ເລືອກໄດ້ແລ້ວ 8 ນັກແມ້ນປືນທີມຊາດລາວກຽມຮ່ວມຍິງປືນຊີງແຊັມໂລກ

  ພາຍຫຼັງທີ່ໄດ້ຈັດການແຂ່ງຂັນຍິງປືນລາຍການໄອພີເອັດຊີ (ປະເພດປືນໂປຣດັກຊັນ) ລະດັບຊາດ 4 ຄັ້ງທີ່ຜ່ານມາ ໂດຍຫຼ້າສຸດເມື່ອວັນທີ 3 ກໍລະກົດ ຜ່ານມາກໍສາ ມາດຮູ້ຜົນໄດ້ທັນທີສາມາດເລືອກເຟັ້ນໄດ້ນັກກີລາທີ່ມີພອນສະຫວັນດີເດັ່ນຈຳນວນ 8 ຄົນກຽມຕາງໜ້າທີມຊາດລາວເຂົ້າຮ່ວມແຂ່ງຂັນກີລາຍິງປືນໄອພີເອັດຊີລາຍ ການຊີງແຊັມໂລກຄາດວ່າຈະຈັດຂຶ້ນໃນທ້າຍປີນີ້ ຫຼື ຕົ້ນປີ 2021 ທີ່ປະເທດໄທຮັບກຽດເປັນເຈົ້າພາບ.

 ທ່ານ ພຸດທະສັກ ສຸກອາລຸນ ປະທານສະໂມສອນຍິງປືນໄອພີ ເອັດຊີລາວ ທັງເປັນຜູ້ອຳນວຍການສະໜາມຝຶກຊ້ອມກີລາຍິງປືນ 5 ເມສາ ໃຫ້ສຳພາດວ່າ: ຫຼັງຈາກສະ ໂມສອນຍິງປືນ IPSC ລາວສະຫະພັນຍິງປືນແຫ່ງຊາດໄດ້ຮັບໂອກາດ ແລະໄດ້ຮັບສິດຈາກສະມາຄົມຍິງປືນ IPSC ໂລກໃຫ້ສາມາດສົ່ງນັກກີລາເຂົ້າຮ່ວມແຂ່ງຂັນລາຍ ການຊີງແຊັມໂລກເປັນຄັ້ງທີ 2. ດັ່ງນັ້ນ, ສະໂມສອນ IPSC ລາວ ຈຶ່ງໄດ້ທຳການຄັດເລືອກນັກ ກີລາ ຊຶ່ງມີນັກກີລາເຂົ້າຮ່ວມທຳການຄັດເລືອກຈຳນວນ 14 ຄົນ, ຍິງ 1 ຄົນ ໂດຍເປົ້າໝາຍເພື່ອຄັດ ເລືອກເອົາຕາມໂຄຕ້າຕົວຈິງ 8 ຄົນໃນຮູບການຄັດເລືອກແມ່ນຈັດແຂ່ງຂັນເປັນຈຳນວນ 4 ຄັ້ງ ເລີ່ມຕັ້ງແຕ່ເດືອນມີນາ ຈົນມາເຖິງວັນທີ 3 ກໍລະກົດ 2020 ເປັນມື້ສຸດ ທ້າຍຂອງການຄັດເລືອກ ໂດຍກຳ ນົດ 10 ສະໜາມແຂ່ງຂັນກໍຄືສະໜາມລະດັບສັ້ນ, ກາງ ແລະຍາວໂດຍນັກກີລາທີ່ເຂົ້າຮ່ວມແຂ່ງຂັນ ໄດ້ຍິງປືນເພື່ອສະສົມຄະແນນຜູ້ລະ300 ລູກຜ່ານການຄັດເລືອກສາມາດເລືອກເຟັ້ນນັກກີລາດີເດັ່ນໄດ້ຕາມເປົ້າໝາຍຕົວຈິງ 8 ຄົນ ປະກອບມີ: ທ້າວ ສຸນັນ ວັດທະນະບູນ, ທ້າວ ທຽນຢີ້, ທ້າວ ຫົງພະຈັນ ດາລາວົງ, ທ້າວ ສິງຄຳ ສີປະເສີດ, ທ້າວ ສຸພົນສາ ນິຍົມ, ທ້າວ ຕົ້ນຄຳ ເມືອງມະນີ (ຮຸ່ນເຍົາວະຊົນ), ທ້າວ ອາໂນໄທ ເມືອງ ມະນີ ແລະທ້າວ ອາພານະກອນ ແກ້ວໄຊຍະຈັກ, ສຳລັບການແຂ່ງຂັນຊີງແຊັມໂລກຄາດວ່າຈະມີຂຶ້ນໃນທ້າຍປີນີ້ ຫຼືຕົ້ນປີໜ້າທີ່ປະເທດໄທລາຍການດັ່ງກ່າວຈະມີນັກກີ ລາຫຼາຍກວ່າ 500 ຄົນເຂົ້າຮ່ວມຊີງໄຊ.

