ນວ ແຈ້ງຂາຍເຂົ້າສານຕ້ອງບໍ່ເກີນລາຄາລະ 7,4 ພັນກີບຕໍ່ກິໂລ

  ພະແນກອຸດສາຫະກຳ ແລະການຄ້ານະຄອນຫຼວງວຽງຈັນ ອອກແຈ້ງການກ່ຽວກັບກຳນົດລາຄາຜູ້ປະກອບການຊື້ຂາຍຍົກ-ຂາຍຍ່ອຍເຂົ້າໃຫ້ຢູ່ຕາມການກຳນົດຄະນະຊີ້ນຳວຽກງານຄຸ້ມຄອງລາຄາສະບຽງອາຫານໃຫ້ພຽງພໍກັບຄວາມຕ້ອງການຂອງສັງຄົມ.

ອີງຂໍ້ມູນຕາມແຈ້ງການເລກທີ 1099/ອດ.ນວ.ຄພນ ລົງວັນທີ 9 ກໍລະກົດ 2020 ໃຫ້ຮູ້ວ່າ: ເພື່ອແນ່ໃສ່ການຮັກສາສະຖຽນລະພາບດ້ານລາຄາສິນຄ້າທັງເປັນການປົກປ້ອງສິດ ແລະຜົນປະໂຫຍດອັນຊອບທຳຂອງຜູ້ຜະລິດປະກອບການຊື້-ຂາຍເຂົ້າກິນໃຫ້ມີຄວາມສະຫງົບສະໜອງສະບຽງອາຫານໃຫ້ພຽງພໍກັບຄວາມຕ້ອງການຂອງສັງຄົມພະແນກອຸດສາຫະກຳ ແລະການຄ້ານະຄອນຫຼວງວຽງຈັນໄດ້ກຳນົດລາຄາເຂົ້າເປືອກໜຽວຂອງຊາວນາສູງສຸດບໍ່ໃຫ້ເກີນກິໂລ 3,6 ພັນກີບ, ເຂົ້າເປືອກໜຽວຢູ່ ໜ້າໂຮງສີບໍ່ໃຫ້ເກີນກິໂລ 3,9 ພັນກີບ, ເຂົ້າສານໜຽວ (ປະເພດ2) ສົ່ງເຖິງຕະຫຼາດບໍ່ໃຫ້ເກີນກິໂລ 6,8 ພັນກີບ ແລະປະເພດເຂົ້າສານໜຽວ (ປະເພດ2) ຢູ່ຕາມຕະຫຼາດທົ່ວໄປບໍ່ໃຫ້ເກີນກິໂລ 7,4 ພັນກີບ.

แชร์