ເມືອງຈອມເພັດ ແຕ່ງຕັ້ງ-ຍົກຍ້າຍ ພະນັກງານລັດຖະກອນ

ພິທີແຕ່ງຕັ້ງຍົກຍ້າຍພະນັກງານ-ລັດຖະກອນພາຍໃນເມືອງໆຈອມເພັດ ແຂວງຫຼວງພະບາງ ໄດ້ຈັດຂຶ້ນໃນວັນທີ 8 ກໍລະກົດ ທີ່ສະໂມສອນຂອງເມືອງໂດຍເປັນປະທານຂອງທ່ານ ບົວພັນ ອຸດົມສິນ ຮອງເລຂາພັກເມືອງໆຈອມເພັດ, ມີຄະນະປະຈຳພັກເມືອງ ກຳມະການພັກເມືອງ, ຫົວໜ້າ, ຮອງຫົວໜ້າຫ້ອງການ, ພະນັກງານ ແລະເລຂາພັກບ້ານອ້ອມຂ້າງເທສະບານເມືອງເຂົ້າຮ່ວມ.
  ໃນພິທີຕາງໜ້າຄະນະຈັດຕັ້ງໄດ້ຂຶ້ນຜ່ານຂໍ້ຕົກລົງຂອງຄະນະບໍລິຫານງານພັກເມືອງໆຈອມເພັດວ່າດ້ວຍການແບ່ງງານ, ແບ່ງຄວາມຮັບຜິດຊອບໃຫ້ພະນັກງານການນຳຂັ້ນເມືອງໂດຍເຫັນດີແຕ່ງຕັ້ງ ແລະ ຍົກຍ້າຍທ່ານ ນາງ ສົມສະໜອນ ຄຳສຸກສະຫວັດ ຄະນະປະຈຳພັກເມືອງປະທານແນວລາວສ້າງຊາດເມືອງໄປເປັນຫົວໜ້າຄະ ນະຈັດຕັ້ງເມືອງ, ເຫັນດີແຕ່ງຕັ້ງ ແລະຍົກຍ້າຍທ່ານ ທອງວັນ ສີມະນີຈັນ ຄະນະປະຈຳພັກເມືອງຫົວໜ້າຫ້ອງການພາຍໃນເມືອງຂຶ້ນຮັກສາການປະທານແນວລາວສ້າງຊາດເມືອງ, ເຫັນດີແຕ່ງຕັ້ງ ແລະ ຍົກຍ້າຍ ທ່ານ ຄຳສຸກ ຈັນດາລາ ກຳມະການພັກເມືອງຫົວໜ້າຄະນະຈັດຕັ້ງເມືອງຂຶ້ນຮັກສາການຫົວໜ້າຫ້ອງການພາຍໃນເມືອງຫຼັງຈາກນັ້ນໄດ້ເຊັນບົດບັນທຶກມອບວຽກງານຢ່າງໃຫ້ກັນຢ່າງເປັນທາງການ.
 ໂອກາດນີ້ທ່ານ ບົວພັນ ອຸດົມສິນ ໄດ້ຮຽກຮ້ອງໃຫ້ທຸກພາກສ່ວນທີ່ຖືກແຕ່ງຕັ້ງຍົກຍ້າຍໄປປະຕິບັດໜ້າທີ່ໃໝ່ຈົ່ງພ້ອມກັນປະຕິບັດໜ້າທີ່ຕົນຮັບຜິດຊອບໃຫ້ສຳເລັດຜົນ, ສືບຕໍ່ຈັດຕັ້ງປະຕິບັນດາໜ້າວຽກງານທີ່ຍັງຄົງຄ້າງໃຫ້ມີຜົນສຳເລັດຕາມລະດັບຄາດໝາຍ ແລະຂ່າວຍັງໃຫ້ຮູ້ອີກຕື່ມວ່າໃນທີ່ປະຊຸມຍັງມີການລົງນາມເຊັນສັນຍາຮ່ວມມືດ້ວຍການເບີກຈ່າຍເງິນອຸດໜູນໃຫ້ເລຂາພັກບ້ານນາຍບ້ານພາຍໃນເມືອງໆຈອມເພັດໂດຍຜ່ານຊ່ອງທາງ U-money ທະນາຄານມືຖືຂອງຄົນລາວຂອງບໍລິສັດສະຕາໂທລະຄົມ ຫຼື Unitel ລະຫວ່າງອົງການປົກຄອງເມືອງຈອມເພັດຕາງໜ້າລົງນາມຮ່ວມໂດຍ ທ່ານ ບົວພັນ ອຸດົມສິນ ຮອງເລຂາພັກເມືອງກັບທ່ານ ຟຸ່ງ ມາຍຈຽນ ອຳ ນວຍການບໍລິສັດສະຕາໂທລະຄົມ ( Unitel ) ສາຂາຫຼວງພະບາງ.

________________

ຂຽນໂດຍ: ສີສຸວັນ, ໜັງສືພິມເສດຖະກິດ-ສັງຄົມ

   

แชร์