   ທ້າວ ສຸພົນສາ ນິຍົມ ໃນນາມເປັນນັກກີລານ້ອງໃໝ່ໃຫ້ສຳພາດວ່າ: ກ່ອນອື່ນຂໍສະແດງຄວາມຂອບໃຈມາຍັງສະໂມສອນຍິງປືນໄອພີເອັດຊີລາວທີ່ສ້າງໂອກາດດີໆ ໃຫ້ນັກກີລາທຸກຄົນໄດ້ຮ່ວມຄັດເລືອກນັກກີລາທີມຊາດໃນຊຸດນີ້, ເຖິງຢ່າງໃດກໍດີ, ໃນໄລຍະກະກຽມເຂົ້າຮ່ວມຄັດເລືອກນັກກີລາທີມຊາດນ້ອງກໍໄດ້ທຳການຝຶກຊ້ອມເປັນປະ ຈຳ ແລະໜັກຫຼາຍໂດຍເນັ້ນການຖອດຖອນບົດຮຽນ ແລະຍາດແຍ່ງເອົາປະສົບການຈາກຮຸ່ນອ້າຍມາຝຶກຝົນຫຼໍ່ຫຼອມນຳໃຊ້ເຂົ້າໃນການແຂ່ງຂັນຕົວຈິງຈົນໄດ້ຮັບຜົນສຳ ເລັດຕິດ 1 ໃນ 8 ທີມຊາດລາວກຽມເຂົ້າຮ່ວມແຂ່ງຂັນຊີງແຊັມໂລກ 2020 ໃນຄວາມຮູ້ສືກສ່ວນຕົວນ້ອງມີຄວາມພາກພູມໃຈ ແລະດີໃຈຫຼາຍທີ່ໄດ້ຮັບໃຊ້ທີມຊາດຂໍໃຫ້ເຊື່ອໝັ້ນວ່າຈະພະຍາຍາມພັດທະນາຕົນເອງຕໍ່ໄປເພື່ອເຮັດໃຫ້ເຕັມທີ່ສ້າງຜົນສຳເລັດໃນການເຂົ້າຮ່ວມງານດັ່ງກ່າວຂໍຮຽກຮ້ອງມາຍັງແຟນພັນແທ້ກີລາຍິງປືນສົ່ງແຮງເຊຍພວກເຮົາດ້ວຍເພື່ອເຂົ້າຮ່ວມສ້າງຜົນສຳເລັດໃນການແຂ່ງຂັນລາຍການເວີດຊຸດໃນຄັ້ງນີ້ດ້ວຍ.

   ຂະນະທີ່ທ້າວ ຕົ້ນຄຳ ເມືອງມະນີ ອະດີດຜູ້ຮັກສາປະຕູເຍົາວະຊົນລາວຊຸດຄວ້າເຕະບານເຍົາວະຊົນຮຸ່ນອາຍຸ 13 ປີ ລາຍການຊີງແຊັມນາໆຊາດທີ່ ສປ ຈີນ ຖືເປັນອີກໜຶ່ງນັກກີລາຍິງປືນເຍົາວະຊົນ ລາວທີ່ເກັ່ງຫຼາຍສາມາດຜ່ານການຄັດເລືອກໃນຄັ້ງນີ້ ກໍໄດ້ບອກວ່າ: ມີຄວາມຮູ້ດີໃຈຫຼາຍທີ່ໄດ້ຕິດທັບກີລາຍິງປືນໄອພີເອັດຊີທີມຊາດລາວ ຂໍສະແດງຄວາມຂອບໃຈມາຍັງສະໂມສອນຍິງປືນໄອພີເອັດຊີລາວກໍຄືຄອບຄົວເປັນຕົ້ນແມ່ນພໍ່ຂອງຫຼານທີ່ເພິ່ນຕັ້ງໃຈພາຝຶກຊ້ອມ ແລະເຂົ້າຮ່ວມແຂ່ງຂັນລາຍການຕ່າງໆ ຈົນສາມາດສ້າງຜົນສຳເລັດໄດ້ ໃນການແຂ່ງຂັນຄັ້ງນີ້ເຖິງວ່າໃນໄລຍະທີ່ຜ່ານມາຫຼານຈະມີຄວາມຫຍຸ້ງຍາກໃນການຝຶກຊ້ອມຍ້ອນຄາຮຽນ ແລະຄັດສົນເລື່ອງງົບປະມານກໍຕາມເປົ້າໝາຍຕໍ່ໄປຄືຜົນສຳເລັດທີ່ຍິ່ງໃຫຍ່ເພື່ອສົມການລໍຄ່ອຍ ຫຼານຈະທຸ້ມສຸດຄວາມສາມາດພັດທະນາຕົນເອງໃຫ້ຫຼາຍກວ່າເກົ່າເພື່ອຍົກສູງຄຸນນະພາບການຫຼິ້ນກີລາຍິງປືນສາມາດຮັບປະກັນໃນ ການເຂົ້າຮ່ວມສ້າງຜົນງານລາຍ ການຊີງແຊັມໂລກ 2021 ເພື່ອເປັນກຽດສັກສີ ແລະສ້າງຊື່ສຽງມາສູ່ປະເທດຊາດກໍຄືວົງການກີລາຍິງປືນລາວ.

 

แชร์