ສພຂ ຈໍາປາສັກມອບເງິນອຸດໜູນເສຍຊີວິດໃຫ້ຄອບຄົວສະມາຊິກ

 ໃນທີ 6 ກໍລະກົດຜ່ານມາຢູ່ທີ່ຫ້ອງປະຊຸມສະພາປະຊາຊົນແຂວງຈໍາປາສັກ ໄດ້ມີພິທີມອບ-ຮັບເງິນອຸດໜູນເສຍຊີວິດໃຫ້ແກ່ຄອບຄົວທ່ານ ບຸນມາກ ທິບພະສອນ ອາດິດສະມາຊິກສະພາແຫ່ງຊາດເຂດເລືອກຕັ້ງທີ 15 ແຂວງຈໍາປາສັກ, ໂດຍການເຂົ້າຮ່ວມຂອງທ່ານ ບົວຮຽງ ວົງພົມ ຮອງເລຂາທິການສະພາປະຊາຊົນແຂວງຈໍາປາສັກ, ມີບັນດາທ່ານແຂກຜູ້ໃຫຍ່ທີ່ກ່ຽວຂ້ອງເຂົ້າຮ່ວມ.

  ໃນພິທີທ່ານຮອງເລຂາທິການສະພາປະຊາຊົນແຂວງຈໍາປາສັກໄດ້ຜ່ານຂໍ້ຕົກລົງວ່າດ້ວຍການອະນຸມັດເງິນອຸດໜູນເສຍຊີວິດຂອງທ່ານ ບຸນມາກ ທິບພະສອນ ອະດິດສະມາຊິກສະພາແຫ່ງຊາດປະຈໍາເຂດເລືອກຕັ້ງທີ15 ແຂວງຈໍາປາສັກ ພ້ອມໄດ້ຕາງໜ້າໃຫ້ສະພາປະຊາຊົນແຂວງມອບເງິນອຸດໜູນເສຍຊີວິດໃຫ້ແກ່ຄອບຄົວທ່ານ ບຸນ ມາກ ທິບພະສອນ ເປັນຈໍານວນເງິນທັງໝົດ 88 ລ້ານກວ່າກີບ ແລະຕາງໜ້າຮັບໂດຍທ່ານນາງ ມະໄລເພັດ ທິບພະສອນ (ລູກສາວ) ຂອງຜູ້ເສຍຊີວິດ.

  ພ້ອມດຽວກັນນີ້ທ່ານກໍໄດ້ສະແດງຄວາມເສຍໃຈຕໍ່ການຈາກໄປຂອງທ່ານ ບຸນມາກ ທິບພະສອນ ຜູ້ທີ່ມີຄຸນງາມຄວາມດີໃນວຽກງານນໍາພາຂອງສະພາປະຊາຊົນ, ໂດຍສະເພາະແມ່ນຢູ່ແຂວງຈໍາປາສັກຍາມໃດທ່ານກໍ່ມີຄວາມເປັນຫວ່ງເປັນໃຍ ແລະປົກປ້ອງສິດຜົນປະໂຫຍດ, ຄວາມເປັນທໍາໃຫ້ກັບປະຊາຊົນ.

______________

ຂຽນໂດຍ: ໂພທິຣາຊ        

ພາບ ແລະຂ່າວ: ໜັງສືພິມເສດຖະກິດ-ສັງຄົມ

แชร์