີດ ອາຍຸ 25 ປີ ອາຊີບ ຫວ່າງງານເຊື້ອຊາດລາວສັນຊາດລາວປະຈຸບັນຢູ່ບ້ານນາສ້ານ ເມືອງຫົງສາ ເຈົ້າໜ້າທີ່ຮູ້ກະແສຂ່າວຈຶ່ງໄດ້ກັກຕົວຜູ້ກ່ຽວ ແລະພ້ອມທັງຢຶດຂອງກາງຢາບ້າຈຳນວນ 20  ເມັດຢູ່ເສັ້ນທາງບ້ານນາສ້ານ ແລະບ້ານວຽງແກ້ວຢາບ້າແມ່ນຊື້ມານໍາຄົນບ້ານດຽວກັນ, ຜູ້ຖືກຫາທັງ 8 ຄົນ ແມ່ນມີຂໍ້ກ່າວຫາການຄ້າຂາຍ, ມີໄວ້ໃນຄອບຄອງປະເພດຢາບ້າແມ່ນມີຄວາມຜິດຕາມມາດຕາ 315 ຂອງປະມວນກົດໝາຍອາຍາ.

แชร์