ຄຳມ່ວນ ຢືດ ແລະທຳລາຍເຄື່ອງໃນສັດລັກລອບນຳເຂົ້າເກືອບ 2 ໂຕນ

    ທ່ານ ວຽງທອງ ໄຊຍະສອນ ຫົວໜ້າຂະແໜງການຄ້າພາຍໃນພະແນກອຸດສາຫະກຳ ແລະການຄ້າແຂວງຄຳມ່ວນລາຍງານໃຫ້ຮູ້ວ່າ: ໃນເວລາ 9:00 ໂມງ ຂອງວັນທີ 7 ກໍລະກົດ 2020 ມີພົນລະເມືອງດີຄົນໜຶ່ງແຈ້ງຕໍ່ເຈົ້າໜ້າທີ່ວ່າມີການລັກລອບນຳເຂົ້າສິນຄ້າປະເພດເຄື່ອງໃນສັດແບບບໍ່ຖືກຕ້ອງຕາມກົດໝາຍທາງເຈົ້າໜ້າທີ່ກໍ່ໄດ້ເຄື່ອນໄຫວຕິດຕາມ, ລົດໝາຍເລກທະບຽນຕາມການແຈ້ງຂອງພົນລະເມືອງດີ, ເມື່ອກວດກາລົດຄັນດັ່ງກ່າວກໍ່ໄດ້ພົບເຫັນສິນຄ້າປະເພດຕັບໝູ ແລະ ເຄື່ອງໃນງົວ, ຄວາຍທີ່ຊຸກເຊື່ອງຢູ່ພື້ນລົດຊຶ່ງມີທັງໝົດຈຳນວນ 22 ແກັດ, ນໍ້າໜັກ 1.870 ກິໂລກຣາມ ລວມມີມູນຄ່າ 28 ລ້ານກວ່າກີບ ຕາມການກວດກາຂອງເຈົ້າໜ້າທີ່ເຫັນວ່າສິນຄ້າປະເພດດັ່ງກ່າວແມ່ນມີສານເຈືອປົນເປັນຈຳນວນຫຼາຍສະນັ້ນທາງເຈົ້າໜ້າທີ່ຈຶ່ງໄດ້ຢຶດພ້ອມນຳເອົາສິນຄ້າດັ່ງກ່າວໄປທຳລາຍທີ່ສະຖານທີ່ຖິ້ມຂີ້ເຫຍື້ອບ້ານນາ ບວນ ເມືອງທ່າແຂກ ແຂວງຄຳມ່ວນ ໃນວັນທີ 8 ກໍລະກົດ 2020 ໂດຍມີເຈົ້າໜ້າທີ່ຈາກຂະແໜງການຕ່າງໆຂອງແຂວງທີ່ກ່ຽວຂ້ອງເຂົ້າຮ່ວມ.

แชร์