ຜທ ແຂ່ງຂັນກີລາຮັບຕ້ອນກອງປະຊຸມໃຫ່ຍອົງຄະນະພັກກະຊວງ

 ກະຊວງແຜນການ ແລະການລົງທຶນ (ຜທ) ໄດ້ຈັດກິດຈະກຳເປີດຂະບວນການແຂ່ງຂັນກີລາເພື່ອຂໍ່ານັບຮັບຕ້ອນກອງປະຊຸມໃຫຍ່ຂອງອົງຄະນະພັກກະຊວງ ຜທ ຄັ້ງທີ IV ຈັດຂຶ້ນໃນວັນທີ 7 ກໍລະກົດ 2020 ໂດຍເປັນກຽດການເຂົ້າຮ່ວມຂອງທ່ານ ສອນໄຊ ສີພັນດອນ ຮອງນາຍົກລັດຖະມົນຕີ, ລັດຖະມົນຕີກະຊວງ ຜທ, ມີສະມາ ຊິກພັກ, ພະນັກງານຫຼັກແຫຼັງ,ພະນັກງານ-ລັດຖະກອນອ້ອມຂ້າງກະຊວງ ຜທ ເຂົ້າຮ່ວມ.

 ທ່ານ ສອນໄຊ ສີພັນດອນ ກ່າວວ່າ: ການແຂ່ງຂັນກີລາໃນຄັ້ງນີ້, ມີບົດບາດສໍາຄັນໃນການສ້າງໃຫ້ເກີດຄວາມສາມັກຄີ ແລະ ການພັດທະນາຮ່າງກາຍໃຫ້ມີຄວາມອຸດົມສົມບູນ, ການພັດທະນາສັງຄົມ, ອາລົມຈິດ ແລະ ຄຸນນະພາບຊີວິດທີ່ດີໃນອະນາຄົດເພື່ອປະກອບສ່ວນເຂົ້າໃນການປະຕິບັດວຽກງານວິຊາສະເພາະໃຫ້ໄດ້ຮັບໝາກຜົນ, ມີຄຸນນະພາບ ແລະສໍາເລັດຕາມລະດັບຄາດໝາຍທີ່ວາງໄວ້ ແລະການ ແຂ່ງຂັນກີລາທຸກປະເພດໃນຄັ້ງນີ້ ແມ່ນເພື່ອຄວາມສາມັກຄີມິດຕະພາບຂອງບັນດາໜ່ວຍພັກ, ບໍ່ໃຫ້ຖືເອົາຜົນການແຂ່ງຂັນເສຍ ຫຼື ຊະນະເປັນບັນຫາສໍາຄັນ ແລະອື່ນໆ ແນໃສ່ຮັບປະກັນໃຫ້ການສ້າງຂະ ບວນການກີລາຂໍ່ານັບຮັບຕ້ອນກອງປະຊຸມໃຫ່ຍຂອງອົງຄະນະພັກກະຊວງແຜນການ ແລະການລົງທຶນຄັ້ງທີ IV ໃຫ້ເປັນຂະບວນການຟົດຟື້ນຕໍ່ເນື່ອງ.

  ໃນການແຂ່ງຂັນກີລາໃນຄັ້ງນີ້ໂດຍໄດ້ຈັດໃຫ້ມີ 2 ປະເພດກີລາແຂ່ງຂັນຄື: ບານເຕະຍິງ-ຊາຍ ແລະເປຕັ້ງຍິງ-ຊາຍເພື່ອດໍາເນີນການແຂ່ງຂັນຊີງຂັນທ່ານຮອງນາຍົກລັດຖະມົນຕີ, ລັດຖະມົນຕີກະຊວງ ຜທ, ສຳລັບກີລາບານເຕະຍິງໄດ້ແບ່ງອອກເປັນ 8 ທີມ, ກີລາບານເຕະຊາຍແບ່ງເປັນ 10  ທີມ ຊຶ່ງໄດ້ເລີ່ມການແຂ່ງຂັນມາແຕ່ວັນ ທີ 30 ມິຖຸນາ 2020 ເປັນຕົ້ນມາ ແລະຈະສໍາເລັດການແຂ່ງຂັນໃນວັນທີ 24 ກໍລະກົດ 2020.

 

แชร์